الموضوع: مطالب شعبية بالنسبة للمرور

+ 1

نمر العربيه كمان..من الحاجات المهمه...ميكونشي فيه واحد ظابط ولا وكيل نيابه..و حتى وزير أو رئيس جمهوريه..شايل النمره الرسميه وحاططلي بدلها كارت صغير أو كاتب number busy
الحركات المستفزه دي..

كلام مظبوط

في قطر مخالفة الفاميه 10-50 ريال سنويا

اولا احييك على فكره الموضوع واتمنى ان تتمتع بسعه صدر تجاه رأيى الشخصى فى النقاط اللى كتبتها مع الوضع فى الاعتبار انى مجرد واحد زى زيك يعنى ولا انا ظابط ولا انا عضو فى الحزب الوطنى ولا الكلام ده :

المشاركة الأصلية كتبت بواسطة gemy1

هذه مطالب شعبيه من الجماهير لتعديل قوانين المرور لتحسين الوضع الحالى :

1- مابقاش واقف فى الصف او فى الطابور و الاقى ناس داخله جوه عند الظابط يشربو شاى و حاجه ساقعه و الظابط يبعتلهم عسكرى يخلصلهم ورقهم



2- عمل اكثر من شباك لتأدية نفس الغرض للسرعه من انتهاء الاجراءات المناسبة و عدم تكاثر الجمهور على شباك واحد فقط



3- وجود رقابة صارمه على موظفين المرور لمنع المحسوبيات و الرشاوى



4- تقديم كل الوق المطلوب فى نفس الشباك بدلا من اللف و الدوران حوالين نفسنا و كل شويه نقف فى طوابير



5- الغاء شغل البصمجيه بتاع الورقه و القلم و الاستعانه باستخدام اجهزه حديثه مثل قارىء الباركود و تخزين بيانات السياره على الكمبيوتر لضمان سرعة العملية و الاعتراف بالكتولوجيا الحديثة و تطبيقها

7- حرية المواطن فى ملكيتة الشخصيه مثل اعطائة الحرية فى وضع ملصقات و لكن بحيث لاتخفى لون السيارة

10- معاملة المواطن باحترام تام بحيث لا يأتى ملازم حديث التخرج و يصغرنى فى السن و يتعامل معى بقلة ادب ( يقلى رخصك يالا او اركن على جمب يابنى )

11- عودة عساكر المرور فى كل الاحياء و عدم الركن على يمين الرصيف مثل ايام اسماعيل الشاعر حينما استلم منصبه كمدير امن القاهره لانها كانت احدثت عملية التزام مرورى ممتاز

12- محاسبة الظباط على عدم التزامهم بقواعد المرور كأى مواطن


15- عمل عقوبات رادعه للنقل الثقيل الذى يلزم الحارة اليسار للطرق السريعه



16- عمل كارت لكل سيارة للمخالفات الوارد حدوثها اثناء السير مثل شرخ الزجاج كسر فى الفوانيس بحيث يكون فى هذا الكارت به خانات بحيث لو تكررت هذه المخالفات فى نفس الشهر او على مدار مده زمنيه معينة يتم تطبيق المخالفه بعد تكررها ثلاث مرات لانه من الوارد جدا ان ينكسر اى من الاشياء المذكورة او يتم تلفها و هذه ليس من مصلحة صاحب المركبه اى انها لا تكون متعمده و لكنها حدثت اثناء السير فليس من المحتمل تطبيق غرامه فوق الاموال التى سوف يتغرمها صاحب المركبه فى اصلاح تلك التلفيات و هذا لتجنب الضغط على المواطن و مراعاة شعورة الادمى



17- اتاحة اماكن للانتظار للسيارات فى الاماكن المزدحمة بالتنيسق مع الاحياء المختلفة



18- عمل اثبات مرئى للمركبات المخالفة للسرعات المقررة على الطرق السريعة لتوفير المصداقية بين الشرطه و المواطن وهذا حق شرعى للمواطن

متفق معاك تماما فى النقاط السابقه لأنها بتلمس واقع مرير بنعيشه كلنا فى معظم المصالح الحكوميه سواء من اغنياء او اثرياء.

المشاركة الأصلية كتبت بواسطة gemy1

6- تخفيض الضرائب الباهظه على التراخيص
14- تخفيض الرسوم الجمركية الباهظه على السيارات ذات السعات اللتريه العاليه لانه ليس من المعقول ان كل السيارات التى تدخل مصر سعة 1600 سى سى فقط

سيدى الفاضل الضرائب ليست باهظه غير على فئات السيارات ذات السعه اللتريه الكبيره ودى اكيد مش من اهتمامات الفئه متوسطه من الشعب اللى بتحط فى عربيتها 10 لتر بنزين يمشوا بها كم يوم اما الضرائب الباهظه فهى تطبق على العربيات الفارهه ودى اكيد اللى هيفكر فيها هيكون واحد (عنده اللى يكفيه وزياده زى مابيقولوا وجايبها لمزاجه او لأبنه علشان يدوس بنزين وخلاص) وبناء عليه اسمحلى اقول انى مش شايف ده يستح يقال عليه مطلب شعبى

المشاركة الأصلية كتبت بواسطة gemy1

8- السماح بنسب فامية للزجاج للرجال و السيدات مثل باقى دول الخليج و هو مطلوب فعلا للتقليل من حرارة الشمس او خصوصية العائلات فى سياراتهم و عدم التطفل بالنظر داخل السيارة

النقطه دى احد الاعضاء رد عليها وانا متفق معاه

المشاركة الأصلية كتبت بواسطة gemy1

9- عدم اثبات الموتور فى الرخصة لانة يعتبر من قطع الغيار و ليس من دواعى تغييرة ان يثبت فى الرخصه

النقطه دى برضو اعتقد اللى هيكون مهتم بها اصحاب المزاج العالى اللى يفكروا يسقطوا موتور سى سى عالى على بودى اى عربيه لكن لو مواطن عادى موتور عربيته فوت او عايز يفكر يجيب موتور تانى هيجيب موتور على قده مش هيدور على موتور 3000 او 4000 سى سى وبالتالى اعتقد برضو النقطه دى لا تندرج تحت كلمه مطلب شعبى[/quote]

المشاركة الأصلية كتبت بواسطة gemy1

13- زياده السرعات المقررة على الطرق السريعه لان السيارات حاليا اغلبها حديث و سريع بحيث اقل سيارة تعتبر سرعتها على الطريق 160 كم فى الساعه

انا مش هرد على النقطه دى او هحاول اوجد سبب مقنع على انها مش صح بس بمنتهى البسطه انظر جيدا لطرق بلدنا قفل التفكير فى زياده السرعه....ببساطه شوارعنا وطرقنا ماتستحملش السرعه العاليه لأن معظم الطرق السريعه بتمر على بلدان واكيد الناس بتستعمل الطريق للمرور مع ان ده غلط بس لو جربت تكون احد سكان هذه البلدان واستخدمت كبارى عبور المشاه اللى بتأخد نص ساعه زياده طلوع ونزول مرتين فى اليوم هتقول ملعون ابو الكوبرى(عفوا) هعدى الطريق وخلاص

المشاركة الأصلية كتبت بواسطة gemy1

19- تقليل الاحتكاك بين امناء الشرطة و المواطنين لتفاوت الثقافة و التعليم بين الطرفين

لا تعليق حيث انى اشعر بنوع من التعالى فى هذا المطلب الشعبى بصراحه تجاه امناء الشرطه اللى بدأوا يتحسن صورتهم فى الشارع بالفعل بناء على كلام ناس عاديه فى الشوارع

المشاركة الأصلية كتبت بواسطة gemy1

20- السماح بتعديل السيارات لانها ملكية شخصية و عدم كبت المواطنين فى التصرف فى املاكهم

التعديل اذا كان من وجهه نظرك هو حريه تصرف فى ملكيه خاصه فهو ايضا ممكن يكون سبب فى حدوث كوارث على الطريق....مجرد وجود حاجه شاذه على الطريق هيلفت نظر معظم سائقى المركبات ومع عدم جاهزيه شوارعنا زى ماقلت قبل كدا يبقى نسبه حدوث الحوادث هتزيد....ده بالاضافه الى ان اللى هيدور على تعديل سيارته هيبقى برضو من اصحاب المزاج العالى الرايق مش هيكون من الطبقه العاديه اللى نازله الشارع تقضى مصلحه وخلاص وبناء عليه فأنا ارى ان هذا الطلب لا يستحق ان يندرج تحت كلمه مطلب شعبى.

ليا تعليق اخير.....حسيت من النقاط اللى اختلفت معاك فيها انك راعيت نفسك كسائق مركبه اكتر من مراعاه الناس العاديه فى الشارع وأتمنى ان لا تاخد هذا النقد على محمل شخصى...انا فقط اقول رأى.

تحياتى.