الموضوع: بيقولوا فيه مظاهرة مليونية يوم الثلاثاء لإسقاط حكومة شفيق؟؟؟؟؟؟؟

المشاركة الأصلية كتبت بواسطة thedeveloper87

دعوات على فيس بوك لمظاهرة مليونية بميدان التحرير الثلاثاء المقبل

شارك
اضغط للتكبير
تظاهرة مليونية بميدان التحرير - مصراوي

• احفظ الخبر
• اطبع
• أضف تعليق
• ارسل

2/20/2011 1:15:00 pm
كتب - مصطفى مخلوف:
يبدوا أن إصرارهم لن يهدأ.. وعزيمتهم لن تخمد.. وصبرهم لن ينفذ.. ومظاهراتهم المليونيه مستمرة، حتى تتحقق مطالب الثورة كاملة، كما أكد شبابها.
ففي دعوة لمليونية جديدة، بميدان التحرير الثلاثاء 22 فبراير، أكد الالاف من شباب ثورة 25 يناير أن المليونيه تهدف إلى إسقاط حكومة شفيق، وتطالب بتشكيل حكومة تكنوقراط جديدة.
وقال الشباب في الدعوة التي نشروها على الفيس بوك " هنرجع تانى ميدان التحرير، وهنفضل قاعدين فيه، المجلس الأعلى سايب حكومة مبارك تعمل اللى هى عايزاه، والاتحاد الأوروبي ريقه نشف عشان يطلبوا تجميد أرصدة مبارك، والفريق شفيق عمال يوعدنا بأمال وأحلام وخلاص، الثورة لم تخمد و لن تهدأ"
وأشار الشباب إلى ان عودتهم للتحرير، هدفها، تشكيل حكومة تكنوقراط جديدة فى أسرع وقت، وتجميد أرصدة مبارك و عائلته فى الداخل وطلب تجميدها فى الخارج.
وقال المشاركون في الدعوة إن " المعركة الآن أعنف و أطول، لقد قام الشباب بفصل الرأس عن الجسد؛ ولكن الجسد ما زال يتحكم فى كل شئ ، و يأخذ أوامره من الرأس المفصولة"
يذكر أن الحكومة التكنوقراطية، هي الحكومة المتخصصة غير الحزبية التي تتجنب الانحياز لموقف أي حزب كان وتستخدم مثل هذه الحكومة في حالة الخلافات السياسية، ومعنى تكنوقراط حكم الطبقة العلمية الفنية المتخصصة المثقفة.




الصراحة أنا شايف إن معاهم حق ... فيه حاجات كتير غامضة....
1. مبارك قاعد في شرم الشيخ بياكل كافيار وشيكولاتة سويسرية ومفيش أي مشاكل

2. نظيف حر طليق وبيمارس حياته بشكل طبيعي جدا
3. محدش جاب سيرة عمدان النظام القديم الثلاثة: فتحي سرور وزكريا عزمي وصفوت
4. العادلي بيتحقق معاه على تفجير كنيسة القديسين وسايبين تحقيقات 25 يناير؟؟؟؟؟؟؟؟؟؟؟؟؟؟؟؟
5. محدش قرب من تجميد أرصدة مبارك
6. إبراهيم سليمان فين؟؟؟؟


أسئلة كتير في ذهني وأنا مش مطمئن للي بيحصل ... أعلام النظام القديم أحرار وقاعدين في مصر ... أكيد فيه حاجة؟؟؟؟؟

مع الاطاحة بحكومة شفيق او اى حد يماطل فى دماء الشهداء

ميعادنا يوم الثلاثاء فى ميدان التحرير

للمطالبة بالقصاص العادل من الفاعل الرئيسى

ولاسترجاع اموال الشعب المنهوبة بدون تباطىء

فعلا ناس واعية جدااااا

شفيق بيماطل و عايز الناس تروح علشان لما الموضوع يهدا محدش حيقدر يقول لجد انزل تانى و سيب شغلك و كدا

فى حاجات مش محتاجة دقايق متعملتش!!!

لازم الحكومة دي تمشي مفيش حل تاني