الموضوع: بيقولوا فيه مظاهرة مليونية يوم الثلاثاء لإسقاط حكومة شفيق؟؟؟؟؟؟؟

وجود ناس لحد دلوقتى فى وزارته
مفروض حيعلن تقريبا النهاردة 7 وازارت منهم 3 اللى كانوا من غير وزارت اللى هما السياحة والتعليم والاعلام ومفروض قال انه حيعلن عن تغير 4 وزارت قديمة
الراجل عنده مشكلة وهو ان كل الوزرا مش بيوافقوا على قبول الوزارة
بيتهيألى ناس كتير معتبرة ان قبلوها الوزارة فى الفترة ديه غلط ومش موافقة
هو ابتدى يعمل اصلاحات ومفيش حاجة حتتنفذ فى يوم وليلة
وشايفة ان من حقه فرصة وخصوصا انه من الناس اللى مشهود ليها بالكفاءة ومحدش قال فى حقه كلمة وحشة بالعكس اى حد من الناس الموثوق فيهم اشاد بانه متفانى فى شغله
ومينفعش نرفض حد لانه بس كان من النظام اللى فات
المهم الكفاءة وانه يقدر يعمل تغير وخصوصا ان البلد فعلا فى مصيبة مش بس مشكلة وموضوع الفساد ده يتعمل عن طريق جهاز يحاسب و يراقب كل صغيرة وكبيرة لكل الوزرا سؤاء شفيق او غيره وسؤاء دلوقتى او بعد كده
لان مهم كان الشخص أمين فالمال السايب يعلم السرقة
انا يهمنى ان واحد يمسك الوزارة يكون تفكيره مختلف و يشتغل ويعرف يفكر بطريقة مختلفة وده فى كل وزارة وانا احسابه لكن انى اصنف الناس على حسب ولاءه واتفاقه مع فكرى يبقى كده حنرجع للوضع اللى كنا فيه

المشاركة الأصلية كتبت بواسطة Mahmoud Saloum

بصراحة رغم إعجابى الشديد بشفيق ورغبتى فى بقائه حتى سبتمبر لكن فى حاجات غريبة بتحصل منها وجود وزراء سيئين جدا فى حكومته وبقاء ناس زى صفوت الشريف بدون محاسبة وحاجات تانية وان كنت وبصراحة اعتقد ان الراجل مضغوط عليه من جهات كتير وانه بيتم توجيهه فى بعض الأشياء على الرغم من ارادته.

ده اللي مجنني ومحيرني

والله العظيم أنا مش عايز حال البلد يقف ونفسي نخلص ونتقدم بقى ، بس في نفس الوقت خايف يروح مجهودنا هدر

المشاركة الأصلية كتبت بواسطة amado ibrahim

اتفق مع حضرتك تماما فى كفاءة الفريق شفيق الادارية

لكن المشكلة فى السن

الراجل سنه كبير

و مش قادر يواكب فكر الشباب الثورى

لا يستطيع ان يدرك ان قواعد اللعبة قد تغيرت تماما

فهو مستمر على نفس الطريقة القديمة
(اللى يهمنى ان دولاب العمل لا زال مستمر <على حد تعبير الفريق شفيق>)
(ميهمنيش الناس النس بتقول ايه المهم انى بعمل اللى انا شايفه صح<عل حد تعبيره)
نفس الفكر القديم الذى لا يستطيع التجاوب مع مطالب الشباب بنفس السرعة
(مكنتش متخيل ان المطالب بالتغيير بالشكل ده < على حد تعبيره)

كل ده ناتج عن حاجة من اتنين

1- ان الراجل واقع تحت ضغوط رهيبة من المجموعة اياها مخلية استجابته

2- عامل السن اللى بيخلى عامل الاستجابة للمطالب بطى

و انا أعتقد ان الحقيقة مزيج من الاتنين

لكن اللى بيحصل هو اللى كان السبب وراء الاطاحة بمبارك نظرا للبطىء فى اتخاذ القرارات

فالقرار الصحيح هو اللى يتخذ فى الوقت المناسب بدون تأخير

وخاصة فى الحالات الثورية الجديدةالتى تحتاج اللى فكر يتواءم مع سرعة الاحداث بسرعة و حسم فى اتخاذ القرارات

اخيرا تقبلى احترامى

طيب كده نبتدى نفكر بعقلانية لانى بصراحة رافضة فكرة انه يتغير لمجرد ان اللى عنيه مبارك
ماهو مبارك عين حسب الله الكفرواى و الجنزورى واحمد رشدى وناس كتير احنا بنشهد بالتزامهم
موضوع سنه ده يبقى كمان حنقول لا لعمرو موسى والجنزورى وكل الناس اللى مذكورين قبل كده
ثانيا ديه حكومة انتقالية يعنى مش مستمرة وحتتغير بس خلينا نتفق على حاجة
فيه قاعدة رياضية بتقول اى معادلة لازم يبقى عندك ثوابت متغيرها علشان تغير حاجات تانية ميفنعش يبقى كل حاجة متغيرة
احنا فى مرحلة دلوقتى بنغير رئيس جمهورية و بنعدل دستور و بنغير مجلس شعب وشورى
يبقى بيتهيألى لعى الاقل نثبت حكومة لحد ما كل التغيرات ديه تحصل وتستقر وبعدين نغير الحكومة ديه وخصوصا اننا بنلاقى تغيرات فهيا ترضينا على جانب كبير وفى اكتر من ناحية وفى وقت قليل احنا يدوب اسبوع ومع ذلك كل يوم بنسمع عن تغيرات

انا مع التغير بس لازم خطة للتغير واولويات فيه و مع اننا نقضى على اى فساد يتثبت فعلا بس حتى الهدم والقضاء لازم يكون بخطة والا حتتهدم على راسنا
بيتهيألى لو جبنا مهندس مدنى وقولنلها هد المبنى ده بيعمل وفق نظرية وبيشتغل على اساس مش مجرد هدم وخلاص وبيمشى بخطوات والا حيهد المبنى على اللى فيه
والاحر كلنا بندور على مصلحة البلد وكل واحد بوجهة نظره و حتى مناقشتنا علشان نعمل الاحسن لبلدنا
وتقبل احترامى لوجهة نظرك

المشاركة الأصلية كتبت بواسطة zaza2002

ولو المطالب ده اتحققت بردو حتطلع مطالب جديدة هو مبارك مطلقشى سوزان ليه هو الاهلى بياخد الدورى على طول ليه هو عمرو دياب منزلش البوم جديد ليه وهكذا لحد ماالبلد تخرب خالص زى ما الشركه عندى مثلا حتخرب رغم ان انا من اشد المؤيدين لكل اللى حصل بس قولت الحمدلله كفايه كده وندى فرصه للناس ده تشتغل والبلد تشتغل تانى لكن اكتر من كده يبقى اسمه خرااااااااااااااب

+111111111111111111

فعلا الاجراءات بطيئة و خصوصا مع ناس تستاهل قطع رقبتها

بس ليا سؤال:

مين انسان عاقل يوافق يدخل الوزاره دلوقتي؟

حتي لو عايز يصلح

مش ممكن يحرق نفسه و حايفضل يستني الجكومات اللي جاية