محاكمة ظباط بتهمة اطلاق الرصاص الحى

**tito17182** · 21-02-2011 05:46 PM

بعد أذن حضرتك أنا مش مصدق إن ممكن ندافع عن حد رفع مسدس وضرب ناس بالنار
عشان كان بيحمي القسم
قسم إيه وبتاع إيه
ما كان مكن يضربهم في رجلهم
لكن دة موت أربعة ولو كلام حضرتك صح إن الناس دي بلطجيه ماكنوش سبوة اليوم دة غير وهو ميت
يارة نفرق بين بلطجية وناس ممكن اووي تكون أتعزبت في القسم دة وبيطلعو غلهم

أنا شوفة واحد بيضرب عربيه شرطة بالشلوت وهي كانت بتتحرق تفتكري كان بيضربها وهي بتولع ليه

**Samah AbdAllah** · 21-02-2011 05:54 PM

وانا مشوفتش اننا خارجين من بيوتنا وسايبين ولادنا عشان نروح نحرق فى الاقسام ونموت فى الظباط
تقدر تقولى حضرتك مروحتش ولعت قسم ولا قتلتلك ظابط ليه
اكيد حصلك موقف اتظلمت فيه منهم وكلنا كده
لكن ده مش مبرر انى اروح اكسر القسم ولا اموت الظابط
ومتقنعنيش انهم سابوه يهرب قدام عينهم وبمزاجهم لو كانوا مسكوه كانوا قتلوه زى غيره من ظباط كتير
والدليل قتل كتير من ظباط الشرطة فى اقسام تانية ومنهم ظابط قسم الجمرك هو اة مجرم والناس كلها تجمع على انه فاسد وظالم ومفترى لكن ده ميديش الحق للناس تهاجم القسم ويضربوه لحد ما يموتوه
اللى مرضتهوش على المتظاهرين مرضهوش على اى حد حتى لو كان ظابط كلنا بشر
يعنى ايه ناس مظلومة مغلولة يهجموا على القسم ويقتوا الظباط
دول استغلوا ثورتنا وحولوها لفوضى ولانتقامات شخصية
تقدر تقولى المتظاهرين فى التحرير مهاجموش على الاقسام وولعوا فيها ليه يوم 26 و27 رغم انهم اتضربوا يوم 25
وحضرتك دلوقتى عاوز تحاكم مين بالظبط
الظباط اللى هربوا من الاقسام وانسحبوا ولا اللى فضلوا ودافعوا ؟

**Samah AbdAllah** · 21-02-2011 06:11 PM

انا بأيد محكامته على كل اخطاؤه
مش اسيب كل مصايبه اللى هى اكتر ويستحق فيها اعدام
وامسك فى حاجة سهل جدا اى محامى يخرجه منها

**nabaster** · 21-02-2011 06:32 PM

المشاركة الأصلية كتبت بواسطة BASKOTA

انا بأيد محكامته على كل اخطاؤه
مش اسيب كل مصايبه اللى هى اكتر ويستحق فيها اعدام
وامسك فى حاجة سهل جدا اى محامى يخرجه منها

بأيدك في مشاركتك دي

ولو ثبت علي الظابط ده اطلاقه النار لغرض غير الدفاع عن القسم

يبقي وقتها يستحق العقاب

ده لو ثبت ان الاهالي هما الي بدأوا بالهجوم علي القسم

وعلي فكره مقدر دفاعك عن الظباط خصوصا لقرابتك من مجموعه منهم

بس حاولي تكوني حياديه اكتر من كده زي ما متعودين نشوفك دايما

A.Yakout

**megamoudy** · 21-02-2011 06:56 PM

منا قولت كده ف تعليق محدش عبرني قولت في ألفاظ زباله اوي اتقالت

هو الانسان المتظاهر العاقل هيعد يقول الفاظ زي دي

**SHNORY** · 21-02-2011 07:01 PM

علي فكره سواء وائل الكومي مجرم ولا مش مجرم دي حاجه حنسيبها للنيابه والتحقيقات لاني معرفهوش شخصيا ولا سمعت عنه حاجه في تعامله مع الناس
بس انا حقول رايي الشخصي
قسم الرمل ثاني ماسك منطقه من اسود مناطق اسكندريه
السيوف وابوسليمان والعوايد والعزب والاراضي المحيطه بيهم
ومليانه بالمسجلين خطر سواء فرض سيطره او جرايم نفس وكل ما تتخيلوه من بلاوي موجوده في المناطق دي
بجانب ان القسم مش موجود بجواره اي شوارع حيويه
او بمعني تاني موجود في حته مقطوعه من مجاهل اسكندريه قليل جدا لما حد بيمشي فيها علي رجله
والعادي بتاع القسم ده ان كل يوم يجيله عشرات البلاغات سواء ناس ضاربين بعض بمطاوي
او ناس بيشتكوا من واحد مجرم بيتلف ممتلكاتهم وبيبيع مخدرات
او ماسكين ناس شايله مطاوي وخناجر وسيوف
وده حصل قدامي مره لما كنت قاعد هناك
الناس زي ما شوفت في الفيديوهات مكانوش رايحين يتظاهرو
لا دول كانو رايحين مخصوص يولعوا في القسم
وكلام اتقالي من واحد معرفه في القسم
ان وائل الكومي لما لقي القسم بيولع هو اللي طلع المساجين من الزنزانه
والمساجين دول هما اللي هربوه بره القسم
والله اعلم الحقيقه فين

-

-

-

الموضوع: محاكمة ظباط بتهمة اطلاق الرصاص الحى

LinkBack

أدوات الموضوع

عرض

-

-

-

-

-

المواضيع المتشابهه

صب الرصاص بين الحقيقة والافتاءات

البنزين فى مصر بانواعه خالى من الرصاص

خبر طيب البنزين فى مصر بانواعه خالى من الرصاص

سؤال عن صب الرصاص

الكلمات الدلالية لهذا الموضوع

المفضلات

المفضلات

ضوابط المشاركة