الموضوع: محاكمة ظباط بتهمة اطلاق الرصاص الحى

المشاركة الأصلية كتبت بواسطة shnory

البلد كلها بتحشش يا باشا وكلنا عارفين كده
وعارفين مصادر الحشيش والكلام ده كله
بس النقطه ان الناس بتقول انه ضرب نار وقتل الناس
طيب دلوقتي بعيدا عن القانون
الناس بتقول ان الي انسحب خاين وان اللي فضل ودافع عن القسم خاين
اللي قتل ناس في المظاهرات خاين
الخيانه معانيها بقت كتير وممطوطه
مع ان اللي مسك واحد معاه سلاح وقتله في لجنه شعبيه بقي بطل وبيفتخر انه قتله
فهل هم خونه علشان هربوا
ولا علشان دافعوا
ولا علشان ضربوا
ولا خونه لمجرد انهم ظباط ؟؟؟
اظن ان الثوره قامت لتحرير البلد من الظلم
مش لعمل محاكم تفتيش وحرق الساحرات (الضباط)
============================
يا ريت الناس تدخل علي يوتيوب
وتدور علي قسم شرطه رمل ثاني
ويدققوا في كيفيات الهجوم وهما يعرفوا ان كانو دول متظاهرين ولا متلفين
انا مرضيتش احط الفيديوهات هنا علشان فيها كميه الفاظ مينفعش تتحط علي المنتدي

المفاهيم كلها متلخبطة يا شنر اليومين دول ولو كنت انا قلت الكلمتين بتوعك دول كنت هاتتفرج على كم الهجوم الرهيب لان كلامي حتيلو صحيح بيقف لناس معينة في زورهم

المشاركة الأصلية كتبت بواسطة heshamzaky

أنا شوفت الفيديو لو هو الى بعنوان((( قسم رمل ثان وفاة شاب فى المظاهرات ))) فى أخر الفيديو شاب اصيب بطلقة فى دماغة مع أحترامى لأراء الجميع دة كدة مضروب عن عمد أولا الولد كان فى نص الشارع و بعيد حتى عن السور يعنى لو كان فية تسلل من جانبة و محاولة اقتحام يبقى دفاع شرعى من جانب ظباط القسم و كان فية تهديد مباشر لأرواحهم بس الولد كان واقف فى وسط الناس و من الفيديو برغم رداءة التصوير مفيش معاة سلاح و حتى لو كان معاة سلاح سواء سلاح أبيض أو شوية طوب دة كان لا يمثل خطر مباشر علشان يتم اطلاق طلقة نارية علية . المهم أن تقرير الطبيب الشرعى يحدد نوع الطلقة يعنى من طبنجة و لا من ألى و مسافة الضرب كان مسافتة كام . اعتقد الظابط الى ضرب لازم يتحاكم لان دى شكلها كدة عن عمد . و الله اعلم . دة بأضافة أن الشباب بالرغم من أنهم كانو بيهاجمو بس مفيش معاهم نار و لا مولوتوف دة المقطع الى شوفتة

يا هشام بيه انا شفته اولا مش واضح المكان اللى انضربت الطلقة منه ثانيا فيه مئات كانوا بيهاجموا القسم فطبيعي اللى فوق بيضرب عشوائي ثالثا لو مفيشناس معاها مولوتوف امال القسم اتحرق ازاي ؟
مش دفاع طبعا عن الظباط دول اللى يثبت انه تعمد قتل متظاهر بدون سبب يتعدم
لكن المتظاهر اللى يثبت انه حرق القسم او قتل عسكري بدون سبب يا تري هايتنفذ فيه نفسالحكم في هذه الاجواء ؟

المشاركة الأصلية كتبت بواسطة baskota

انا ماليش قرايب ظباط فى اقسام نهائى يا ياقوت
ودفاعى مش عن الظابط نفسه
لكن دفاعى عن ثورة خرجت لاهداف
انتهزها البعض وقتل ظباط وحرقوا اقسام
مش ضد انه يتحاكم
بس متضحكش عليا وتمسك الظباط اللى كانوا فى القسم وتسيب اللى كانوا بيضربوا المتظاهرين السلميين
اشمعنى دول اللى اتقبض عليهم
فين اللى الفيديو بتاعه نزل على الجزيرة واللى قتل شاب اعزل فى وسط الشارع
وده لا كان بيدافع عن قسم ولا عنده مبرر يقتل

هو ده المطلوب
نفرق بين الظباط والجنود المجرمين اللى تعمدوا بدم بارد قتل واصابة المتظاهرين في اماكن التظاهر ودول يتعاقبوا بتهمة القتل العمد مع سبق الاصرار وعقوبتها الاعدام
وبين الظباط والجنود اللى كانوا في حالة دفاع عن النفس ودول براءة
والمتظاهرين نفس الشئ اللى كان في مظاهرة وضرباو حتيقتل جنود او ظباط دفاع عن النفس براءة
واللى تعمد قتل الظباط او الجنود بدون سبب بردو يتعدم زي اللى قتلوا العميد وملازم اول و2 امناء شرطة ورقيب في دمنهور علشان يسرقوا بنك

القانون يطبق على الجميع بالعدل والمساواة