الموضوع: وماذا بعد سقوط ليبيا ؟؟؟؟؟؟؟؟؟

يا دكتور محمد بخصوص عبد الناصر و غم انى لم اعاصره و لكنى احترمته و احببته لانه كان عنده احلام كتيرة و امال قوية و معظم المشاريع الانتاجية الكبرى فى تاريخ مصر الحديث من بعد محمد على كانت فى عصره مثل السد العالى و مجمع الحديد و الصلب و مفاعل انشاص و المصانع الحربية و شركة النصر و لكن اعابه الاعتماد على الاصدقاء القدامى و ليس على الكفاءات وهذه الخطيئة الكبرى و صدقنى لو قدر لى انى اكون موجود بعد نكسة 67 كنت طالبته بالرحيل لانه لا مجال للعواطف حين يتعلق الامر بمستقبل بلد

حضرتك بتقول ان جملة اسقاط النظام يوم 25 مكانش حد يقصدها طب ازاى يا دكتور و كل الناس من قبل 25 يناير بتقول امتى نرتاح من مبارك و نظامه و كان حلم لاى فرد انه يصحى فى يوم يلاقى النظام ده اختفى و لا انا غلطان و بالتالى لايمكن ان الجمل ديه تكون مش مقصودة لانها كانت تعبر عما بداخل كل اللى قالها و اللى حصل انهم قالوها لكن مكانش فى ذهنهم اوى انها هتحصل لكن مع الوقت وجدوا انها ممكنة و قابلة للتحقيق فسعوا الى تحقيقها و الى حد ما اقتربوا من النجاح و لن اقول نجحوا لانه مازال بمصر و لم نجد اى ثورة ناجحة على حاكم ظالم و فاسد و بقى هذا الحاكم فى البلاد بعد الثورة لان وجوده بالضرورة سيعطيه المجال ان يفكر فى قلب الاوضاع و بلاش تصديق موضوع المرض لانه لو مريض و فى غيبوبة كما يقولون يكون مكانه فى المستشفى


حضرتك كثيرا ما تقول انك تضع الاحتمالات الاسوء و انا ايضا كذلك و هذا مطلوب و لكن مافيش مرة و حضرتك بتضع الاحتمال الاسوء ابلغتنا ايه الحل و كيف نستطيع ان نتجنبه و كيف ننجح فى الوصول الى وطن حر متقدم و ديموقراطى يحيا فيه الناس حياة كريمة متساويين فى الحقوق و الواجبات

بعض الاخوة يخافون على ليبيا من الانقسام بسبب النظام القبلى و لكنى لا اعتقد ذلك فانا كنت فى ليبيا و لى اقرباء ليبيين و للعلم المدن الليبية مثل طرابلس و بنى غازى هى خليط من كل القبائل و تربط بينهم علاقات الجيرة و النسب و التزاوج بين القبائل و بالتالى من الصعب ان تحارب تلك القبائل بعضها البعض و الله اعلى و اعلم

المشاركة الأصلية كتبت بواسطة dr-mohamed

اسلوب الغوغاء والقاء الاتهامات جزافا والتهديدات والقوائم السودة مش بخاف منه
تم توجيه شكوي للادارة وفي حالة عدم الرد ستجد الرد المناسب عليك
واياك توجه اي كلمة مرة تانية ليا

المشاركة الأصلية كتبت بواسطة dr-mohamed

والناس المرضي الاعضاء هنا من سنوات واصيبوا فجأة بداءالشجاعة والرجولة بلاش يتكلموا عن غيرهم لاننا كنا بننتقد هنا وفي الحياة وفي شغلنا النظام السابق لما كان موجود وكتير كان بيتنبه علينا نخف شوية في الوقت اللى كانوا بيخافوا فيه من ضلهم والموضوعات القديمة موجودة

مستوى الفاظك مش غريب عليك بصراحة

بس انا عايز اعرف ازاى كلمات زى دى

صيع .... رعاع ..... همج ..... عواطلية .... عيال ..... غير محترمين ..... تقودهم اتجاهات خارجية ..... غير شرفاء ..... حيولعوا البلد .... عايزين يقسموها .....

كلام زى ده ازاى يتفهم فى سياق مختلف ..... بمعنى غير معناه ؟؟؟؟!!!!!

عموما المواضيع و المشاركات موجودة

وعلى فكرة انا حقول الى انا عايزه شئت ام ابيت

المشاركة الأصلية كتبت بواسطة keemvip

بصراحه انت قلت كل كلمه كنت عاوز اقولها من قلبي دكتور محمد حضرتك اساسا ضد كل حاجه بتحصل من التغيير وعاوز الحياه تبقا بيييييييييس علشان الناس الغلابه يا عيني تلاقي تاكل انا نفسي بس اقول كلمه علشان انا ماسك لساني من زمان ومش عاوز اتكلم احنا لولا الثوره دي كنا داخلين على ايام سوده ضرايب جديده كل حاجه بتغلى الشغل فرصه بتقل نهب وسرقه ورشوه ومحسوبيه وظلم اكتر ميه ملوثه ومن مصدر موثوق بيه احنا كل يوم فيه حوالي 200 حاله جديده سرطان يا جماعه احنا كنا بجد داخلين على ايام سوده متقوليش احتلال ولا تقسيم ولا احكام عرفيه ولا اي حاجه في الدنيا كانت تمنعنا من اننا نعمل اللي عملناه بجد انا حاسس ان ربنا انعم علينا ووقف بجد يا دكتور محمد من اول الثوره مشفتش لكلامك اي جانب او موضوع ايجابي وحضرتك بتقول الديموقراطيه انا نفسي اقولك كلمه واحده بس انا مبسوط ان فيه عقلاء كتير بيفكرو واخدوا القرار وانك مكنتش طرف حقيقي في صنع القرار علشان كدا وصلنا للي احنا فيه الحمدلله

شكرا يا فندم و الجاى احسن ان شاء الله

المشاركة الأصلية كتبت بواسطة mahamedaraby

سلسله من المواضيع المستفزه بجد

عن فواضى وخراب ودمار انتوا ياجماعه محسسنى اننا كنا عايشين فى جنه والدينا كانت حلوه

ياريت يا دكتور محمد تبقى تنزل مظاهرات مصطفى محمود وتأيد براحتك علشان حسنى هو اللى كان حامينا فى الفوضى دى
وخش برضوا على جروب احنا اسفين يا عدالى وعلى جروب احمد عز قائد الصناعه الوطنيه (طلعت حرب)
والله ما بهزر فيه جروبات فعلا كده
هتلاقى كل الكلام العظيم اللى انت بتقوله ده وهتلاقى ناس تتفق معاهم فكريا

رساله بجد من شاب زهق وطهق من كتر التشائم ولما شاف بريق امل فى بكره وان ممكن بكره يبقى احسن لقيت واحد زى حضرتك بيضلمه اكتر واكتر

ده هدف الترويع و الارهاب الفكرى و النفسى

هو ده غسيل المخ

عملية غسيل المخ هي سيطرة كامله على الأحوال الماديه في بيئة ما للتأثير في سكانها وتنقية عقولهم من أفكار ومعتقدات لا ترغبها السلطه في هذه البيئة المعينه

وتقوم عملية غسيل المخ او اعادة تشكيل الأفكار على عناصر ثلاثة : الإضعاف والإعتماد والإفزاع ، والتي تهيئ الظروف لجعل الأسير موهنا بدينا وسلبه ارادته ووقفها على الإرادة العينيه ، وهذا هو معنى الاعتماد، وبث الرعب في نفسه ليعيش في فزع وترقب دائمين ثم العودةالى حالة احترامه مؤقتا .. يتلوها معاملة سيئة جدا ما يربكه ويشككه في مصيره غدا او بعد ساعه

فيستسلم ويتحول الى انسان غبي يطيع كلما أمر ويستجيب للمؤثرات ويتقبل مايقال له ولو كان متعارضا مع ما يعرفه او تعلمه

ويعتمد غسيل المخ على المناقشات الجماعيه المفتوحه وعرض مختلف الآراء وتحليلها ونقدها بشدة كي يصلوا الى نتائج ملزمة للجميع ، ويستخدم النقد والنقد الذاتي لتشجيع المشاركين على اخراج ما بأنفسهم وعلى النتافس على الوضوح .. وهدف الطريقة تشويه الماضي وقطع الصلات العاطفيه به

المشاركة الأصلية كتبت بواسطة ashouhdy

انتم لسة مش فاهمين د/ محمد وطريقة تفكيرة على فكرة

فى ناس ومنهم دكتور محمد من اللى بيتوقعوا الاسوأ عشان لو حصل يبقم مستعدين لية تفكيريا و معنويا

لكن هو مش بينشر ولا يمهد ولا يشجع الاسوأ !!!! هو بيحذر و يشارك تفكيرة عشان يكون متوقع اللى جى (لو حصل) و احنا معاة لكن مش ضد الثورة !!

هو معانا قلبا و قالبا بس هو معترض على طريقة فرض الطلبات من الثوار المتتالية بدون وقت للنظر فيها ممكن يؤدى الى فوضى يكون من نتيجتها كذا و كذا .....

كل انسان لة طريقة تفكيرة و تحترم .... لكن منهاجمش

يعنى لو انا او انت او البعض معترض على رأية بيقول معترض او اخالفك الرأى وهكذا ... لكن منحجرش علية بالرأى الأخر.

...............

انا معرفش دكتور محمد شخصيا و ولا عمرى شفتة وعلى فكرة انا هو على طول عكس بعض فى الاراء!!! ,,, بس فهمتة من مواضيعة و اختلافتنا

ولازم كلنا نعرف اننا بنحب مصر حتى الموت لكن لكل طريقتة فى التعبير بدون حجر

هى دى الديمقراطية اللى المفروض ياجماعة نمشى عليها ..... كلنا بنفكر لمصلحة البلد ومحدش خوفة أزيد من التانى عليها.

اللى معترض يتناقش بهدوء حتى لو معترض حتى النخاع لكن طريقة هو كدة مش صح يارجالة

وتقبلوا رأيى وشكرا ليكم

أ.شهدى

اقسم بالله ان لست ضد حرية الرأى و التعبير

و حصل قبل كده مناقشة بينى و بين د.محمد على خلفية موقعة الجمل و كنا مختلفين فى الرأى و فى النهاية وافقت على رأيه و شكرته للحوار المتحضر و هو شكرنى لتقبل الحوار

فى الموضوع ده

http://www.nilemotors.net/Nile/19927...post3873265785

بس ده كان قبل ان ارى مشاراكاته المليئة بالشتائم للمتظاهرين و المعتصمين فى التحرير

هل حرية الرأى تجيز الشتائم ؟؟؟؟؟؟!!!!!

و من حق اى حد انه بنبه و يحذر من خطورة حدوث سيناريوهات سوداء فى مستقبل بلدنا

ده مش بس حق ...... لأ ده واجب علينا

نحسب و نقيم كل خطوة قبل ما نخطيها ...... نشوف مكاسبها و نحذر من أخطارها

نقول مثلا يا جماعة خلى بالكو ...... مش عايزين ده يحصل لبلدنا ..... تجمعوا و لاتفرقوا

لكن كلام من عينة

المشاركة الأصلية كتبت بواسطة dr-mohamed

خلال ساعات او ايام قليلة جدا يسقط النظام الليبي وتدخل ليبيا دوامة جديدة مماثلة للتي نمر بها في مصر والان
هل حدوث الثورات بهذا الشكل المتوالي في غضون اسابيع حدث فقط من اجل التخلص من الظلم والانظمة الفاسدة ؟؟؟؟؟
بالطبع ان هذا هو هدف الشعوب العربية التخلصمن الحكم الفاسد
ولكن
ماذا بعد التخلص من هذه الانظمة ؟
هل ستبقي الدول العربية كما هي ؟
هل ستتجه نحو الديمقراطية ؟
هل ستبقي موحدة ؟؟؟؟؟؟؟؟؟
اليكم التقسيم التالي للدول العربية وما حدث منه قد حدث - مثل تقسيم السودان الى شمال وجنوب - وما لم يحدث فسيحدث في بضع سنين وسنري
1- ليبيا تقسم الي ثلاث دول او دولتين على الاكثر بين الشرق والغرب والوسط
2- مصر تقسم الي دولتين
3- سوريا تجزء الي دولة للسنة في حمص وحماه ودولة للدروز والشيعة في الوسط والشمال الشرقي يضم لدولة كردستان القائمة في العراق والجنوب الغربي يضم للضفة الغربية
4- السعودية الشمال الغربي يضم للاردن والضفة الغربية في دولة جديدة
المنطقة الشرقية حيث ابار البترول تصبح دولة مستقلة للشيعة
المنطقة الوسطي تصبح خاصة بالسنة تحت قيادة ال سعود
المنطقة الغربية حيث المناسك المقدسة توضع تحت الادارة الدولية للامم المتحدة
5 دول الخليج من الناحية الجغرافية من الصعبتقسيمها لانها اصغر من ان تقسم لكن ذلك لا يمنعمن قلب انظمة الحكم السنية فيها الى انظمة شيعية ولائها لايران
والان هل بدات تتجمع اجزاءالصورة ام ان هناك اجزاء ما زالت مبعثرة ؟؟؟؟؟؟

ده تحذير او تنبيه ؟؟؟؟؟!!!!!! ولا جزم بحتمية حدوث هذا السيناريو البغيض لبلدنا

فى فرق انى ابقى راكب مع حضرتك فى عربية و حضرتك سايق و اقولك خد بالك فى مطب خطير قدامنا لو وقعنا فيه ..... العربية حتتقلب و تدمر و احنا نموت

ده اسمه تحذير او تنبيه ....... حضرتك حتركز اكتر و تخلى بالك كويس اوى

او انى ابقى راكب مع حضرتك فى عربية و حضرتك سايق و اقولك على فكرة فى مطب خطير قدام حتقع فيه يعنى حتقع فيه مهما عملت و العربية حتتقلب و تولع بينا اكيييييد

ده اسمه افزاع و ترويع ...... حضرتك حتعمل ايه ...... حتوقف العربية و تنزل منها و تطلع تجرى

وهو ده الهدف

انا اسف للأعضاء المحترمين لحدة الحوار