الموضوع: دلوقتى على دريم 2 - منى الشاذلى مع المجلس العسكرى

المشاركة الأصلية كتبت بواسطة otefa

عندك حق والله ماخدتش بالي من الحتة دي 100%

هههههههههه:f_eyeb1[1]:ماشي يادكتور محمد أهو
أ.كريم فين صحيح شكله مستني يركب الموجة هو كمان ههههههههه

الله يخليك دي بالذات نودع اهلنا كلنا
صحيح هو كريم منير مزودج الجنسية ولا لا ؟؟؟؟؟؟؟؟؟؟؟
حاسس انهمدكن لغاية ما يفاجئنا ببرنامج ويرشح نفسه

المشاركة الأصلية كتبت بواسطة otefa

ياريت بس أشك أن ده هايحصل متهيألي الأعداد هاتقل جامد ده غير بقه هايبقى باين ألي فعلا ليه خطط خاصة به من ألي خايف على البلد بجد

المفروضيا باشمهندس محمد بعد الحلقة دي وبعد ما الناس وضحت كل حاجة اللى يخرج يبقي عايز يستعرض جمال خطوته ويقول للناس والنبي اتفرجوا عليا شايفيني وانا بتظاهر شكلي حلو ازاي

المشاركة الأصلية كتبت بواسطة heshamzaky

الى واثق فى الجيش و فى كلامة يبقى ما يعملشى تجمع و الظباط أشارو للموضوع دة كذا مرة و فعلا هناك عناصر ممكن جدا أن تندس فى وسط الزحمة و زى ما قالو بالظبط للأخ بتاع حركة الشباب الى بيتكلم كتير جدا و بيقاطع الحوار و طلباتة كتيرة و مش كلها فى محلها قالو لة أنت شوفت الى حصل الجمعة الى فاتت و ردة أن أمن الدولة هما الى منع البعض من الصعود الى المنصة للتكلم

ركز على اللى قالوا انه حصل يوم الجمعة وفعلا انا كنت بفكر في الاحتمالين اللي قالتهم مني الشاذلي رغم انهم عكسبعض لكن الحمد لله هما ردوا ووضحوا ان الاحتمالين غلط

المشاركة الأصلية كتبت بواسطة نور القمر

اكتر من مرة يكرروا جملة (بدون ذكر اسماء)
جزئية عدم ازدواج الجنسية في المرشحين للرياسة رد على المتصل وقاله : واكثر مما تتصور من تفاصيل هنلاقيها في المادة دي
من غير اسماء واللبيب بالاشارة يفهم
يعني جيمي بخ والبرادعي وايمن نور بخ
ولما قال كل المتلونين من رموز الاعلام خليهم يتلونوا براحتهم ومش هنقولهم قدموا استقالتكم والكل هايتحاسب بس في اولويات وتوفير الامن للمواطنين من الاولويات ودول دورهم قدام شوية
بس في نقطة عدت مرور الكرام اثارها وائل الابراشي وهي صورة مبارك اللي لسه موجودة مش فاكرة قال فين
بس اللواء رد عليه قاله وجودها لغاية دلوقت مش منطقي وعلى وشه الحرج

بدون ذكراسماء معناها ان الكلام بتاعهم ينطبق على الجميع وعلى الافعال بغض النظر عن الشخص ودي من اجمل الحاجات اللى قالوها ومتعمدينها طبعا
واحلى حاجة اسعدتني ان كل اللى فاكرينها سهلة مع السلامة ومحدش هايمسك منصب الا لما يكون مصر هي الملجأ والملاذ وبلده الوحيدة بلدنا تستاهل اكتر من كدة كمان
وبتوع الاعلام دول شوية وكلهم هايحصلوا اخواتهم اللى كانوا بينافقوهم ولا تتفاج~ لو وجدتي اسماء كتيرة بتشرف معاهم في طرة
وكلمة الامن والاستقرار اهم حاجة دلوقت معناها اتهدوا شوية علشان نعرف نعمل حاجة ونمشي
وجزئية وائل الابراشي مش مقعنة وبردو مش عايزين ننسي ان الناس بتقول الرئيس السابق وقرار تجميد ممتكلاته هو وعائلته كل ده بعد ما قالوا قبل كدة من كام يوم ان الرئيس السابق خط احمر معني كدة ان الناس بتتحرك بطريقة معينة هم ادري بيها
ولا ننسيان الجيش لما بيقول كلمة بيبقي حريص جدا فيها علشان عارف انه لازم ينفذها وانه متحمل مسئولية البلد كاملة دلوقت وان اي تصرف غلط ممكن ينزل الناس الشارع تاني لكن بشكل يجعل الصدام مع الجيشحتمي فهما حريصين جدا على الحفاظ على البلد ولازم نكون اشد حرص منهم ونعاونهم الفترة البسيطة اللى جاية

المشاركة الأصلية كتبت بواسطة نور القمر

اكتر من مرة يكرروا جملة (بدون ذكر اسماء)
جزئية عدم ازدواج الجنسية في المرشحين للرياسة رد على المتصل وقاله : واكثر مما تتصور من تفاصيل هنلاقيها في المادة دي
من غير اسماء واللبيب بالاشارة يفهم
يعني جيمي بخ والبرادعي وايمن نور بخ
ولما قال كل المتلونين من رموز الاعلام خليهم يتلونوا براحتهم ومش هنقولهم قدموا استقالتكم والكل هايتحاسب بس في اولويات وتوفير الامن للمواطنين من الاولويات ودول دورهم قدام شوية
بس في نقطة عدت مرور الكرام اثارها وائل الابراشي وهي صورة مبارك اللي لسه موجودة مش فاكرة قال فين
بس اللواء رد عليه قاله وجودها لغاية دلوقت مش منطقي وعلى وشه الحرج

البرادعي و ايمن نور مش مزدوجي الجنسية