ارجوكم كفايه مظاهرات ارحمينا يا ست نواره

**adelseliem** · 22-02-2011 02:22 PM

المشاركة الأصلية كتبت بواسطة hossaam

انا شخصيا مش معترض على دعوتك بكف مظاهرات التحرير
بس اللي انا لاحظته كويس اوي في مقابلة المجلس العسكري
ان ميدان التحرير بيعملهم ضغط حقيقي وبيعملوا حسابه جداااا..وده المطلوب...

أيوه ميدان التحرير عامل ضغط رهيب على الجيش
بس مش علشان تنفيذ المطالب
علشان تأمين التجمع الرهيب ده
تخيل لو حد دخل فى النص وعمل أى حاجه هيحصل أيه
وأمبارح قالها صريحه ورد عليه الدكتور وقاله هنبقى ننظمها كويس
لو حد جراله حاجه الجيش هو اللى هيتلام فيها

الجيش مش خايف من المظاهرات الجيش خايف عليها وما تنساش معركة الجمال

**تامر.محمد** · 22-02-2011 02:22 PM

المشاركة الأصلية كتبت بواسطة dr.amr

انا باشوف اسامي اول مرة اشوفها بتظهر فجأة تشتم فيها و خلاص
و اسامي كانوا مش بيتكلموا اصلا و يطلعوا يقولوا نفس الشيء و شكرا
و اسامي كانت ضد الثورة من الأول مستمرين في مهاجمتها و مهاجمة اي حاجة ضد الخنوع و النوم باستماتة شديدة جدا و الهدف معروف , افقاد كل ايجابي ايجابيته و دفعه للعودة لصفوف المتفرجين زي زمان

برجاء , اي حد هايقول لي بتقسموا الناس و حرية الرأي و الكلام اللطيف ده يوفر كيبورده احسن

انا مش فاهم يا
</b>tlrsiap

انت تقصدني مثلا بالكلام ده ولا ايه ؟؟
راجع كل مداخلاتي اثناء الثوره
وراجع اني واحد من اللي نزلوا يوم 25 لما كل الناس كانت قاعده في بيوتها وبيقولك شوية عيال وهيلموهم
ولو الكلام ده مش ليا يبقي مكانه مش هنا
مكانه للي بيهاجم نواره ع طول الخط

يا راجل عيب
اقصدك ايه بس ؟
:)
انت ولا اول مرة تظهر , ولا ما كنتش بتتكلم , ولا من الأول ضد الثورة
يبقى اختيار مكانه مش هنا , و هاقول لك , الفكرة اني كونت الرأي ده و انا باكتب هنا فكتبته كرأيي , انما هو لا يمسك فعلا
عايز رأيي انت انهي فيهم , و مش انت بس , و انا كمان , ده

افقاد كل ايجابي ايجابيته و دفعه للعودة لصفوف المتفرجين زي زمان

**تامر.محمد** · 22-02-2011 02:24 PM

بالمناسبة انا ملاحظ ملحوظات غريبة في عدد مشاركات اعضاء اغلبهم بيتكلموا بشدة و قوة في اتجاه معين

**adelseliem** · 22-02-2011 02:32 PM

المشاركة الأصلية كتبت بواسطة itsonlyme

ايه الخطر في الضغط؟
تفتكر لولا الضغط كان حصل التعديل الوزاري الحالي؟ لو كنا سكتنا كان سامح فهمي ومفيد شهاب وآخرين من وزراء مبارك فضلوا في أماكنهم. الضغط بيخلي الجيش ينفذ المطالب وبسرعة عشان يخلص من ضغطنا.

الخطر فى الضغط وضحته فى المشاركه السابقه
لكن ممكن يكون تغيير الناس دى كان هيتم سواء حصل ضغط أو لأ
أنا مش فى دوائر صنع القرار لكن أمبارح فى حاجات أتقالت محدش طالب بيها والجيش ناوى يعملها
الوزاره كلها هتتغير قبل الأنتخابات
الانتخابات بالرقم القومى
محاسبه كل المفسدين بس كل واحد بوقته
الرئيس يكون من أبوين وجدين مصريين
وحاجات تانيه مش فاكرها بس محدش طالب بيها

الجيش بيعمل كل حاجه ومش محتاج حد يضغط عليه أو يلوى دراعه
لأن دى بلده وعايزها كويسه فليه يماطل حد

**Amgad64** · 22-02-2011 02:34 PM

انا يمكن اكون مشارك جديد فى الموضوع , بس انا رأى ايضا انه بدون ضغط لن نحصل على ما نريد , والتظاهر يوم الجمعه يعطى زخما للثوره و اشارات لجميع الاطراف اننا مصرين على مطالبنا و هو كمان ما بيوقفش حال البلد زى الايام التانيه

**dr.amr** · 22-02-2011 02:35 PM

المشاركة الأصلية كتبت بواسطة amgad64

انا يمكن اكون مشارك جديد فى الموضوع , بس انا رأى ايضا انه بدون ضغط لن نحصل على ما نريد , والتظاهر يوم الجمعه يعطى زخما للثوره و اشارات لجميع الاطراف اننا مصرين على مطالبنا و هو كمان ما بيوقفش حال البلد زى الايام التانيه

معاك تماما في كده
يوم الجمعه
بس مش كل شويه حد يطلع في دماغه بكره عايزين مليون في التحرير
هي مش فسحه ابدا

**adelseliem** · 22-02-2011 02:37 PM

المشاركة الأصلية كتبت بواسطة tlrsiap

بالمناسبة انا ملاحظ ملحوظات غريبة في عدد مشاركات اعضاء اغلبهم بيتكلموا بشدة و قوة في اتجاه معين

أنا بتكلم بشده وقوه فى أتجاه معين وواضح من مشاركاتى
وأى حد يخالفنى الرأى هو حر فى رأيه

**otefa** · 22-02-2011 02:38 PM

المشاركة الأصلية كتبت بواسطة adelseliem

الخطر فى الضغط وضحته فى المشاركه السابقه
لكن ممكن يكون تغيير الناس دى كان هيتم سواء حصل ضغط أو لأ
أنا مش فى دوائر صنع القرار لكن أمبارح فى حاجات أتقالت محدش طالب بيها والجيش ناوى يعملها
الوزاره كلها هتتغير قبل الأنتخابات
الانتخابات بالرقم القومى
محاسبه كل المفسدين بس كل واحد بوقته
الرئيس يكون من أبوين وجدين مصريين
وحاجات تانيه مش فاكرها بس محدش طالب بيها

الجيش بيعمل كل حاجه ومش محتاج حد يضغط عليه أو يلوى دراعه
لأن دى بلده وعايزها كويسه فليه يماطل حد

الله يفتح عليك

-

-

الموضوع: ارجوكم كفايه مظاهرات ارحمينا يا ست نواره

LinkBack

أدوات الموضوع

عرض

-

-

-

-

المواضيع المتشابهه

نواره نجم وفيديو مثير للجدل

نواره: أحسن من الشرف مفيش لازم يرحل

ارجو المساعده ارجوكم ارجوكم ارجوكم

أسعار كماليات الفيرنا : هشام لهيطه - عشم نواره - Hid

الكلمات الدلالية لهذا الموضوع

المفضلات

المفضلات

ضوابط المشاركة