ارجوكم كفايه مظاهرات ارحمينا يا ست نواره

**تامر.محمد** · 22-02-2011 05:29 PM

المشاركة الأصلية كتبت بواسطة adelseliem

ه
لو فجأه سمعت ضرب نار ولقيت ناس بتقول الجيش بيضرب نار علينا , عارف أيه اللى هيحصل
كل اللى فى الميدان هيجروا يضربوا فى الجيش وتخيل الوضع هيبقى أيه
وعلى فكره اللى قال الجيش ضرب نار هتلاقيه زميل اللى ضرب نار علشان يهيج الميدان

الناس الحمد لله بتثق في الجيش , و فيه ناس في المظاهرات نفسها بيبقوا مفتحين عينيهم على الحركات دي كويس اوي
لا داعي لتخويف الناس

**medo_2060** · 22-02-2011 05:50 PM

انا مع المظاهره يوم الجمعه مش فى نص الاسبوع بعد ما سمعنا كلام رجال الجيش والله اعلم يمكن تغييرات الحكومه تيجى اوسع والمظاهرات تقف خالص والطرفين يستريحوا ...
فعلا الناس دى عليها حمل كبير جدا جدا وفى نفس الوقت فى اولويات لازم تتعمل عشان تمتص غضب الناس... يعنى الناس مش عايزه حكومه شفيق سيبنها ليه؟ مش عارف
لما الناس ضغطت غيروا شويه وزراء..ضغطوا كمان غيروا شويه كمان..ووالله لو ضغطوا كمان شفيق والوزير ابو العار بتاع الخارجيه وصديقه حسام ذكى هيمشوا كمان...
فاكرين لما شفيق مسك وقالوله انت سايب على مصيلحى ليه والناس مش عايزاه..قال مقدرش اشيله فى ايده ملفات مهمه والكلام دا.. واهو اتشال !! يعنى اشتغالات الحكومه المعتاده الى اتربو وكبرو عليها..
تانى حاجه رؤساء تحرير الصحف والمنافقين بتوع الاعلام على رأى الابراشى ميقعدوش ولا يوم ومش عايزه كلام مش عارف مبيعملوش حاجه ليه.. هيجيبلهم ادله منين دى ناس كانت بتكتب كذا بقت بتكتب كذا يعنى المجلس لو طلب منهم يقدموا استقالتهم هيقدموا... انا مقدر الطريقه القانونيه الى الجيش عايز يمشى بيها ودى الطريقه الصح بس مش هتنفع لان كل المسؤولين فى نظام مبارك كان القانون بيحمى فسادهم مش هيتمسك عليهم حاجه وناس كدا كتير هتفلت من الموضوع..

**adelseliem** · 22-02-2011 07:16 PM

المشاركة الأصلية كتبت بواسطة tlrsiap

الناس الحمد لله بتثق في الجيش , و فيه ناس في المظاهرات نفسها بيبقوا مفتحين عينيهم على الحركات دي كويس اوي
لا داعي لتخويف الناس

المشاركة الأصلية كتبت بواسطة itsonlyme

ماهو زمان كان الخوف من الأمن المركزي والمخبرين. وكان الاعتقال على ودنه
هل كان ده المفروض يمنعنا من التظاهر طول السنين دي؟ لأ طبعا، دا احنا كان لازم نتظاهر من زمان

صدقني الناس اللي بتروح المظاهرات واعية جداً ولو في أي حد في المظاهرات بيعمل قلق هما اللي بيسطروا على الموقف بسرعة. لو حصل ضرب نار والله هتلاقي الناشطين والمنظمين للمظاهرة بيهدوا الوضع بسرعة

تخويف الناس؟؟
طب وأخوف الناس ليه وأيه اللى أستفيده

أنا قلت أنا خايف على الناس مش خايف منهم

لو نزلوا أنا مش خسران حاجه ولا كسبان حاجه على المستوى الشخصى لكن خايف عليهم وعلى البلد زى كل الناس لكن كل واحد خايف عليها من منظوره

وأنا خايف أن حد يجراله حاجه أو يستشهد تانى كفايه اللى أنتوا شفتوا صورهم زى ما أنا شفتها بس أنا شفت زمايلى أللى أستشهدوا ( رحمة الله عليهم جميعا ) علشان يحموا البلد