الموضوع: "البابا" يجتمع ورؤساء الطوائف لبحث إلغاء المادة الثانية من الدستور

المشاركة الأصلية كتبت بواسطة wassim_nasser

اولا مساء الخير علي جميع الاعضاء .. ثانيا انا بس احب اوضح بعض حاجات لأنى مسيحي والخبر شد انتباهى وسعيت انى اشوفه من كذا مصدر .. مبدأيا الصيغة اللي الخبر اتكتب بيها فيها تنمر للمسيحيين من مصدر غير موثوق فيه زي اليوم السابع .. تانى حاجه ان بعض الناس انساقوا ورا الخبر و كل واحد دمه غلي وابتديت اشوف اساليب غير مهذبه فى بعض المشاركات و هو ما لا يليق بأعضاء أكن لهم كل احترام فى منتدي جميل وعظيم زي نايل موتورز .. تالت حاجه احب اوضحها ان البابا شنودة كل سلطته انه يحكم في امور شريعته وبين المسيحين بس يعنى زيه زي شيخ الازهر سلطته دينية وليست سياسية يبقى خبر "اجتمع البابا لمناقشة تغيير المادة" مكتوب بطريقة غلط الله اعلم الهدف منها انا مش هاحكم علي حد .. رابع حاجه الخبر موجود علي مصراوى وعلي موقع مسيحي اللي هو اكبر بوابة قبطية علي النت و هو ان البابا شنودة يرفض تماما المساس بالماده الثانية من الدستور بل يطلب فقط اضافه بند يتيح للمسيحين الحصول علي محاكمة طبقا لشريعتهم وده في قضايا زي الزواج والطلاق وكده اما القضايا الجنائية يظل الحكم فيها للقضاء المصري طبقا للشريعة الاسلامية .. وانا مش شايف مبالغه فى الطلب لأن الزواج ده احد الطقوس الدينية اللي بتختلف من دين لآخر وكل واحد يحكم حسب شريعته .. ده كل ماهنالك .. رجاء ياجماعه بلاش تسرع

أنا معاك أن أسم الموضوع غلط
وأعتقد ( لحد اليقين ) أن الخبر ده من توابع الفتنه اللى عايزه تتعمل
خصوصا أن فيه موقفين شوفتهم بنفسى
لما نجيب ساويرس قال ( فى مداخله تليفونيه ) أن الدستور يتعدل وخصوصا الماده الثانيه رد مصطفى الفقى وقال أن الكلام ده أزعجه جدا وخصوصا أن البابا شنوده نفسه قال أن الماده متتغيرش علشان متعملش فتنه
فى يوم أكبر مظاهره فى ميدان التحرير المسلمين لما كانوا بيصلوا كان المسيحين عاملين كردون حولهم لمنع دخول حد عليهم
ولما المسيحين عملوا القداس كل الميدان أحترم قداسهم مع أن الأخوان كانوا ماليين الميدان

المشاركة الأصلية كتبت بواسطة mahmoudysf

في ظل مطالبتي بعدم نقل اي اخبار حتى التاكد من مصداقيتها
ارجو من الجميع عدم نقل اي خبر من اليوم السابع
بعد المكالمة الشهيرة لرئيس تحريرها مع ابن ممدوح اسماعيل
وهي تبين النفاق والفساد الواسع واستغلاله للكل اسؤ استغلال
انا كنت بحترم خالد صلاح ده واصبحت احتقره

أؤيدك بشده سواء فى اليوم السابع أو أى موقع تانى