الموضوع: "البابا" يجتمع ورؤساء الطوائف لبحث إلغاء المادة الثانية من الدستور

اولا مساء الخير علي جميع الاعضاء .. ثانيا انا بس احب اوضح بعض حاجات لأنى مسيحي والخبر شد انتباهى وسعيت انى اشوفه من كذا مصدر .. مبدأيا الصيغة اللي الخبر اتكتب بيها فيها تنمر للمسيحيين من مصدر غير موثوق فيه زي اليوم السابع .. تانى حاجه ان بعض الناس انساقوا ورا الخبر و كل واحد دمه غلي وابتديت اشوف اساليب غير مهذبه فى بعض المشاركات و هو ما لا يليق بأعضاء أكن لهم كل احترام فى منتدي جميل وعظيم زي نايل موتورز .. تالت حاجه احب اوضحها ان البابا شنودة كل سلطته انه يحكم في امور شريعته وبين المسيحين بس يعنى زيه زي شيخ الازهر سلطته دينية وليست سياسية يبقى خبر "اجتمع البابا لمناقشة تغيير المادة" مكتوب بطريقة غلط الله اعلم الهدف منها انا مش هاحكم علي حد .. رابع حاجه الخبر موجود علي مصراوى وعلي موقع مسيحي اللي هو اكبر بوابة قبطية علي النت و هو ان البابا شنودة يرفض تماما المساس بالماده الثانية من الدستور بل يطلب فقط اضافه بند يتيح للمسيحين الحصول علي محاكمة طبقا لشريعتهم وده في قضايا زي الزواج والطلاق وكده اما القضايا الجنائية يظل الحكم فيها للقضاء المصري طبقا للشريعة الاسلامية .. وانا مش شايف مبالغه فى الطلب لأن الزواج ده احد الطقوس الدينية اللي بتختلف من دين لآخر وكل واحد يحكم حسب شريعته .. ده كل ماهنالك .. رجاء ياجماعه بلاش تسرع

المشاركة الأصلية كتبت بواسطة نور القمر

ياما اخبار طلعت من يوم الثورة لحد دلوقت وكتير منها طلع اشاعات
واعضاء كتير هنا بيهاجموا نشر اخبار بدون التأكد من صحتها من مصدر موثوق منه
يبقى اشمعنى تصريح مزعوم للسيد شنودة يثير الفتن هو اللي هنصدقه بدون التأكد من صحته

+1
خصوصا ان الخبر منظره فعلا اشعال فتنة حقيقي ( مع الاحترام للعضو اللي ناقله اللي انا مش فاكر هو مين و التأكيد على ان مافيش ادنى تشكيك في نواياه)ـ

للاسف حاولت كتير جدا ردودي تكون بدون اي فيديوهات لكن يبدو انه لابد منها حتي تكون الحقيقة واضحة ولا تظهر ادعاءات من هنا او هناك

المشاركة الأصلية كتبت بواسطة fepsceasar

انا نفسى اعرف المادة الثانية عملت ايه للمسلمين ولا المسيحيين ولا زادت المسلمين عزة ولا انتقصت من المسيحيين،
ما دامت كذلك لماذا الاصرار من المسيحيين على المطالبة بالغائها ؟
وبعدين طبيعى ان الاسلام بيحترم كل الشرائع السماوية. طيب افرض يا سيدى ان فيه مسيحيين مش عارفين موقف الاسلام من الشرائع السماوية الاخرى يبقى نزود والشرائع السماوية وحقوق الانسان وخلاص، بذمتكوا هتفرق حاجة.
لا لالالالالالالالالالالا
ده كلام نجيب جبرائيل بالحرف ومعني اضافة الشرائع الاخري ان تكون مساوية في حكمها للاسلام وليس لنا اعتراض على ذلك لو قام الفاتيكان بجعل الشريعة الاسلامية من مصادر التشريع داخله او قامت الدول الغربية بجعل الاسلام مصدر للتشريع عندها اما حقوق الانسان فشكرا انسي تماما لان من حقوق الانسان التي تطالب بجعلها من مصادر التشريع حق الشواذ في الزواج وغيره من الحقوق التي لا اوافق عليها كمسلم
اسف
عن نفسي مش موافق
ومن تكلم عن الغاء المادة التانية هم المسيحيين والموضوع سابق على الثورة بكثير وممن تكلم في هذا الموضوع كثيرا نجيب ساويرس عضو لجنة الحكماء المجحومة ومش مصدق اسمعه وشوفه بنفسك
[youtube]http://www.youtube.com/watch?v=vevxvgcpg-g[/youtube]

[youtube]http://www.youtube.com/watch?v=fnwyb7rsl9e[/youtube]

ومشه و لوحده لا خد كمان عندك نجيب جبرائيل محامي الكنيسة واعتقد انه لا يمكن يقول كلام الا اذا كانت هناك موافقة من الانبا شنودة عليه
[youtube]http://www.youtube.com/watch?v=1bw4z4rihc4[/youtube]

الامر كله مرتبط بالاحوال الشخصية ودى الاسلام واضح فيها يدينوا بما يدينون يعنى على حسب التشريع المسيحي. شوفتوا سهلة ازاى ايه رايكوا مش احسن من وجع الدماغ

بردوة مغالطة للمرة التانية الكلام عن المادة التانية ليس له اي علاقة بالاحوال الشخصية وبسهولة بردو اسئل وانت تعرف ان المسيحيين يطبق عليهم فيمجال الاحوال الشخصية قانون خاص بهم مستمد من الشريعة المسيحية وما اتفقت عليه المجامع المقدسة قبل 1955 والقانون رقمه 462 شفت سهلة ازاي ايه رايك مش تريح دماغك

نقطة كمان دولة مدنية تعنى امكانية وجود وزواج مدنى ولا ايه؟ لان ده لا هيقبله سلمين ولا مسيحيين، لان كده الزواج والطلاق يبقى عقد مدنى وخلاص
ولا هو اثبات مواقف وخلاص وبعدين كل واحد يقولك انا بفهم فى الدستور يتكلم فى المادة الثانية الغير مطروحة للتعديل طيب ما نشوف باقى المواد المهمة واللى بتتعدل.
قول الكلام ده للي بدا اثارة الموضوع مرة اخري والثورة لم تنتهي بعد زي ساويرس ونجيب جبرائيل والله اعلم من ايضا
وارجوكوا نقفل الكلام فى الموضوع ده ونشوف اللى بيتعدل الاول ولا داعى لنقل اخبار تثير الفتن، وكلنا متحمسين لديننا ومش عايزين مزايدات ولا اقصد احد ولا حتى ناشر الموضوع، ولكن اقله يا اخى لا داعى لايقاظ فتنة من لاشئ

المشاركة الأصلية كتبت بواسطة wassim_nasser

اولا مساء الخير علي جميع الاعضاء .. ثانيا انا بس احب اوضح بعض حاجات لأنى مسيحي
يا اهلا وسهلا بيك ومساء الخير عليك
والخبر شد انتباهى وسعيت انى اشوفه من كذا مصدر .. مبدأيا الصيغة اللي الخبر اتكتب بيها فيها تنمر للمسيحيين من مصدر غير موثوق فيه زي اليوم السابع ..
راجع الفيديوهات اللى فوق وانت تعرف ان اللى في اليوم السابع برغم انها كاذبة له ما يؤكده

تانى حاجه ان بعض الناس انساقوا ورا الخبر و كل واحد دمه غلي وابتديت اشوف اساليب غير مهذبه فى بعض المشاركات و هو ما لا يليق بأعضاء أكن لهم كل احترام فى منتدي جميل وعظيم زي نايل موتورز ..
والله انا مش شايف لغاية دلوقت اي حد تجاوز الادب ولو انت شايف اعمل شكوي في ساحة الشكاوي

تالت حاجه احب اوضحها ان البابا شنودة كل سلطته انه يحكم في امور شريعته وبين المسيحين بس يعنى زيه زي شيخ الازهر سلطته دينية وليست سياسية يبقى خبر "اجتمع البابا لمناقشة تغيير المادة" مكتوب بطريقة غلط الله اعلم الهدف منها انا مش هاحكم علي حد
شيخ الازهر لم يتدخل في السياسة ولو تدخل لن يطيعه احد
اما الانبا شنودة فتدخلاته لا عد لها ولا حصر ومعظم المسيحيين يطيعونه في كل شئ حتي السياسة

.. رابع حاجه الخبر موجود علي مصراوى وعلي موقع مسيحي اللي هو اكبر بوابة قبطية علي النت و هو ان البابا شنودة يرفض تماما المساس بالماده الثانية من الدستور بل يطلب فقط اضافه بند يتيح للمسيحين الحصول علي محاكمة طبقا لشريعتهم وده في قضايا زي الزواج والطلاق وكده اما القضايا الجنائية يظل الحكم فيها للقضاء المصري طبقا للشريعة الاسلامية .. وانا مش شايف مبالغه فى الطلب لأن الزواج ده احد الطقوس الدينية اللي بتختلف من دين لآخر وكل واحد يحكم حسب شريعته .. ده كل ماهنالك .. رجاء ياجماعه بلاش تسرع

هرد علي الكلام ده بنفس الرد راجع اي محامي واسئله في الاحوال الشخصية للمسيحيين يطبق عليهم ايه ؟
هيقولك يطبق عليهم شريعتهم وفق القانون 462 لسنة 195 والمعدل بالقانون 1 لسنة 2000
يعني بتطالب بحاجة موجودة فعلا

المشاركة الأصلية كتبت بواسطة نور القمر

ياما اخبار طلعت من يوم الثورة لحد دلوقت وكتير منها طلع اشاعات
واعضاء كتير هنا بيهاجموا نشر اخبار بدون التأكد من صحتها من مصدر موثوق منه
يبقى اشمعنى تصريح مزعوم للسيد شنودة يثير الفتن هو اللي هنصدقه بدون التأكد من صحته

مدام نور الاشاعات في الايام الاخيرة المتعلقة بهذا الموضوع كلها تخرج من مصادر مسيحية ويخرج بناء عليها تصريحات ومهاجمة للجيش ومظاهرات وهو ما دفع الجيش لاصدار 3 بيانات لهذا الامر في اليومين الاخيرين فقط ولو مش مصدقة راجعي بيانات الجيش
والتصريح سواء مزعوم او حقيقي فهي ليست المرة الاولي التي يطالب فيها الانبا شنودة بالغاء المادة الثانية وارجعي للموضوعات القديمة وممكن تكون على سبيل جس النبض وووووووو
ومش عايز اجيب فيديوهات اكتر من كدة واللى عايز يدخل علي يوتيوب ويقولي ايه العلاقة بين قتل رجل دين لاسباب غير معروفة وخروج مظاهرات بعدها بساعة تطالب بالغاء المادة التانية من الدستور