حدث الان فى ميدان الجزائر فى المعادى - ظابط شرطه و سائق ميكروباص

**itsonlyme** · 24-02-2011 04:30 PM

المشاركة الأصلية كتبت بواسطة tamer_a7

وطبعا تعليقاتنا كلها علي اساس ان سائقي الميكروباصات الملائكه اللي ماشيه علي الارض
يعني هو الظابط بس اللي غلطان انما سواق الميكروباص وزمايله اللي اتجمعو علشان يقطعو الظابط طبعا ملايكه
تفتكرو ظابط في الظروف اللي احنا فيها والقلق اللي علي الداخليه هيعمل حاجه كده الا لو كانو هيموتوه فعلا
مجرد وجهه نظر

لا فعلا، الظابط من حقه يقتل سواق الميكروباص قليل الأدب وكمان يشيله (غالبا كان عايز يرمي جثته في أي حته).

عموما أهو اتقبض عليه وبكرة نعرف الحقيقة بالتفصيل.

الشرطي مذنب حتى تثبت براءته :)

مش هما كانوا بيتعاملو مع المتهمين بالمنطق ده. كما تدين تدان.

**نور القمر** · 24-02-2011 04:33 PM

السيناريو ممكن نتخيله باكثر من طريقة
محدش يعرف الحقيقة فين
يعني ممكن السواقين عندهم تار بايت معاه شخصيا او مع الشرطة عموما وهم اللي بدأوا بالتعرض له
وممكن يكون استخدم المسدس للدفاع عن نفسه وفي الحالة دي حقه
في كل الاحوال احنا شكلنا داخلين على منعطف مظلم لو ملحقناش نفسنا

**ahmedsamir5edr** · 24-02-2011 04:34 PM

المشاركة الأصلية كتبت بواسطة i_am_legend

يالا فى ستين الف داهية................

كدة اى ظابط شرطة يحترم نفسة كويس مع الناس............

ويعرف انة اقل منهم كمان

واحد زى دة راكب دودج رام ياترى جاب فلوسها منين؟؟؟؟؟؟؟؟؟؟؟؟؟؟؟؟؟؟

دى ولا 700 الف جنيه.............

جابهم من الالف جنيه المرتب ولا من الحوافز...........

دة انا لو كنت هناك كنت هاديلة 60قلم على وشة ال........

سعر الدودج حوالي 340.000 جم

و حضرتك مش لازم عشان هوا ظابط شرطه كون مرتشي و حرامي .. و مش لازم يكون جايبها من الألف جنيه

حضرتك ليه أي و عائله و ممكن يكون أبوه جايبها ..

يا ريت حضرتك ما تنظرش للموضوع أنه راكب عربيه مش عارف بكام .. لأن ده حقد أو غل طبقي واضح .. و لو النظره دي عند شخص مثقف في منتدي محترم .. يبقي أنا ملومش علي اللي سرق و نهب كارفور .. و اللي طلعوا الشقق خدوا الدهب من الناس و قالوا ( كانوا فين و احنا مش لقييين العيش )

و كمان مفيش حاجه أسمها ( ظابط الشرطه أقل من الناس ) .. ما هو موظف زي أي حد

و لا حضرتك عايز تلغي العنصريه ضد المواطنين .. و تقلبها ضد الشرطه

**tamer_a7** · 24-02-2011 04:35 PM

المشاركة الأصلية كتبت بواسطة itsonlyme

لا فعلا، الظابط من حقه يقتل سواق الميكروباص قليل الأدب وكمان يشيله (غالبا كان عايز يرمي جثته في أي حته).

عموما أهو اتقبض عليه وبكرة نعرف الحقيقة بالتفصيل.

الشرطي مذنب حتى تثبت براءته :)

مش هما كانوا بيتعاملو مع المتهمين بالمنطق ده. كما تدين تدان.

هو ما تقبضش عليه هما موتوه
علي فكره تخيل لو انت اللي مكان الضابط اللي اتقتل ده وانت اللي اتخنقت مع سواق الميكروباص واتجمع عليك اصحابه من الموقف وانت معك مراتك وولادك
تخيل الموقف من تاني وقولي ايه رايك
سبحان مغير الاحوال امبارح كنا بنقول حسبي الله ونعم الوكيل في سواقين الميكروباصات والنهارده بنموت فيهم
مش هقول غير زي ما قال اللبنانين قبلنا من زماااان
بس مات وطن

**ainshouka** · 24-02-2011 04:35 PM

المشاركة الأصلية كتبت بواسطة human12

من غير مسدس موجود مكانش حد هيموت
لو احترم نفسه و احترم وظيفته و عنده الحد الادنى من الحكمه فى التعامل مكانش اصلا اتخانق مع سواق ميكروباص

متنساش ان اللى بيتخانق معاه كان سواق ميكروباص

يعنى بلطجة
قلة ادب
حيوان
بيذل فى الناس
بيركب على مزاجه
يحمل الناس فوق بعض واللى مش عاجبه يتفلق
يكسر عليك وانت ماشى فى امان
يغلى فى الاجرة زى ماهو عايز
تسمع اقذر الشتائم اللى عمرك مسمعتها فى الدنيا
شايفين الطريق ملكهم ولو مش عاجبك ونزلت لحد تلاقيهم اتجمعوا مع بعض عشان يضربوك او يعملولك عاهة

وظابط الشرطة هو كمان غلطان وترسبات من جواه من انه سيد الناس زى سواق الميكروباص بالظبط

والاتنين يستاهلوا اللى جرالهم
والاتنين ابناء نظام فاسد
الاتنين فى ستين داهية
خلى البلد تنضف بجد من الاشكال اللى زى دى

الظابط اللى عاوز يمشى محترم حيمشى محترم والسواق اللى عاوز يبقى محترم حيكون محترم

الناس بتفرق كويس برضه وبتبقى عارفة مين المحترم من اللى غير محترم

**nasroo** · 24-02-2011 04:43 PM

يا جماعة بصراحة الفئتين اوسخ من بعض طبعاً كلنا عارفين رجال الشرطة وبلاويهم لكن انا شخصيا عربيتي اتخبطت قبل كده من بوكس ودمرها وحادثة تانية من ضابط وماعرفتش اخد حقي في الحادثتين

وبالنسة لسواقين الميكروباصات دول علموا على عربيات البلد كلها ليا معاهم يجيي 5 حوادث
- اخرها من 3 ايام في المعادي واحد خبط لي المرايا وسب لي الدين ونزل من الميكروباص فتح عليا مطواه انا مش ضابط بس والله لو كان معايا سلاح ما كنت اترددت اني اضربه على الاقل في رجله

ربنا يسترها معانا الشرطة اللي كانت المفروض بتحمينا وقت ما احتجناها فعلا مش لاقينها وسايبين البلطجية يبرطعوا في البلد

**i_Am_Legend** · 24-02-2011 04:49 PM

المشاركة الأصلية كتبت بواسطة ahmedsamir5edr

سعر الدودج حوالي 340.000 جم

و حضرتك مش لازم عشان هوا ظابط شرطه كون مرتشي و حرامي .. و مش لازم يكون جايبها من الألف جنيه

حضرتك ليه أي و عائله و ممكن يكون أبوه جايبها ..

يا ريت حضرتك ما تنظرش للموضوع أنه راكب عربيه مش عارف بكام .. لأن ده حقد أو غل طبقي واضح .. و لو النظره دي عند شخص مثقف في منتدي محترم .. يبقي أنا ملومش علي اللي سرق و نهب كارفور .. و اللي طلعوا الشقق خدوا الدهب من الناس و قالوا ( كانوا فين و احنا مش لقييين العيش )

و كمان مفيش حاجه أسمها ( ظابط الشرطه أقل من الناس ) .. ما هو موظف زي أي حد

و لا حضرتك عايز تلغي العنصريه ضد المواطنين .. و تقلبها ضد الشرطه

حضرتك احنا مابنحقدش على حد ........

حضرتك تقدر تقول ضابط شرطة هايشترى عربية زى دى ازااااااااااى...........

وبعدين العربية دى اصلا حوالى 5000 سى سى يعنى جمركها كام؟؟؟؟؟؟؟؟؟

هاتقولى بتترخص نقل صح!!!!!!

هو هاتلاقيه ماشى بيها من غير نمر اصلا!!!!!

كدة يبقى بابى او مامى او جدو الباشا اللى جابهالو..........

وبابى دفعلة 50 باكو ودخل شرطة........

مش علشان نفسة يخدم الشعب !!!!!!!لا علشان يبقى مال وسلطة......

ويتنك على الشعب الغلبان ............

ضابط الشرطة لازم يعرف انة وظيفتة انة يحمى الناس ويقبض على السفلة والمجرمين.......

مش يضرب الشعب ويفيم العربية ويمشى من غير نمر......

ضابط الشرطة لازم يعرف ان زية زى الدكتور زى المحاسب زى المهندس على الاقل دول عقلية اعلى منة فى التفكير.........

دة هاتلاقيه عملوا مصلحة حلوة ولا دخل حد شرطة بواسطة

مثلا ......... ولا عمل نصابية حلوة مستغل سلطتة

**aly_hosny** · 24-02-2011 04:49 PM

المشاركة الأصلية كتبت بواسطة heshamzaky

كان مكتوب على صحيفة الدستور ان الى أتقتل أمين شرطة مع الظابط مش الظابط

ال باين في الفيديو شكله ظابط مش امين شرطة خالص

المشاركة الأصلية كتبت بواسطة ainshouka

متنساش ان اللى بيتخانق معاه كان سواق ميكروباص

يعنى بلطجة
قلة ادب
حيوان
بيذل فى الناس
بيركب على مزاجه
يحمل الناس فوق بعض واللى مش عاجبه يتفلق
يكسر عليك وانت ماشى فى امان
يغلى فى الاجرة زى ماهو عايز
تسمع اقذر الشتائم اللى عمرك مسمعتها فى الدنيا
شايفين الطريق ملكهم ولو مش عاجبك ونزلت لحد تلاقيهم اتجمعوا مع بعض عشان يضربوك او يعملولك عاهة

وظابط الشرطة هو كمان غلطان وترسبات من جواه من انه سيد الناس زى سواق الميكروباص بالظبط

والاتنين يستاهلوا اللى جرالهم
والاتنين ابناء نظام فاسد
الاتنين فى ستين داهية
خلى البلد تنضف بجد من الاشكال اللى زى دى

الظابط اللى عاوز يمشى محترم حيمشى محترم والسواق اللى عاوز يبقى محترم حيكون محترم

الناس بتفرق كويس برضه وبتبقى عارفة مين المحترم من اللى غير محترم

مينفعش
مش دا الاسلوب
قليل الادب يتحاسب انما مش نجبله واحد قليل الادب و نقولهم موتو بعض
كدا غلط و حرام و هنتحاسب عليهم

**M7amD_7amDy** · 24-02-2011 04:55 PM

كل اللى كانوا بيعملوه فى الناس الغلابة بيطلع عليهم دلوقت

وربنا مش بيسيب حق حد

وكل واحد كان فاكر نفسه دكر هيبقى مصيره زى ال .... ده

ملحوظة: مستغرب جدااا من الناس اللى زعلانة على اللى الناس عملته !!!!!

أمال ليه مزعلتوش على التعذيب والذل والإهانة اللى كنا فيها قبل كده؟؟؟ وقتل الناس اللى ملهاش ذنب

كنتوا فين ياحضرات؟؟

ليه بقه بتلوموا الناس لما عملت جزء بسيط زيهم ؟؟!!!!!

**A7MED_PHARMA** · 24-02-2011 04:59 PM

والله جهاز الشرطة ده عاوز واحد من الجيش يمسكه
علشان لما ظابط يعمل حاجة زي الي حصلت دي .. القائد بتاعه يعلقه في دبابة ويسحله ع الأسفلت

وأنا متفق مع الناس
الشرطة دي ..لازم تتنضف من أول وجديد ...يتشالوا وييجي ناس غيرهم
أو يبقا مدير كل قسم شرطة ..ظابط من الجيش

الموضوع: حدث الان فى ميدان الجزائر فى المعادى - ظابط شرطه و سائق ميكروباص

LinkBack

أدوات الموضوع

عرض

-

-

-

-

-

المواضيع المتشابهه

انا اتخنقت من البلد دي (مشكله مع ظابط شرطه)

ظابط مرور مكلبش عربيه شرطه و قصتى أمام محكمه المنشيه

اياك و التحدث مع ظابط شرطه !

خبطه بسبب ظابط شرطه

الكلمات الدلالية لهذا الموضوع

المفضلات

المفضلات

ضوابط المشاركة