الموضوع: حدث الان فى ميدان الجزائر فى المعادى - ظابط شرطه و سائق ميكروباص

المشاركة الأصلية كتبت بواسطة فادى

حسب ما سمعته انو الضابط ضرب السائق بايده و وقعه على الأرض,
فاتلم عليه الناس و عدد من سواقين الميكروباص عشان يفتكو بيه فماكان من الضابط الا انه طلع المسدس و ضرب نار عشوائى و حاول يهرب.
و تخيل انت سواقين ميكروباص متلمين عليك عشان يضربوك هتعمل ايه يعنى!!

على فكرة هو متساويين عندي
يعني سواق الميكروباص لو في منطقة الظابط أو قريب من القسم بتاعه كان الظباط هايفتكوا بالسواق و يحرقوله الميكروباص
كلهم في البلطجة سواسية
بالعكس اللوم أكبر على الظابط
مفروض الظابط ده مخه مش على قده زي السواق و مفروض إنه يطبق العدالة و ماياخدش حقه بدراعه

يا جماعه الضابط مماتش... واخر الكلام بيقول ان السواق مماتش كمان الى مات واحد من المتجمعين رصاصه جت فى رأسه

تسببت مشاجرة بين ضابط شرطة وسائقي ميكروباص بميدان الجزائر بمنطقة المعادي في إصابة أحد السائقين يدعى عاطف المنياوي بطلق ناري في رقبته، وتم نقل السائق المصاب إلى مستشفى القصر العيني وأجريت له عملية جراحية واستقرت حالته الصحية
وكان ضابط شرطة يدعى صلاح أشرف السجيني قد تشاجر مع سائق ميكروباص على أسبقية المرور حيث كان يستقل سيارته الملاكي بميدان الجزائر بالمعادي، وأثناء المشاجرة أخرج الضابط سلاحه الميري وهدد السائقين، الذين تجمعوا حوله لفض المشاجرة، فخرجت رصاصة لتستقر في رأس أحدهم.

وموقع وزاره الداخليه بتقول انه واخد اجازه مرضيه ومصراوى كاتب كلام غير كدا :

وتجمع السائقين والمواطنين في الشارع حول ضابط الشرطة وأوسعوه ضرباً، وتم نقله إلى مستشفى النخيل بالمعادي في حالة شديدة الخطورة، ثم أشعلوا النيران في سياراته.
وقال شهود عيان لمصراوي إنهم قاموا بالاتصال بمديرية الأمن، والتي أخبرتهم بدورها أن هذا الضابط لا يتبع لها، وأنه مفصول من الخدمة.

يعنى خلصنا من قصه المختل عقليا طلعتنا الداخليه كل ما تحصل مصيبه يتبروا من الى عملها