الحمد لله _ السواقة مالهاش كبير

**P_R_I_N_C_E** · 11-07-2007 12:53 AM

الحمد لله رب العالمين ان ماحدش حاصله حاجة خطيرة
انا عاوز اقول الاول ان انا من الناس الى بتجرى جامد جدااا ونجدت اكتر شباب مصر فى كل حتة وفى كل مكان ومن الناس اللى بتاخد غرز على 200 و 210 ورحت اسكدنرية فى ساعة الا عشر دقائق بس السواقة مالهاش كبير الكلمة دى كانت بتتقالى كتيررر وانا ماكنتش بقتنع بيها قوى لحد اول امبارح وانا ماشى على الكورنيش فى المعادى على 120 و سواق ميكروباص خد غورزة قدامى من الشمال وفى ساعتها لاقيت ميكروباص تانى واقف قدامى فى نص الكورنيش مستنى 3 من الحارة اليمين علشان يركبهم وجمبى عربيتين فكان قدامى حلين يااشيل التلاتة يا اما اخبط فى الميكروباص وطبعا خبط فى الميكروباص الحمدلله ان مافيش حد جراله حاجة وكان جمبى واحد صاحبى هوا دا الل دماغه اتفشفشت بس طلع من المستشفى النهاردة وبقى كويس.
المهم انا عاوز اقول كمان ان الجرى دااا خطر جداااا فاريت اى واحد بيجرى هنا يحرص من نفسه شوية انا كنت عامل شغل غالى فى العربية من بره ومن جوه وكل دا معظمه راح فاريت تحافظ على عربيتك بدل ماتبهدلها معااااك والحمد لله على كل شئ.

**eng/muhamad** · 11-07-2007 01:10 AM

لا تعليق فالصوره خير تعلييييييق

**mohamed yousry** · 11-07-2007 01:20 AM

معلش ربنا يعوضك وحمد لله على سلامتك..... وياريت كل الناس تستفاد بجد وتتعلم ومتعديش الموضوع دة كدة بالساهل.....انا مثلا بقالى سبع سنيين بسوق عمرى مخدشت عربيتى ومن اسبوع كانت راكبة جامبى الحاجة والدتى وكان فية عربية قدامى ماشية بطىء قوى كأنة على قشر بيض حبيت اعدى منة وكان فية نقل جى فى المقابل لكن لسة بعيد....المهم جيت اعدى من اللى قدامى واخطفة بسرعة لاقيتة بيشد معايا وهو بيبصلى بعند وكذلك النقل اللى فى المقابل لاقيتة بيشد وكنت هلبس وجها لوجة مع النقل(مفيش اشد من كدة حادثة)لكن رميت نفسى على اللى جنبى وكسرت علية مش عايز اقولكم كان بينى وبينة خمسة سنتيمتر بالكتير والحمد لله عديت على خير وقعدت طول اليوم مذهول من اللى حصل... ياريت محدش يعند مع المتخلفين دول ومش هتفرق فى دقيقة تأخير بس تحمى نفسك واسرتك وعربيتك..............

**fahd_628** · 11-07-2007 01:34 AM

الف الف حمد لله على سلامتك

و ربنا يعوض عليك

و شكرا على النصائع الغالية دية و ياريت الشباب يتعظ

**eng_elnaggar** · 11-07-2007 01:35 AM

الحمد لله انك سليم انت وصاحبك وربنا يسترها على الجميع

**Abdallah** · 11-07-2007 01:47 AM

لا حول ولا قوة الا بالله, ربنا يعوضك خير والحمدلله انك خرجت منها سليم انت والى معاك.

**معاذ الشرباصى** · 11-07-2007 03:20 AM

حمدا لله على سلامتك

هو انت الحادثة دى كانت عند المحكمة الدستورية؟

**M.Elsheikh** · 11-07-2007 03:30 AM

وحمد لله على سلامتك

**hazem_khidr** · 11-07-2007 04:10 AM

الف حمد الله علي سلامتك و ربنا يحميك و يعوضك و تكون اخر الاحزان ان شاء الله.
ربنا يعوض عليك بجد و شكرا علي نصايحك و انت في الظروف دي و ان دل علي شئ يدل علي طيب اخلاقك و حبك للجميع

**ehabbadr** · 11-07-2007 07:27 AM

حمد الله على سلامتك و سلامه صاحبك و ربنا يسترها معانا جميعا

الموضوع: الحمد لله _ السواقة مالهاش كبير

LinkBack

أدوات الموضوع

عرض

الحمد لله _ السواقة مالهاش كبير - انشر الموضوع فى :

-

الحمد لله......... -

-

-

-

-

المواضيع المتشابهه

مشاكل مالهاش حل

الحمد لله على كل حل و قدر الله و ما شاء فعل (حادث كبير)

السواقة ملهاش كبير .. دي نتيجة السرعة الجنونية

السواقة ملهاش كبير

شوية نكت مالهاش حل

الكلمات الدلالية لهذا الموضوع

المفضلات

المفضلات

ضوابط المشاركة