عايز اجيب لانسر - عجبانى اوى بصراحه

**alaafahmy** · 25-02-2011 12:59 AM

السلام عليكم ورحمة الله وبركاته
انا كان معايا جولف 2 وبيعتها وكنت خلاص ناوى اجيب هيونداى نيو اكسنت لمجرد انها معروفه والناس بتشكر فيها بس انا مش عاجبنى انى اجيب حاجه لمجرد ان صيانتها سهله واسمها فى الآخر كورى والموضوع جه من عند ربنا وحصلت الاحداث الاخيره فاقولت يمكن ربنا بيدينى فرصه أعيد تفكير فى الموضوع ده...

طبعا بما ان اليابانى مفيش اخوه (ده بعد الاوروبى طبعا) انا فكرت جديا انى اجيب لانسر خصوصا ان شكلها كمان عاجبنى اوى بس للاسف انا خبرتى فيها محدوده اوى
انا بسمع ناس بتتكلم عن الاشكال بـ (كريستاله-بومه-شارك-.....) بس بصراحه معرفش شكل كل واحده فيهم ايه
واذا كانت كويسه ولا لا انا عارف اشكال مختلفه منها بس بصراحه معرفش كل واحده فيهم اسمها ايه
ان محتاج خبير من خبراء المنتدى يقولى ببساطه كل اسم من دول :
موديله من سنة كام لكام ؟
ومين احسن واحده فيهم ؟
يقولى مكان الاقى فيه صوره بس لكل شكل عشان اعرف اساميهم ؟

ده بالنسبه للجزء الاول........ الجزء التانى متعلق بالاسعار
طبعا انا اتمرمطت فى المستعمل لانى كنت راكب جولف موديل 1988 ومش عايز حاجه تتعبنى وراها عشان كده بسأل هل الموديل الى بينزل زيرو دلوقتى (الى هو 2011 ابو 119 الف-اللى على كونتاكت كارز) هو الموديل الوحيد الى بينزل زيرو فى مصر ؟

واذا كان هو ده الوحيد الى بينزل زيرو للاسف مش هقدر اجيبها زيرو .. فى الحاله دى عايز حد ينصحنى بلانسر كويسه بس تكون كسر زيرو (يعنى 2006 فيما فوق) ويكون سعر المستعمل بتاعها فى حدود ال 60 الف

انا عارف ان اسالتى كتير بس انا عارف ان فى ناس ربنا سخرهم لقضاء حوائج الناس عشان كده انا بتمنى على الله انى الاقى حد باله طويل ويقدر يفيدنى

**Memo_Lancer** · 26-02-2011 06:52 AM

60 الف يا باشا تجيب لانر 2002 مثلا و هتكون ممتازه ان شاء الله
بومه اكيد اكتر بس المكواه احلي

**rekillme** · 26-02-2011 02:24 PM

شوف يا عزيزى
ال 60000 يجيبو لك لانسر 2005 حالة معقولة او 2006 حالة نص نص
من الاخر عشان متوجعش قلبك .. وطبعا اللانسر لا يعلى عليه
تحياتى

**eldell** · 26-02-2011 02:36 PM

المشاركة الأصلية كتبت بواسطة rekillme

شوف يا عزيزى
ال 60000 يجيبو لك لانسر 2005 حالة معقولة او 2006 حالة نص نص
من الاخر عشان متوجعش قلبك .. وطبعا اللانسر لا يعلى عليه
تحياتى

فعلا يجيبلك لانسر 2005 حلوه

**prisoner** · 26-02-2011 05:25 PM

الانسر بكل موديلاتها رائعة جدا وانا مع الراى ال60000 يجيبوا لانسر مكوة من 2001 الى 2003 حسب الحالة بس مفتكرش ان هى احسن من البومة وشكرا

**Memo_Lancer** · 27-02-2011 05:00 AM

بصراحه المكواه احسن من البومه ال 1300
لو ركبت االاتنين من جوه واحد
الشكل الخارجي انا بفضل المكواه
و السحب المكواه افضل .... كلام عن تجارب الاصدقاء

**Xander2010_Evo** · 27-02-2011 11:01 AM

دي لانسر كريستالة موديل 2000

ودي لانسر مكواة موديل 2002

ودي لانسر بومة موديل 2007 بس 1300 سي سي

ودي البومة 2007 بردو بس 1600 سي سي الفرق ف الموتور والإكصدام الأمامي :))

ودي لانسر شارك مويل 2009

**eldell** · 27-02-2011 01:27 PM

المشاركة الأصلية كتبت بواسطة xander2010_evo

دي لانسر كريستالة موديل 2000

ودي لانسر مكواة موديل 2002

ودي لانسر بومة موديل 2007 بس 1300 سي سي

ودي البومة 2007 بردو بس 1600 سي سي الفرق ف الموتور والإكصدام الأمامي :))

ودي لانسر شارك مويل 2009

اول صوره للبومه ديه موديل 2004

**alaafahmy** · 27-02-2011 05:17 PM

مشكورين جدا على الردود كلكم واخص بالشكر الخاص الاستاذXander2010_Evo

**alaafahmy** · 27-02-2011 05:19 PM

حلوه اوى اوى الـبومه 2007 دى ممكن حد يقولى الموديل ده يعملو كام ؟ وهل في منه زيرو ولا خلاص مبقاش ينزل ؟

الموضوع: عايز اجيب لانسر - عجبانى اوى بصراحه

LinkBack

أدوات الموضوع

عرض

عايز اجيب لانسر - عجبانى اوى بصراحه - انشر الموضوع فى :

-

-

-

-

-

المواضيع المتشابهه

عايز اجيب لانسر كريستالة افيدونى

اجيب لانسر مستعمل 2001 حالة ممتازة ولا اجيب فيرنا2010 او اجيب لانوس2010

عايز اجيب لانسر كريستالة حدود الـ 50 ألف جنيه

عايز اجيب لانسر كرستالة ... سعرها كام ؟؟

انا عجبانى الجيتزو عايز اشترى واحدة

الكلمات الدلالية لهذا الموضوع

المفضلات

المفضلات

ضوابط المشاركة