يا ترى الكلام الي بيتقال عن الشارك ده صح ولا لا..

**alzelafy** · 26-02-2011 02:52 AM

بص يا باشا انا طول عمرى ما بحترمش اللانسر مع ان كان معايا كريستاله و بعتها بس بعترف ان افضل عربيه يابانى فى السوق هى القرش و دى اول لانسر تثبت وجودها بجد و اركبها عن التويوتا و المازدا بجد بحترمها جدا جدا جدا جدا و عموما الشعب المصرى كدة اول ما الموديل بينزل بيخافو منو و بقولو عليه مليان مشاكل و قطع غيار غاليه و خلافه من اول الكريستاله قعدو بقولو واطيه على الارض و قطع غيارها غاليه و حققت بعد كدة اعلى نيبه مبيعات و تداول فى السوق بعد كدة البومه قالو انجكشن و الميتسوبيشى ملهاش فى الانجكشن و النهاردة اعلى نسبه تداول كذلك القرش هتكون نمرة 1 فى مصر كمان سنه .... بص هى الناس خايفه منها بس عشان هى شكلها بخض زى القرش .... و معظم اللى قالك وحشه مركبهاش اصلا ..... يكفيك من الجهل انهم بيقارنوها بالشئ اللى اسمو سيراتو

**szaalouk** · 27-02-2011 11:04 AM

شوف يا سيدي... انا شخصيا راكب لانسر بومه و اخويا راكب قرش من حوالي سنه و العربيه بسم الله ماشاء الله
تحفه في كل شيء ..... وسع و ثبات خرافي
هي زي باقي الأخوه ما قالو عيبها بس ان صوتها عالي شويه و سحبها في الأول مش قد كده لكن
غير كده فتوكل علي الله و اشتريها و الف مبروك مقدما .

**VTC** · 27-02-2011 01:24 PM

اتوكل على الله وسيبك من الفتايين , عربيه مفيهاش غلطه

انا معايا من سنه ونص تقريبا وماشيه 19 الف وميه ميه

بس لو هتفكر فيها يبقى تاخد الفل اوبش

**sey3a** · 28-02-2011 04:49 AM

بجد مش عارف اقولكم ايه بجد شكرا شكرا انتوا قويتوا قلبي وخلتوا حديد طيب ليه استفسار تاني معلش وانا اسف
انا اخويه قاعد في قطر الدوحه - هو قالي انا ممكن ابعتها من هناك محدش يعرف يقولي هيا الجمارك بتاخد كام
او النسبه بتتحسب ازاي وهتكلفني كام لو جبتها من بره والف شكر مره تانيه

**asorour** · 28-02-2011 06:44 AM

المشاركة الأصلية كتبت بواسطة sey3a

بجد مش عارف اقولكم ايه بجد شكرا شكرا انتوا قويتوا قلبي وخلتوا حديد طيب ليه استفسار تاني معلش وانا اسف
انا اخويه قاعد في قطر الدوحه - هو قالي انا ممكن ابعتها من هناك محدش يعرف يقولي هيا الجمارك بتاخد كام
او النسبه بتتحسب ازاي وهتكلفني كام لو جبتها من بره والف شكر مره تانيه

The one which in Qatar is 2000 cc There is no way you can get 1500 cc, i was trying with the agency here but i couldn't get one

**kholio** · 28-02-2011 07:04 AM

المشاركة الأصلية كتبت بواسطة sey3a

بجد مش عارف اقولكم ايه بجد شكرا شكرا انتوا قويتوا قلبي وخلتوا حديد طيب ليه استفسار تاني معلش وانا اسف
انا اخويه قاعد في قطر الدوحه - هو قالي انا ممكن ابعتها من هناك محدش يعرف يقولي هيا الجمارك بتاخد كام
او النسبه بتتحسب ازاي وهتكلفني كام لو جبتها من بره والف شكر مره تانيه

بالنسبة للشارك 1500 سي سي موديل 2011 جمركها 70000 جنيه وده انشاء الله كلام اكيد
سعر الجمرك ده عرفته من الأسئلة الجمركية اللي في جرنال الاهرام ملحق الجمعة

**sey3a** · 28-02-2011 02:30 PM

بالنسبة للشارك 1500 سي سي موديل 2011 جمركها 70000 جنيه وده ان شاء الله كلام اكيد
سعر الجمرك ده عرفته من الأسئلة الجمركية اللي في جرنال الاهرام ملحق الجمعة

مش عارف اقولك ايه اخويه خوليوا بس انت كدا تنصحني اشتري من هنا ولا اجيب من هناك وبجد متشكر

**sayed911** · 28-02-2011 04:14 PM

انا نصحتي خليك مع الي هنا لأني شفتها من كذى حتة هنا بذات الخليجي الكويتي والزينون الإستاندرد ده وهمي فيها ... + الانسر الكملة بتنزل في دول الخليج 2000 سي سي صعب جدا جمركها ها يبقى حاجة غريبة ورقم كبير جدا فأنا رأيي خليك هنا ومع الناس افضلك بكتير ..

**koke_lancer** · 03-03-2011 10:05 PM

انا عندى كرستالة و والدى معاه بومة و ركبت الشارك مع اصحابى كتير
اقسم بالله انها فعلا تحفة و سيارة عملية جدا من وجهة نظرى ان قطع غيارها غالية حبتين
انا لو معايا فلوس اجيبها
بس المشكلة انى محتاج تمنها كلوا لانى لا يمكن ابيع كرستالتى الى معايا من على الزيرو و شافت احلى ايام العمر

**Hossambecks** · 05-03-2011 02:11 PM

السلام عليكم
انا معايا لانسر شارك ex موديل 2009, و جبتها زيرو في شهر ديسمبر 2010
هي عامله معايا دلوقتي 6000 كيلومتر
و كان معايا قبلها لانسر بومه 2007 , 1300cc
يا جماعه الفرق كبير قوي , و تكنولوجيا الموتور ممتازه من حيث التسارع و عدم الآحساس بنقل الغيارات
اما بالنسبه للكيك داون, بجد حدث ولا حرج, ما شاء الله عليها قوه رهيبه
ناهيك عن الشكل و الثبات العالي جدا بالرغم من ارتفاعه الكبير عن الأرض مقارنة بالشكل اللي قبليها ( بومه )
يجماعه بالنسبه للصوت العالي في الأول دا نتيجة علبة الشكمان الأخير اللي في الديل و اللي معاه لانسر بومه هيفهم الفرق دا كويس
العلبه القديمه كانت بتحكم الموتور في قوته
لكن مع الشارك الفرق كبير جدا
فعلا العربيه ثابته جدا لحد 170 او 180 بعد كده تقلق شويه
اما البنزين فهي اوفر من البومه 1300 رغم انها 1500 و دا نتيجة التكنولوجيا الجديده للموتور
انا فعلا بنصح اي حد بيها لأنها مقارنة بإمكانياتها و التكنولوجيا اللي فيها سعرها ممتاز سواء المانيوال او الكامله