الموضوع: يا ترى الكلام الي بيتقال عن الشارك ده صح ولا لا..

المشاركة الأصلية كتبت بواسطة Hossambecks

السلام عليكم

الأخ Al rawesh

كلامك كتير مظبوط مع معلومة واحدة بس انت مش راضي تقولها بصراحه

يعني لما تقولي ان الفانوس الأمامي العادي ( يعني مش زينون ولا عدسات ) عامل 2300 جنيه
و الزينون بالعداسات ( كويتي )
عامل 6000
بالمناسبه دا الفانوس الواحد

وحجات تانيه كتير

بجد قطع الغيار سعرها oveeeeeeeeeeeeer اوي

لكن غير كده كلامك كلو مظبوط

والله يا باشا أنا فعلا معاك في الموضوع ده ... يمكن أنا فعلا نسيت أتكلم عن تجربتي مع قطع الغيااار .. بس هي مش تجربة أوي ولا حاجه .. يعني انا الفانوس الخلفي الخارجي (الحتة الصغيرة اللي فيها الإشارة) إتشرخ .. روحت التوكيل لاقيته بـ 670 جنية ده غير الـ 10% الضريبة .. طبعا دي قلة أدب .. سألت على التيواني بتاعه لاقيته في شارع دمشق بـ 190 جنية .. فقلت خلاص أخليني بالأصلي المشروخ أحسن من المضروب السليم (خلي بالك دي الحتة الصغيرة من الفانوس .. اللي بتبقى في البودي بتاع العربية مش الجزء اللي في الشنطة)ـ
النكتة بقى واحد صاحبي إتسرقت طاسه منه ... راح قعد يلف عليها في بلاد المسلمين .. وفي الآخر لاقاها عند واحد في الحرفين مستعملة (أو مسروقة الله أعلم) بـ 200 جنيه وخدها بـ 175 بعد فصاااااااااال
حاجه تانيه بمناسبة السرقة .. بعد ما جبت العربية بحوالي شهرين تقريبا .. كف المراية اللي جنب السواق إتسرق ... طبعا مالاقيتوش في أي مكان (كانت لسه العربية ساعتها نازله مبقالهاش كام شهر) فإضطريت أجيبه من التوكيل طبعًا وكان بـ 210 جنية (ده بس كفففف المراية مش المراية كلها طبعا)ـ
عاوز أقولك كمان على موضوع فلتر البنزين .. فلتر البنزين مفروض انه يتغير كل 40 ألف كلم ... وانا بعمل الصيانة بسأل عليه قالولي 570 تقريبًا غير ضريبة المبيعات .. فقلتلهم شكرًااااااااااااا .. وانا دلوقتي داخل على الـ 80 ألف .. وغالبًا برضو مش هاغيره (لأن أنا بغير الفلتر بتاع الأوبترا في التوكيل بـ 40 جنية)ـ
حاجه أخيره أنا فعلا مش فاكر أنا بغير التيل بكام بس تقريبا هوا فوق الـ 375 جنية .. أنا بجد مش فاكر مع إني غيرته مرتين .. بس هوا تقريبا سعره قد التيل العادي بتاع العربيات الكوري مثلاً مرة ونص تقريبا
ده بالظبببببببط كل اللي أعرفه عن أسعار قطع الغيار من ساعة ما اشتريت العربية دي
بس عاوز أقولك برضو إنهم في مصاريف الصيانة الدورية بتاعتهم في المصرية أو في رواس .. أرخص بكتير من غيرهم .. وماتنساش انك بتعملها كل 10.000 مش كل 5.000 .. فدي ميزة برضووو
أنا الكلاكس عندي اتحرق .. وغيرته في الضمان تبع مصرية

بسسسس يا سيدي .. عشان ماتقولش بس اني في حاجه مش راضي أقولها

المشاركة الأصلية كتبت بواسطة medoakef

سيتك مش كل من ركب عربيه عرفها 95% من بتوع المعارض و المغاسل دول لا يفقهون شئ في اي شئ اصلا
الشارك سياره في قمه الفخامه و الاحترام و رغم امتلاكي السيراتو التي تحمل امكانيات و اداء اعلي ولكن انظر لهذه السياره بكل احترام و اخاطب متسوبيشي في سري و اقول لو كانت 1.6 بس او 1.5 اقوي شويه
لو حضرتك حابب العربيه توكل علي الله هي كسياره هترتاح معاها جدا(لو كنت مش من محبي الجري)اما سعر اعاده البيع فهو الي مشكله عشان الفتي الي في السوق ده

بص يا باشا أنا معاك جدا في كلامك .. بس عاوز أقولك إن العربية دي 1.5 بس الباور هورس بتاعها 122 حصان .. في حين إن الـ 1.6 البومة .. الباور هورس بتاعها 128 حصان .. يعني مش الفرق الكبير .. عشان متسوبيشي مستخدمة تكنولوجيا تانية في الموتور ده .. مخلياها توصل للباور هورس عالي بعدد سي سيهات أقل
وبالتالي العربية أدائها محترم جدا .. وأوفر بكتير في إستهلاك البنزين
الحاجه التانية ماتنساش إن الـ 1.5 ده أبجريد للـ 1.3 البومة .. وإن الـ 1.6 الأبجريد بتاعها 2.0 .. بس إحنا هنا في مصر عشان كنا غلابة (أيام ما قبل الثورة) كنا (ولازلنا) بندفع أعلى فلوس ممكنة في أقل عربيات وأقل أوبشنز ممكنة
معلش يعني في الكلمة الكيا سيراتو الكاملة بتدفعهلها في مصر أكتر من 21 ألف دولار ... شوف براا دول يركبوا الواحد عربية إيه؟!!!ـ

المشاركة الأصلية كتبت بواسطة medoakef

تمام يا باشا انا فاهم الي حضرتك بتقوله دا كويس لكن المصري من البومه 105 و الشارك 109 اما الخليجي من البومه 122 و الشارك مش عرف كام ولله
المشكله ان متسوبيشي هي الي تعتبر كبش الفداء لهذه الثوره من حيث النقله الجديده في سعه المحركات و لم تثبت الجداره المتوقه بسبب ضعف التسارع قبل ال100 وهذا للوزن الثقيل و المحرك الذي يعتبر عادي في الهورس بور و العزم
لكن عموما هي سياره محترمه في جميع الحالات و ربنا يبارك لك فيها يا معلم و ربنا يسهل و الجمارك دي تخف شويه بقا

باشا
السلام عليكم
ال hp بتاع الشارك الخليجي 112
بس التسارع بتاعها قبل ال 100 بجد فوق الممتاز
حوالي 9,9 ثانيه انا جربتها اكتر من مره على الشارك الخليجي, لكن المصري معتقدش ان الفرق هيكون كبير
بس فعلا العربيه دي تحفه :))))

المشاركة الأصلية كتبت بواسطة alrawesh

بسسسس يا سيدي .. عشان ماتقولش بس اني في حاجه مش راضي أقولها

ياباشا تسلم

بس تفتكر ان اسعار قطع الغيار هتنزل عن كده ولا ايهه ؟؟؟؟؟؟؟؟؟
انا سمعت قبل الزلزال اللي في اليابان ان متسوبيشي هتنزل الشارك تاني في شهر 7 او 8
لكن بعد اللي حصل بيتهيقلي هيتغير
و علشان كده الرواس عامل عروض غريبه علي اللي فاضل عنده من 2009 علشان يلحق يخلص قبل الجديد ما ينزل
اسعار قطع الغيار بجد هي اللي عملت سمعه مش كويسه على العربيه دي.

يعني اشتريها و ألا اصرف نظر و اشوف حاجه تانيه
أنا آخري 128 الف بصراحه و هيبقوا قسط
ارجو الإفاده

المشاركة الأصلية كتبت بواسطة medoakef

ازاي بس 9.9 يا باشا مع احترامي انا بطلع من الشارك بتسقيط نقله مش ككايه حتي و ادام عيني كنت شايف ريس كزا مره بين سيراتو و شارك السنه الي فاتت اول ما السيراتو نزلت كانت السيراتو بتسافر و ده الي انا بعمله دلوقتي بردو و للعلم تسارع السيراتو في 10.2 دا ياسر جيبها في الوقت ده لكن انا اخر مره جربت كانت 10.5 من شهر تقريبا
العربيه انا شايف انها ركوبه فقد لان محرك مسلم نمر ادام ال1.6 الحقيقه

على فكرة يا باشا السيراتو بتبقى مع الشارك اول ثاني بس بعد كدة الشارك بتطلع ومن اول النقلة الثالثة الشارك بتبتدي تفرق عن السيراتو فمعلش اللي انت شديت معاه ده يا اما عربيته موتورها مش متفتح يا اما هو مبيعرفش يسوق انا شادد مع سيراتو من 0 ل 180 وطلعت منه وبفرق كمان