يا ترى الكلام الي بيتقال عن الشارك ده صح ولا لا..

**BassamHafez** · 07-03-2011 12:37 PM

المشاركة الأصلية كتبت بواسطة hossamsmsm

طيب يا جماعه مفيش حد ابن حلال بيبيع واحده بنت حلال لاخوكم ابن الحلال بسعر ابن حلال ؟؟؟؟؟
على فكرة انا جاد جدا فى الشرااااء

في اعلان الوكيل القديم منزله عشان موديل 2009 اللي لسه عنده

http://www.nilemotors.net/Nile/203860-2009.html

بس بصراحه الاسعار مش بنت حلال خالص

**sey3a** · 19-03-2011 07:37 PM

انا سمعت من واحد صاحب توكيل عندنا بيقول انهم هيخفضوا كمان الاسعار بتاعت الشارك 2009 وهيخلوها 120 الف
على اول شهر 4 الكلام ده صح ولا غلط

**sherif4004** · 19-03-2011 09:42 PM

مره اجرت العربيه دى فى فرح وكانت طالع عينها والفتيش بينتش مع انه اتوماتيك بس بالامانه فخمه جدا وشيك وبس سواقه البومه اسهل خصوصا ان الشارك الشنطه عاليه شويه .. بس الحق يقال هيا اريح من البومه بس احنا اتعودنا على البومه ومش هنقول على الشارك حلوه غير بعد كام سنه

**BLOODY_STONE** · 19-03-2011 11:06 PM

انا جربت العربية دي لمدة 3 شهور كنت شاريها استعمال الصراحة رووووووووووووعة بس للاسف انا دخت و مش لاقي قطع غيار و طالع عيني و التوكيل اسعاره اوفر او اوي يعني ...
ان شاء الله ده كله يتحسن لما التوكيل الجديد يمسك ...
قولو ااااااامييييييييييييييين

**sey3a** · 20-03-2011 04:05 AM

هو فعلا بيقولوا ان قطع الغيار غليه بس ان شاء الله التوكيل الجديد هيخلي قطع الغيار كويسه وخصوصا ان
سعر مبالغ فيه جدا

**alrawesh** · 21-03-2011 06:23 PM

والله يا جماعة أنا لسه جديد بس عاوز أقول رأيي بصراحه وعن تجربة طويلة أكتر من سنتين ونص
أنا اشتريت العربية دي في يوليو 2008 .. وبصراحه ماشوفتش منها أي حاجه وحشه
بالعكس .. العربية فيها كذا ميزه حلوة جدا
أولاً... الثبات بتاعها عالي جداااا .. والغرز بتاخدها بيها وانتا ماسك الدركسيون بإيد وإيدك التانيه بتدور بيها في جيبك على حاجه مثلا
ثانيًا... التسارع بتاعها والكيك داون راااااائع .. يعني تحس ان العربية ذكية وفاهماك .. وعارفه إمتى تسقط النقلة لما تيجي تتجاوز عربية قدامك مثلاً
ثالثًا... ماشاء الله واسعة جدا من ورا .. الكنبة بتاعتها أكبر بحوالي 10 سم من اللانسر القديمة
رابعًا... إستهلاك البنزين بتاعها ما شاء الله ممتاااااز جدا
طبعًا غير الشكل والفخامة وماتنسوش ان الموديل ده نزل في أواخر 2007

بس أنا ليا عليها شوية تعليقات
أولاً .. ناس كتييييير في مصر بتحب تفتي .. وللأسف أصحاب اللانسر البومة في مصر كتيييييييير .. وكلهم متضايقين ان عربيتهم ماعداش عليها 4 سنين ونزللهم شكل جديد (وطبعًا معاهم حق) .. فطبعًا كله متزعم مبدأ إن العربيه دي بطيئة وضيقة ومش ثابته على الطريق وتعبانه وخسارة فيها الفلوس و و و و .. ومن غير اي تجربة ولا حتى حد فكر يركب جنب السواق كله بيقول عليها وحشة
ثانياً ... بسبب الكلام اللي اتقال عليها ده .. الـ Re Sale بتاعها بقى في الطراوة وللأسف سعرها عمال ينزل (يعني أنا كنت شاري عربيتي بـ 135 ألف الأوتوماتيك العادية وكانت ساعتها الهاف سبورت بـ 145 والسبورت بـ 155 .. طبعا اتفرجو على الأسعار دلوقتي اللي كاتبها الباشمهندس طارق زويل بتاعت تصفيات 2009 .. وتخيلوا بقى لو حبيت ابيع عربيتي انا موديل 2008 مستعملة هاتعملها كام؟؟!!!)ـ
ثالثًا ... قطع الغيار غالية حبتين ومبالغ فيها شويتين وده مش ظرييييييف .. ده غير إن تعاملي مع توكيل مصرية ماكانش كويس وماعجبونيش ودايما زحمة جدااااا للأسف ومافيش مراكز صيانة كتير .. لدرجة إني بقيت باخدها من قصيرها وبروح أعمله في المركز اللي في بنزينة موبيل الاوتوستراد (دائري المطار) كل مرة وأريح دماااااغي

بس على العموم بشكل عام عربية حلوة جدا وأنا بحبهااااااا جدا وأنصح أي حد يقدر يستحمل الكام حاجه اللي قولتهم دول إنه يركبها
ً

**Hossambecks** · 22-03-2011 10:17 AM

السلام عليكم

الأخ Al rawesh

كلامك كتير مظبوط مع معلومة واحدة بس انت مش راضي تقولها بصراحه

يعني لما تقولي ان الفانوس الأمامي العادي ( يعني مش زينون ولا عدسات ) عامل 2300 جنيه
و الزينون بالعداسات ( كويتي )
عامل 6000
بالمناسبه دا الفانوس الواحد

وحجات تانيه كتير

بجد قطع الغيار سعرها oveeeeeeeeeeeeer اوي

لكن غير كده كلامك كلو مظبوط

**M.Akef** · 22-03-2011 11:02 AM

سيتك مش كل من ركب عربيه عرفها 95% من بتوع المعارض و المغاسل دول لا يفقهون شئ في اي شئ اصلا
الشارك سياره في قمه الفخامه و الاحترام و رغم امتلاكي السيراتو التي تحمل امكانيات و اداء اعلي ولكن انظر لهذه السياره بكل احترام و اخاطب متسوبيشي في سري و اقول لو كانت 1.6 بس او 1.5 اقوي شويه
لو حضرتك حابب العربيه توكل علي الله هي كسياره هترتاح معاها جدا(لو كنت مش من محبي الجري)اما سعر اعاده البيع فهو الي مشكله عشان الفتي الي في السوق ده