عايز اجيب رادياتير جديد ... هل من نصيحه

**Dr_Smart** · 05-04-2008 08:01 PM

العربية عندي لو وقفت في اشارة وطولت وزحمة وكده بتسخن ... اما اثناء المشي الحمدلله مش بتسخن خالص

الميكانيكي قالي الرادياتير وحش وعايز يتغير

هل فيه نوع معين افضل ممكن اجيبه ؟ ويكون نحاس ولا ايه ؟ وهل ممكن رادياتير عربية جديدة ( زي اللانوس مثلا او غيرها ) يركب عندي ؟

المهم عايز نصيحتكم في الموضوع ده ...

وشكراااا

**SEATLOVER** · 05-04-2008 08:58 PM

النحاس افضل يا دكتور و بيدى نتايج ملموسة وسريعة
وفى كام واحد كويسين اوى فى شارع احمد سعيد و خصوصاً (الزقازيقى) ممكن يكون غالى شوية بس شغلة مظبوط و هايدلك على اية النوع اللى ينفع لعربيتك و يقولك تجيبة منين .

**Dr_Smart** · 05-04-2008 09:51 PM

الف شكر على الرد يا باشا

**eldeplomasy** · 06-04-2008 03:25 AM

طبعا يكون نحاس النحاس هتلاقيه مهما وقفت في الحر ولا بيحصل حاجه وكمان وقت تشغيل مروحة التبريد هيقل هي بس مشكلته في الشتى هتلاقي العربية بتاخد وقت اطول شوية على ما تسخن

ويفضل بقى يكون 3 ماسورة او 3 صف على حسب ما بيقولوا عليه ده بقى لو كانت درجة حرارة الجو 200 ولا هتتأثر العربية هو اغلى شوية بس هيريح معاك جدا جدا جدا

واسأل مجرب

**Dr_Smart** · 06-04-2008 03:37 AM

المشاركة الأصلية كتبت بواسطة eldeplomasy

طبعا يكون نحاس النحاس هتلاقيه مهما وقفت في الحر ولا بيحصل حاجه وكمان وقت تشغيل مروحة التبريد هيقل هي بس مشكلته في الشتى هتلاقي العربية بتاخد وقت اطول شوية على ما تسخن

ويفضل بقى يكون 3 ماسورة او 3 صف على حسب ما بيقولوا عليه ده بقى لو كانت درجة حرارة الجو 200 ولا هتتأثر العربية هو اغلى شوية بس هيريح معاك جدا جدا جدا

واسأل مجرب

شكرا جزيلا على رد حضرتك

طيب انا عندي المروحة شغالة على طول هل في رأيكم أخلي الكهربائي يشغل الثرموستات ولا استنى عالشتاء ولا اخليها شغالة على طول وخلاص ؟

**eldeplomasy** · 06-04-2008 03:43 AM

هو نوع عربية حضرتك ايه؟؟؟

لان في مروحة على وش الموتور دي متقدرش تخيلها بثرموستات وفي مروحة كهرباء هي دي لازم تبقى بثرموستات والا تتحرق لازم تشتغل وتفصل

وبعدين كان حصل معايا في العربية الردياتير اتسد كنت حاطط ميه عاديه فصدى واتسد لقيت الحرارة بتأخر على ما تشتغل وبتشتغل فترة طويله جدا فلما سلكته رجعت زي الاول تمام

فلو الردياتير بتاع حضرتك هو الجديد اللى نازل مع العربية اوعى تغيره سلكه بس والعربية ان شاء الله هتبقى تمام

**Dr_Smart** · 06-04-2008 04:43 PM

عربيتي دايهاتسو 83

المروحة فعلا في وش الموتور وشغاله على طول ... اصل العربية في الشتا بتاخد وقت على ماتسخن

شكرا يا باشا

**SEATLOVER** · 06-04-2008 04:57 PM

الدايهاتسو الشارمنت تبريدها ممتاز يا دكتور .. اظاهر انك هتحتاج بس تغسل دورة التبريد كلها (خراطيم و قربة ووصلات ) و الريداتير يتفك و يتسلك كويس وتتأكد من قوة دفع المياة اللى جاية من الطرمبة و ان المياة بتلف كويس .. بعدين تحط مياة خضراء ..وسيب المروحة شغالة على طول ..مفيش مشكلة إن شاء الله ..وربنا معاك

**Dr_Smart** · 07-04-2008 03:51 PM

الف شكر يا عمرو باشا ربنا يكرمك

**Dr_Smart** · 08-04-2008 02:42 PM

شكرا يا جماعه على مساعدتكم

انا دلوقتي محتار اغير الرادياتير واجيب واحد جديد ولا اجرب اسلك ده واغسل دورة التبريد كويس ( على فكرة انا لسه منظفه في البنزينه من اسبوع وحاطط ميا خضرا ) مش عارف هل ده معناه انه عايز يتغير فعلا ؟ ولا تنظيفة البنزينة غير كافية ولازم يتفك ويتسلك عند واحد بتاع رادياتيرات ؟

طيب اتأكد منين ايه الحل السليم ؟

انا بفكر اريح دماغي واغيره ( اصله الفابريكه يعني عمره 25 سنه وكمان اتخرم مني قبل كده ولحمته )

الموضوع: عايز اجيب رادياتير جديد ... هل من نصيحه

LinkBack

أدوات الموضوع

عرض

عايز اجيب رادياتير جديد ... هل من نصيحه - انشر الموضوع فى :

-

-

-

-

-

المواضيع المتشابهه

عايز اجيب كاسيت جديد

عايز رادياتير جديد ...

عايز اجيب ريسيفر جديد

عايز اجيب اتوماتيك في حدود 84 الف جديد او مستعمل

عايز اجيب رادياتير جديد للفيرنا ايه افضل نوع للأهمية ؟

الكلمات الدلالية لهذا الموضوع

المفضلات

المفضلات

ضوابط المشاركة