شرح تفصيلى مبسط لكيفية عمل تكييف السيارة واجزائه المختلفة

**Moustafa Al-mansy** · 16-07-2008 11:08 AM

بصراحة معلومات شيقة............

بس عندي استفسار؟؟؟؟؟؟؟؟

اية اللي بيفرق في قوة التكييف من عربية لأخري؟؟؟؟؟؟؟؟؟؟؟

**Adham** · 16-07-2008 11:17 AM

قوة الكمبريسور - ودي مرتبطة كمان بقوة موتور العربية (يعني كمبريسور كبير في عربية موتورها كبير و قوي غير كمبريسور صغير في موتور 1000 سي سي)

حجم السربنتينة الخارجية و قوة تبريد مروحه السربنتينة

كذلك حجم و كفائة السربنتينة الداخلية (الكويل)

و دة طبعا بفرض ان العربيتين لا يوجد بيهم عيوب في دورة الفريون ( يعني تكييفات جديدة و لا بها فلاتر دراير سيئة او قديمة و لا اكسبنشن ضعيف او مرطب ولا كمبرسور ضعيف او بة تلف او تسريب بين الاويلسيلات)

**Adham** · 16-07-2008 11:26 AM

المشاركة الأصلية كتبت بواسطة حاتم سليم

لماذا يجب تشغيل تكييف السيارة فى الشتاء
كل اسبوع لمدة عشرة دقائق ؟؟

و اذا لم نقم بهذا فماذا يحدث ؟؟

( حوالى شهرين ) لم اقم بتشغيل التكييف مطلقاً.[/COLOR

أرجو الافادة ...

لسببين:

الأول ان الفريون يتحلل اذا لم يتحرك او يتقلب لفترة طويلة

يعني لو ركنت تكييف السيارة شهور لا يعمل ممكن تشغلة تلاقية مافيش فريون و لكن يتحلل داخل الدورة

و الثاني ان الاويلسيلات قد تجف و تتشقق نتيجة ان زيت الفريون في الدورة لا يمر عليها و يقوم بتزييتها إلا اثناء تشغيل الفريون

بس الملاحظ ان دة لا يحدث في العربيات الجديدة بشكل ملحوظ و انا متكرر جدا في السيارات المستعملة

ربما لجودة خامات الفابريقة الاصلية و لإحكام التقفيل

يفضل عامة ان تقود بتشغيل التكييف الفريون (في غير تسخين السيارة) ولو 10 دقائق كل اسبوعين على حتى السرعه الاولى خلال جميع فصول السنة

**M!NA** · 16-07-2008 12:13 PM

المشاركة الأصلية كتبت بواسطة sab3aawy

نأتى بعد ذلك لسائل التكييف:

اهم مواصفات سائل التكييف ان يكون قابل للتبخر والتكاثف فى درجات حرارة تتراوح بين صفر و +60 درجة تحت ضغوط يمكن الوصول لها بسهولة( ملحوظة : تختلف هذة المواصفات عن مواصفات سوائل الثلاجات التى نحتاج منها درجات تبخر تتراوح بين -20 و +40 درجة وذلك حتى يمكن الوصول لدرجات تحت الصفر فى الثلاجات)
تاريخيا بدأ التكييف باستعمال النشادر ولكنه كان قليل الكفاءة، ثم استخدم الغاز الطبيعى، ولكنه كان يهدد بكوارث فى حالة تسربه، وفى الخمسينات من القرن الماضى بدأ استخدام الكلوروفلوروكاربونز (ألفريونات) ومنها فريون 12 وفريون 14 (تكييف) وفريون 22(ثلاجات) وحديثا بدأ احلال الكلوروفلوروكاربونز بأنواع اخرى من الفريون اقل إضرارا بالبيئةمثل الفريون 112 والفريون 114

سؤال بيطرح نفسه... هل من الممكن تغيير نوع سائل التكييف لدرجة سائل الثلاجات؟ اللي هو 22؟ طبعا أقصد في دول الخليج و الشرق الأوسط...؟
ولا ده هيؤدي الى تجمد الcoil؟

**mpilot_2006** · 13-09-2008 12:09 AM

الله ينور عليك بجد شرح جامد جداً

**ahm3d ham>ed** · 27-09-2008 06:10 AM

100&100
وضحتلى نقطة مدوخانى ورا بتوع التكيف
لازم اغير كباس كل 3 شهور
ولكن المرة الاخيرة غيرت الكباس والاكسبنشن وكان فريزر
ودلوقتى لما اجى اشغل التكيف الكمبروسر يشتغل منغير ما احس
بالحمل على الموتور كائنو بيشتغل ويفصل
وكان كل مازود بنزين واعدى 3500ار بى ام يشتغل ويفصل تانى لوحدة
ارجو الافادة على الخاص
شكككككرا