ضابط شرطة ينافس نوارة نجم فى الدعوة للتظاهرات المليونية عمليا

**amado ibrahim** · 25-02-2011 06:03 AM

ضابط شرطة ينافس نوارة نجم فى الدعوة للتظاهرات المليونية عمليا

اه ضابط شرطة ينافس نوارة نجم فى الدعوة للتظاهرات المليونية عمليا

ايوه بينافس نوارة نجم الست الثورجية للدعوة للتظاهر

طب ازاى ده كلام

أطلق الملازم أول صلاح أشرف السجيني (نجل العميد أشرف السجيني رئيس مباحث منطقة جنوب القاهرة) الرصاص من سلاحه الميري تجاه سائق ميكروباص ‏فى شارع الجزائر بالمعادى,‏ فاستقرت إحدي الرصاصات في رقبة السائق وتسببت في وفاته في الحال‏

و الضابط المذكور بالشكل ده قام بدعوة عملية للقيام بتظاهرة مليونية يوم الجمعة منافسا بذلك الثورجية نوارة نجم

و قد احست الست نوارة ان الضابط ده يمثل بالنسبة لها منافسة عنيفة فى مجال عملها

فالضابط ده شوية بشوية هيتعرف و يشتهر ويبقى عامل زى الراجل اللى واقف ورا عمر سليمان

لذلك قررت نوارة انها متستناش لحد ما الضابط اللى طلعلها فى المقدر جديد ميبقى اشهر منها فى موضوع الثورجية

قررت انها هى كمان تلاقى حل عملى

طلعت فوق على مجلس قيادة السطوح وقعدت تبص على اقرب موقف ميكروباص فيه تجمع كبير من البشر

اختارت المكان المناسب

و اتصلت بزميل الكفاح خالد يوسف وطلبت منه شوية حاجات

يأجرلها موتوسيكل هارلى (مهى مش اقل من الباشا اللى كان راكب عربة امريكانى مش هى بنت الفاجومى و صافيناز كاظم (حقد طبقى اصلى ونفسنة من اللى هيا)
ولو ملقاش هارلى ممكن يجبلها حتة هوندا او ياهاما
(اهى بالمرة تبقى لايقة على الخطة اللى هيا ناوية عليها)
و طلبت كمان لبس ظابط شرطة و نظارة شمس معتبرة ومسدس صوت
و شريط كاست متسجل عليه بصوت اجش
(يامنطقة مفكيش راجل)

اخدت نوارة الحاجات من خالد

تنكرت بشكل ضابط الشرطة و طلعت على موقف الميكروباص ضربت كام رصاصة فى الهواء و شغلت الكاسيت على اعلى صوت
و طلعت تجرى بالموتوسيكل

فجأة

صحيت من النوم على صوت ابنتى الصغيرة وهى عمالة تزن وتلح و تعيد وتزيد وكل افعال العيال اللى راسهم ناشفة

بابا
بابا

شغلى اغنية الشارع لنا

بصيتلها باندهاش و ضحكت

حد فاهم حاجة

**A.Saad** · 25-02-2011 06:17 AM

انت بتفهم جدا
ربنا يحميك

**mr_vampire** · 25-02-2011 10:28 AM

لو شوفت فيديو ( مدير امن دمنهور ) هتعرف ان فيه منافس تالت وداخل بقوة علي لقب ( مفجر مظاهرة الجمعة 25 فبراير ).

**amado ibrahim** · 25-02-2011 10:39 AM

المشاركة الأصلية كتبت بواسطة mr_vampire

لو شوفت فيديو ( مدير امن دمنهور ) هتعرف ان فيه منافس تالت وداخل بقوة علي لقب ( مفجر مظاهرة الجمعة 25 فبراير ).

يعينى عليكى يا نوارة

انت هتلاحقى على مين ولا مين

طب المرة دى هتعمل ايه

تروح ايتاى البارود و تضربلها واحدة بلاك اند وايت و تخبط كلمتين وتنك راجعة

و لا تنزل حوش عيسى و تخبطلها واحدة جين و تقول اى كلام فى العبيط و تركب اول بيجو و ترجع

مش عارف هتعمل ايه

الشغلانة لمت صحيح

تقبل تحياتى