الله يخرب بيت كده

**human** · 26-02-2011 02:26 PM

للوضوح : لم يتم تنفيذ مطالب الثورة

**Sharky** · 26-02-2011 02:30 PM

و ما هى مطالب الثورة التى لم تنفذ بعد ؟

**human** · 26-02-2011 02:44 PM

المشاركة الأصلية كتبت بواسطة sharky

و ما هى مطالب الثورة التى لم تنفذ بعد ؟

عزيزى شاركى

صعب عليا اوى الجدال وافضل اقول الكلام اللى اتقال الف مرة

معروفه جدا ايه هيه مطالب الثورة

و اققل حاجه المحركين للاحداث لازم التحقيق معاهم
وموضوع مشروعه و مش مشروعه مالناش فيه

اباطره النظام معروفين بالاسم و مش من المفترض تقولى مستندات و انت بتتكلم على واحد زى صفوت الشريف و جمال مبارك مثلا

**تامر.محمد** · 26-02-2011 02:45 PM

المشاركة الأصلية كتبت بواسطة wael17

مع احترامي لكلام حضرتك بس ده الوجه الجميل و من العدل عدم تجاهل الجانب السيء
Lara Logan Sexually Attacked in Egypt During Protesters' Celebration - ABC News

لا داعي للتصديق قبل التحقق منعا لظلم الناس
الخبر اهو
Lara Logan Suffered 'Brutal' Sexual Assault In Egypt

On Friday February 11, the day Egyptian president Hosni Mubarak stepped down, CBS correspondent Lara Logan was covering the jubilation in Tahrir Square for a 60 MINUTES story when she and her team and their security were surrounded by a dangerous element amidst the celebration. It was a mob of more than 200 people whipped into frenzy. In the crush of the mob, she was separated from her crew. She was surrounded and suffered a brutal and sustained sexual assault and beating before being saved by a group of women and an estimated 20 Egyptian soldiers. She reconnected with the CBS team, returned to her hotel and returned to the United States on the first flight the next morning. She is currently in the hospital recovering.

previously been detained by Egyptian authorities while attempting to enter Cairo.

**yahyanaabil** · 26-02-2011 02:52 PM

المشاركة الأصلية كتبت بواسطة sharky

اللى حصل ان المتظاهرين بعد ما نفذوا مطالبهم دخلنا فى مرحلة فوضى و بلطجة
لإننا للأسف غير مؤهليين للثورة و الديمقراطية حتى الان

على فكره لو احنا مؤهلين للثوره والديمقراطيه الناس مكمنتش حتعمل ثوره ولغايه دلوقتى مش فاهم يعنى ايه مش مؤهلين لثوره ده على اساس لما مثلا الثوره الفرنسيه قامت كانوا بيدوهم كورسات فى الثوره . الطبيعى بعد اى ثوره بيكون فيه فوضى ةوده شىء طبيعى لان مش كل الناس فكرها واحد المشكلع ان الناس مش لاقيه طرق رسميه عشان تعرض افكارها وتفشى نظام الحكم الفاسد فى جميع اجهزه الدوله ولو عاوز امثله فيه كتير و فيه قرارت كتير فوريه ممكن تتعمل وتثبت حسن نوايا الحكومه يعنى لغايه دلوقتى مفيش فرد واحد تم التحقيق معاه فى موضوع الانفلات الامنى او الشهداء واعمال البلطجه فين صفوت الشريف وفتحى سرور رؤساء الصحف القوميه لسه قاعدين على كراسيهم و المحافظين لغايه دلوقتى مشفناش اى حاجه تثبت ان الشرطه حتتغير

**Sharky** · 26-02-2011 02:56 PM

على فكره لو احنا مؤهلين للثوره والديمقراطيه الناس مكمنتش حتعمل ثوره

ي

بقى احنا فعلا مش مؤهليين :)

معنى اننا نكون مؤهليين للثورة اننا نحترم بعض و نحسن اخلاقنا للأحسن مش العكس اللى بيحصل دلوقتى
المفروض نستغل الفرصة علشان ننهض ببلدنا و نضفها مش العكس .

اللى بيحصل ان اخلاقنا بتسوء و بقينا نستغل ضعف الدولة علشان كل واحد يعمل اللى عايزه من مظاهرات لمطالب فردية لتعدى على ممتلكات الغير او حتى طريقة تعاملنا مع بعض ووصلنا لمرحلة اننا بقينا نشك فى كل اللى الناس و دا بداية الانهيار و استمرار الفوض زى دول اخرى لم تستفيد من رحيل زعمائهم الفاسدين

**human** · 26-02-2011 02:58 PM

المشاركة الأصلية كتبت بواسطة sharky

و هما دول فى وزارة احمد شفيق ؟؟

دول اللى جابوا شفيق لهدف وحيد هو استمرارهم

الناس متضايقه عشان الغاز اللى بيروح لاسرائيل و باين جدا الموضوع ده و مهاجمه شديده
و فى الاخر يجيبوا وزير جاى من الهيئه او الشركه المسئوله عن تصدير الغاز

ده اسمه ايه؟؟ عند مثلا؟؟

منير فخرى عبد النور موجود ليه .... سؤال برئ بسيط جدا

ليه بيستفذوا الناس

**Sharky** · 26-02-2011 03:02 PM

هو مش الجيش اللى ساب احمد شفيق بعد رحيل مبارك !!
ايه دخل جمال مبارك و صفوت و غيرهم فى الموضوع دا !
إلا لو كان الجيش اصلا مظبط مع النظام القديم !

سمعت ان وزير البترول الجديد عضو مجلس ادارة فى الشركة اللى بتصدر الغاز لاسرائيل
ايه الدليل على كده ؟
و لو الكلام دا صح يبقى فعلا لازم يمشى و يتحاسب الجيش على انه ازاى وافق على كده

بالنسبة لمنير فخرى ايه مشكلته ؟؟

**wael17** · 26-02-2011 04:54 PM

المشاركة الأصلية كتبت بواسطة tlrsiap

لا داعي للتصديق قبل التحقق منعا لظلم الناس
الخبر اهو
Lara Logan Suffered 'Brutal' Sexual Assault In Egypt

طب ما هو نفس الخبر اللي أنا جبته
Lara Logan Sexually Attacked in Egypt During Protesters' Celebration - ABC News

و اكيد الي عملوا كده مش هم المحترمين الي كانوا بينضفوا الميدان...اللي انا عايز أقوله ان لازم يكون في واقعية و عقلانية في الحكم علي الأمور....مش تبقي كل حاجة محكومة بالعواطف...اللي حصل في ميدان التحرير كان حاجة جميلة العالم كله اتكلم عنها و نجحت في اسقاط طاغية حكم 30 سنة...لكن ممكن كمان اللي حصل يؤدي لفوضي و يشوهه صورة الثورة الجميلة
ما ينفعش لما انا و غيري نقول الرأي ده يتم اتهامنا اننا حزب وطني و أعداء الثورة....لما واحد يقول لازم نتعاون مع الشرطة و ما ينفعش الناس تبقي ماشية في الشوارع متحفزة و مستنية اي احتكاك عشان تهاجم ظباط الشرطة و يتم الاعتداء بصورة حيوانية و همجية لا يوجد مثيل لها في العالم بحجة الثورة و اصل هما لازم يدوقوا اللي عملوه في الناس...تخيل الظابط الي استشهد في سجن الفيوم عشان رفض يسيب المساجين يهربوا...تخيل انه ماكانش مات و كان ماشي بلبسه المدني في المعادي وقت الحادث و حته عيل صايع بتاع ميكروباص ماشي بسنجه وقفه و عرف انه ظابط و الناس اتلمت عليه و قتلته...يرضي من ده؟

و بعدين سؤال للناس اللي معترضة علي حكومة شفيق لمجرد ان اللي جابه حسني مبارك...طيب ما هو طنطاوي الحاكم الفعلي للبلد جاء في عهد مبارك و من سنين طويلة...علي الاقل شفيق رأس الحكومة اسبوعين بس في عهد مبارك و جاء لارضاء المتظاهرين ...هاتقولي طنطاوي جيش و الجيش نظيف...طب ما هو شفيق جيش برده و لما ساب الجيش مسك وزارة الطيران المدني و ما سمعناش حاجة وحشة عنه...طب ما الجنزوري مسك سنين في عهد مبارك ده برده مش عاجب؟...
ليه لما باقول الراي ده اللي ناس كتير قوي موافقة عليه بيتم اتهامنا باننا حزب وطني و بنخون الثورة....هو حرام اقول رأي اللي انا مقتنع بيه..هي دي الديموقراطية و هي دي مبادئ الثورة
و نوعيه الردود اللي من العينة دي بتمثل الثورة:
-الي بيقول ماننزلش مظاهرات تاني يخرس
- في ناس بتعارض المظاهرات...ما حدش يرد عليهم..و اعمل نفسك مش شايفهم
- انت شكلك حزب وطني و بتوع الوطني دول يستاهلوا ابادة جماعية

اصحاب الردود دي هم الثوار و دول اللي بيمثلوا الشعب المصري؟؟؟؟؟؟؟؟؟؟؟
لو ده حقيقي...يبقي فعلا مفيش فايدة!!!

الموضوع: الله يخرب بيت كده

LinkBack

أدوات الموضوع

عرض

-

-

-

-

-

المواضيع المتشابهه

الله يخرب بيت كده

الله يخرب ... لا الله يسامحه

الله يخرب بيت التاكسيات

ال stp الله يخرب بيتة

الكلمات الدلالية لهذا الموضوع

المفضلات

المفضلات

ضوابط المشاركة