اقتباس المشاركة الأصلية كتبت بواسطة م.احمد زكريا مشاهدة المشاركة
اسمحولي ... الموضوع ملهوش اي علاقة بالكان بيحصل قبل كدة (مش في كل الاحوال طبعا)

لما عمال وموظفين في شركة محترمة ليها مصنع من احدث المصانع في الشرق الاوسط بمرتبات جيدة وتعتبر الاعلى في نفس المجال يعملوا اعتصام ويوقفوا العمل في المصنع لطلبات ليس لها معنى ( مش هاندفع الضرايب - عايزين ضعف الاوفر تايم - مش عاجبنا الماسك hr - عايزين السبت اجازة - وخد من الكلام ده كتيير)

وشركة تانية من اكبر شركات المقاولات التخصصية في مصر والناس المهندسين المحترمين بيطلبوا طلبات لو اتحققت الشركة هاتقع زي نظام الاجازات في المواقع عايزين اسبوع واسبوع في شركة مقاولات تشتغل بالطريقة دي ؟؟؟



الأنا حاسه ان كله بيهيص في الهيصة

حضرتك ما سمعتش عن اعتصام موظفين البنوك و كان في واحد منهم كل اعتراضه ان مرتبه 8000 جنيه بس و ده ربع مرتب المدير

اقتباس المشاركة الأصلية كتبت بواسطة م.احمد زكريا مشاهدة المشاركة
صدقني احنا لسة بدري علينا لما نعرف ازاي نطلب حقوق ونلتزم بواجبات
واجبات؟؟؟؟ حضرتك بتتكلم في ايه...واجبات ايه بس
الموضه دلوقتي مطالبة بحقوق بس...حقي في ال 70 مليار...حقي اني اقطع طريق و اوقف مصالح الناس...حقي ان اطالب بتغيير اي حكومة و اي وزير و مطالبي تتحقق حالا حتي لو الحكومة دي عمرها الافتراضي شهور..حقي اني اضرب اي ظابط عشان انا شايل منهم من زمان و كلهم داخلين شرطة بالواسطة و فاسدين
و حضرتك بتقولي نلتزم بواجبات...واجبات ايه بس....هو حضرتك حزب وطني و اعداء ثورة ولا ايه!