الموضوع: ايه المغزي من تعيين نائب رئيس وزراء

المشاركة الأصلية كتبت بواسطة sharky

الله يفتح عليك
كلامك مظبوط و عقلانى جدا

بس نقول لمين ماهى موضه كل واحد عايز يشيل اى حد دلوقتى بمجرد شويه كلام بدون ادلة او لمجرد انه كان عارف مبارك !!!

انا شايف ان الجيش بيفكر كده فعلا

مش عايز يعمل كل شيء لدرجة تغيير رئيس وزراء بمجرد طلب الناس

هو هيتغير وقادة الجيش مقتنعين بكده

بس هتبقي موضه

المشاركة الأصلية كتبت بواسطة sharky

ياباشا

الناس اللى بطالب بتغيير كل رموز النظام القديم

ليه ما بيطلبوش بتغيير وزير الدفاع !!!!!

تناقض رهيب فى الطلب نفسه
مش برضه من رموز النظام القديم و تقريبا اقدم وزير فيها !!!

فعلا معاك حق

لا والاغرب ان الناس بتمدح فيه

ويقولك ده هو اللي انقذ مصر

انا معنديش اعتراض علي كده

ولكن برضو نصبر

مش هنحقق كل اهدافنا مره واحده

احنا حققنا كتير قوي بمجرد خلع مبارك

نصبر ولو محص حاجه وده صعب جدا لأني واثق ان الجيش عايز يخلص م الفتره ده

نرجع ننزل تاني

عندكم حق
الراجل ده حتى الناس اللى احنا بنثق فى نزاهتهم كلوا قالوا عليه كلام كويس و كله مستبشر بيه خير
مينفعش نرفض حد لمجرد انه اتعين فى نظام شخص احنا رفضناه كده حنقد المنطق اللى بنتكلم بيه لكن لو الشخص ده محققش انجاز يبقى نحاسبه
مع انى شايفة ان تحقيق انجاز فى ظل الاحوال الحالية للبلد ده مستحيل مش صعب بس وهو بيحاول الصراحة
كل كام يوم يغير الوزرا زى ماالناس عايزة وبرده مش عاجبهم
ياريت الناس اللى مش عاجبها تقول عايزة مين وتجتمع على مين علشان لما يتغيروا تانى ميقولش لا دول كمان مش كويسين
حتى الوزرا الجدد دلوقتى بشوف عليهم اخبار مش كويسة وانهم برده كانوا فى الفساد
نفسى الاقى شخص فى مصر كلها اللى هى كانت للاسف منظومة كلها فساد من اكبر واحد لاقل واحد يطلع معلهوش غلطة
فازاى حنلاقى الشخص ده
ده احنا كاشخاص لما كنا بنلاقى وسطة تمشى لينا امورنا كنا بنستعملها

حدش يظن في الجيش وحش

الجيش لو كان عايز يسحلنا زي مابيعمل في ليبيا كان سحلنا ومحدش اتكلم

لا يا باشا اسمح لي اختلف معاك ونفسي النظرة دي تتغير
الجيش مجبر انه ينضم للشعب لان اي اوامر باطلاق الرصاص على الناس هيعمل انقسام حاد في الجيش علاوة على ان ضباط الميدان لن ينفذوا الاوامر لان عقيدتهم مختلفة والضابط احمد شومان خير دليل
فالجيش ميمنش علينا انه انحاز لينا لان الجيش ملك الشعب اصلا وليس السلطة حسب الدستور المادة 180
واللي حصل في ليبيا مثال ايضا
حيث ان الجيش رفض اطلاق النار على المتظاهرين والطيارين منهم اللي خد طيارته وراح مالطة ومنهم اللي قفز منها واتحطمت علشان مينفذوش اوامر القذافي
لكن اللي بيحصل في ليبيا مش من الجيش الليبي لكن من كتائب المرتزقة اللي استوردهم القذافي من تشاد وبعض الدول الافريقية وده حقيقي وتصور فيديو