الموضوع: حقيقة اللى حصل أمبارح فى ميدان التحرير - شاهد عيان ومشاهد من الميدان

المشاركة الأصلية كتبت بواسطة wawoo

لا والله ..يعنى الثورة بتتلكك مثلا , و لا اية ..

لما الثورة تقول مش عوزين احمد شفيق يبقى يغور احمد شفيق
لما الثورة تقول عاوزين محاسبة جهاز امن الدول يبقى جهاز امن الدول يتوقف نشاطة و يتحاسب على جرائمة
و غيرها من المطالب
و اى مطالب جديد تتنفذ فورا ..

معلش و متزعلش مني هو حضرتك بتتكلم عن الثورة بصفتك ايه بالظبط؟ القائد الاعلي للثورة مثلا؟
يعني حضرتك اللي بتحدد مطالب الثورة و انت الي بتحدد المطالب دي تتحقق في يوم ولا اسبوع ولا سنة و انت الي بتحدد لو ماتحققتش حالا يبقي نعتصم و نمنع الوزراء يدخلوا مكاتبهم و نحتك بالجيش و لو حاول يفرقنا نحدفوا بالطوب...أنا مش عارف بتتكلم بصفتك ايه بالظبط...حضرتك مواطن زي أي مواطن من حقك تقول رأيك لكن مش من حقق تفرضه علي بقية الناس و علي الجيش بالقوة

و احب الفت نظرك ان في ناس تانية عايشة في البلد غيرك و ليهم رأي مخالف و لازم الرأي ده يحترم برده!
و لو عندك وقت فاضي ماتكونش معتصم فيه في ميدان التحرير حاول تستطلع أراء الناس علي الانترنت هاتكتشف ان في ناس تانية عايشة في البلد و مش من حققك تحجر علي رأيهم و تفرض رأيك بالقوة عليهم

ده تصويت علي مصراوي و في غيره كتير علي مواقع تانية و الغالبية الي بتخالفك الرأي مش حزب وطني و مش خونة..دول مصريين زيك بالظبط
هل تؤيد مطالبات المتظاهرين بإقالة حكومة شفيق؟

نعم (44%)
لا (56%)
اجمالي الاصوات :27859

و بعدين انا قرأت تعليقات قديمة لك و في اختلاف كبير عن دلوقتي

المشاركة الأصلية كتبت بواسطة wawoo

على كل مصرى مخلص شارك بصدق ان يتذكر جيدا دماء الشهداء الذين سقطو بالمئات فى سبيل الوصول للهدف الحقيقيى من الثورة و هو تنحى هذا الرئيس ..و هو مطلب معظم المصريين الان

واضح انه ماكنش الهدف الحقيقي و الدليل ان لسه بتدعو لمظاهرات و اعتصامات حتي لو ها يحصل مواجهة مع الجيش

المشاركة الأصلية كتبت بواسطة wawoo

اعتقد ان حسنى مبارك اعقل و احكم من انة يوجة الجيش ضد الشعب لانة كدة بيغتال تاريخة السياسى والعسكرى و هو ببساطة مش محتاج دة لانة ممكن يرحل بهدوء لو عاوز

اعتقد ان الجيش مش لعبه في ايد حسني مبارك الي حضرتك كنت بتعتبره عاقل و حكيم

و ده رأيك في الثورة التونسية

المشاركة الأصلية كتبت بواسطة wawoo

انا مش فاهم اية الرجالة فى الموضوع .. كل الحكاية ان الجيش هو اللى عمل الانقلاب و الجيش هو اللى يملك القوة فى اى بلد

ببساطة لو كان الجيش مؤيد للرئيس و موالى لة مثل الحال فى بلدنا الحبيب ولا مليون مظاهرة كانت عملت حاجة كان حينزل الجيش ضرب فى الشعب و كلة حيسكت ..

و هو دة اللى بضبط حصل فى ثورة 23 يوليو ..يعنى من غير دعم من الجيش ولا فى رجالة ولا فى اى حاجة

دة انقلاب عسكرى زية زى اى انقلاب و ببساطة ممكن الجيش يستولى على السلطة الان فى تونس مثل ما حدث فى مصر بالضبط

أنا شايف أن الثورة أتت بالكثير من الخير علي الشعب
و لكن لا يجوز التطاول علي الجيش بأي شكل من الاشكال
لان الجيش هو حامينا الان
لان الجيش هو من ساند الشباب
لان الجيش يسطر علي مجريات الامور في البلد
أتقوا شر الحليم إذا غضب
و مش معني أن الجيش سايب الشباب تعمل مظاهرات
إن دة معناة ضعف لاااااااااااااااا دي حرية الناس مش واخدة عليها
عاشان كدة بلاش الناس تخيم في التحرير من تاني كفاية المظاهرات فية
علشان لا ندع مجال لأي شخص بأن يقوم بأي أستفذاذ للجيش
و ربنا يوفق الجميع