الوكيل و تركيب قطع غيار من الخارج ؟

**mazagnge** · 06-04-2008 02:12 AM

شـــباب بعـــد التحية و الذي منة :o

انا عقبلكم كــــدة مسافر عمرة الفترة اللي جية :)

و بفكر أشتري بعض قطع الغيار من السعودية نظراً لفارق السعر اللي هناك

فكنت عايز أعرف الاتي :

- هل في مشاكل اني أجيب قطع الغيار معي و التوكيل يركبها لي في مصر ؟
- عايز أعرف اسعار القطع الاتية عشان اعرف الفارق يستحق ولا لأ :
* سعــر فوج اللانســر امامي
* سعر الفانوس الخلفي كام
* سعــر تيل فرامل ..... ( 300 ج )
* سعــر ذراع نور ..... ( 440 ج )

- استفسار لمن تعامل مع التوكيل ..... ( انا أقرب توكيل هو توكيل قليوب )

- انا عايز اشحن التكيف + و أظبط العفشــة يا تري يكلفوني كام

و معلش يا شباب عشـان نظبط الميزانية و نشوف هيبقي في قروض و نشد اللحاف علي قد رجلينا :D

**johnyweb** · 06-04-2008 03:15 AM

تابع المواضيع النثبتة هاتفيدك في النقط ديه .

**مصراوي جدا** · 06-04-2008 11:28 AM

أولا مبروك العمرة ولا تنسانا من صالح الدعوات

سعر لمبات الفوج لانسر 98 أكتر من 2000 جنيه ومش موجودة بنجيبها بالطلب فطبعا افضل لو جبتها من السعودية

سعر الفانوس الخلفي الواحد حوالي 850 جنيه

في التوكيل شحن التكييف فقط حوالي 360 جنيه

أما شحن التكييف مع تنظيف الثلاجة (اصل مفيش فلتر تكييف للانسر 98) فبيفكوا التابلوه وينظفوا التكييف بالكامل بحوالي 600 جنيه

بالنسبة للعفشة دي قصتها طويلة شوية لأنها اجزاء كتير وسعرها مش قليل ، عندي اقتراح كويس حضرتك شرفنا في مركز قليوب في اي وقت قبل السفر نكشف على العفشة ونتفق على اللي العربية عاوزاه وتجيبه من هناك لو فرق السعر كويس ولما ترجع بالسلامة نشوف هنعمل ايه عفشة وتكييف وتركيب

**mazagnge** · 07-04-2008 09:03 AM

صحيح يا باشمهندس .... بالنسبة لرحلة الوكيل :)
هأحتاج أحجز ميعاد الأول
، ولا أروح لهم و أقول أنا البرادعي يا رشدي :D يعني اروح علي طول و الاولوية بالوصول إلي التوكيل

**Ramy.Gamal** · 07-04-2008 10:18 AM

اولا احب اقولك انى كنت هناك فى رمضان بعمل عمرة وملاقتش لانسر خالص غير عربيتين وكانوا على الطريق بين مكه والمدينة هما مش معترفين غير بالتويوتا اللى زى الرز هناك وعينات من الهوندا والمازدا ودة اللى مخلى زى ما سمعت قطع غيار الانسر غاليه قوى هناك ،ثانيا ماتشتريش من محلات عاديه علشان ممكن تكون تقليد لو لقيت مركز للعيسائى اسأل عندة لانه الوكيل للمتسوبيشى وياريت تلاقى حاجات هناك تشتريها ونسألك الدعاء للمسلمين اجمعين

**مصراوي جدا** · 07-04-2008 10:48 AM

المشاركة الأصلية كتبت بواسطة mazagnge

بس السؤال : اروح اعمل فحص كامل للسيارة الاول و بعد كدة ناخد لستة باسعار الحاجة و التركيب في التوكيل

تمام كدة ولا انا فهمي ع قدي :o اصل انييييييييي من الأرياف :D

تمام كده

المشاركة الأصلية كتبت بواسطة mazagnge

هأحتاج أحجز ميعاد الأول

لأ .. مش مشكلة ميعاد بس اديني خبر قبلها هتيجي امتى

المشاركة الأصلية كتبت بواسطة ramylancer

وملاقتش لانسر خالص غير عربيتين وكانوا على الطريق بين مكه والمدينة

هي اللانسر قليلة في السعودية لكن مش للدرجة دي ، معظم شركات ايجار السيارات بتشتغل كورولا ولانسر يعني باذن الله يلاقي قطع غيار لها

**Ramy.Gamal** · 18-04-2008 08:30 AM

بصراحة مدورتش هناك لانى قاعد جنب الحرم وكمان مش لاقى العربية اساسا دة انا قربت انساها هناك وانت عارف عمره رمضان تهجد وتراويح خمس فروض والزحمة مش بتخليك تتحرك بحريه بس انت طبعا هتروح فى وقت فاضى عن رمضان انت ممكن تسأل سواقين التاكسيات اكتر ناس هيفيدوك على اماكن قطع الغيار وإن شاء الله عمره مقبوله ولما ترجع بالسلامه قولنا اشتريت حاجة ولا لأ

**Ramy.Gamal** · 18-04-2008 10:19 AM

هى طبعا فى الكويت والامارات اللانسر اكتر بكتير من السعوديه وقطر علشان كدة تلاقى قطع غيار اللانسر فى الكويت والامارات منتشرة واكيد ارخص من السعوديه وقطر وعلشان الانتشار دة هتلاقى المواصفات الكويتى وبعدها الاماراتى الاعلى فى المواصفات الخليجى غير المواصفات السعودى والقطرى خالص