عاوز اركب وحده اضاءه و جراب النظاره بتوع السوبر صالون لموديل الex

**SonaSteel** · 05-03-2011 11:05 PM

مشكورين ياشباب علي المشاركات الجميلة ديه
ووفعلا اسأل مجرب
شكرا كيمو باشا علي المعلومات الجميلة ديه .... جزاك الله خيرا ونتمني نشوفك قريبا ان شاء الله
اقعد بالعافية :))

**Ahmed.TV** · 06-03-2011 04:26 PM

يمكن لان مش عندهم ومش ركبوها قبل كدا
والله اعلم

لكن فى موردن الناس ركبوها قبل كدا , بس هى خلصانة من عندهم

**Powert** · 07-03-2011 01:54 PM

طاب بنسبة لعمود الاتزال اللي في سوبر صالون ممكن تركب في الاي اكس صالون والمخدع اللي ورا ممكن يركب
ومرايات الضم ممكن تركب والزراير بتاعتها و.......

**Powert** · 07-03-2011 05:24 PM

المشاركة الأصلية كتبت بواسطة bassamsobhy

اخي العزيز powert لو الواحد طالب كل الطلبات دي كان جاب سوبر صالون و ريح دماغه بس مش لازم يبقي كل الكماليات اللي في السوبر صالون في الاي اكس انا عن نفسي كان ممكن اجيب السوبر صالون بس فعلا ماعجبنيش الابانوس اللي فيها شكله نرفزني جدا فقولت اجيب اي اكس و حبيبه قلبي بس ياسيدي انا باحب الجراب بتاع النظاره دا جدا فارجوك ما تتريقش علي الاي اكس صالون
إوعا لاقطعك (:

حضرتك فهمتني غلط انا مش بتريق انا بكلم جد انا معايا اي اكس صالون وماجبتش سوبر صالون علشان بحب المانيوال ومش بحب الاوتماتيك وكمان شكل الابانوس فعلاً وحش مش جامد

بس انا عجباني مريات الضم الانوار اللي في جراب النظارة والمسند اللي ورا وعمود الاتزال وده اهم حاجة نفسي اركبها

انا كان نفسي ينزلوا سوبر صالون مانيوال وانا كنت جبتها

**SonaSteel** · 07-03-2011 06:47 PM

المشاركة الأصلية كتبت بواسطة kflds

السلام عليكم ..
Powert : أيوه كل حاجة ممكن تركب .. عمود الاتزان يركب عادي جدا من غير أي تعديل , مكانه موجود ومفيش فيه أي مشاكل .. وهيفرق معاك كتير .. أنا عربيتي كانت ex وركبتو فيها .. ماخدش ربع ساعة ..

مرايات الضم تركب برده مفيش فيها مشاكل بس محتاج الزرار بتاعها , لإن الضفيرة أصلا بتيجي مجهزة

بالنسبة للمسند اللي ورا , لازم ظَهر الكنبة كله يتغير علشان المخدع اللي في النص كمان , وعلشان مكان المسند اللي في الظَهر ,,

حاول تدور على عمود الاتزان ده استعمال علشان في التوكيل ممكن يبقى صعب تلاقيه لإنه نادرا مابيحصله حاجة يعني .. والجلب والاكس وكده كل ده موضوع جديد مش مشكلة ..

بالنسبة للمرايات , موجودين في التوكيل بس غاليين يعني .. 1500 جنيه الواحدة تقريبا .. برده حاول تدور عليهم استعمال بس خالي بالك علشان معظم بتوع الاستعمال بيجيبوا عربية دركسيون يمين فـال مراية مش هتبقى زواياها مظبوطة عالدركسيون الشمال بتاعنا .. دور على عربية دركسيون شمال ..

أي حاجة في السوبرصالون ممكن تركب , فيش فيها مشاكل ..

تحياتي
كريم فرحات ..

السلام عليكم
يا كريم تسلم ايدك يا كبير ... ماشاء الله هما كل أهل الاسكندرية عالين كده :))
والله انا سعيد بمشاركاتك الجميلة والطيبة والعملية ديه .. لانك جربتها قبل كده وعارف ايه اللي بيحصل في العربية وايه اللي ممكن يركب فيها وايه اللي ميركبش
تسلم ايدك ياكيمو
تقبل مروري
وأقعد بالعافية :))

**Powert** · 07-03-2011 06:50 PM

شكراً يا استاذ كريم بس ممكن اعرف انت ركبته فيين وبكام وهل حسيت بفرق في الملفات بعد ما ركبته

لان انا معرفش حد يعمل اي حاجة غير التوكيل وموضوع المرايات هخلية بعدين

لان لو عملت اي حاجة في الضفيرة هيتلغي الضمان

-

الموضوع: عاوز اركب وحده اضاءه و جراب النظاره بتوع السوبر صالون لموديل الex

LinkBack

أدوات الموضوع

عرض

-

-

-

-

-

-

المواضيع المتشابهه

عاوز اركب لمبة في صالون العربية

عاوز اركب زينون لعربيتي ....... ومحتار مع بتوع التوكيلات

جراب النظاره

عاوز مكان تأجير للصني السوبر صالون

ما الذى يمكن إضافته للنيسان الإى إكس صالون من السوبر صالون وبكام

الكلمات الدلالية لهذا الموضوع

المفضلات

المفضلات

ضوابط المشاركة