الموضوع: عاوز اركب وحده اضاءه و جراب النظاره بتوع السوبر صالون لموديل الex

المشاركة الأصلية كتبت بواسطة kflds

السلام عليكم ..
powert : أيوه كل حاجة ممكن تركب .. عمود الاتزان يركب عادي جدا من غير أي تعديل , مكانه موجود ومفيش فيه أي مشاكل .. وهيفرق معاك كتير .. أنا عربيتي كانت ex وركبتو فيها .. ماخدش ربع ساعة ..

مرايات الضم تركب برده مفيش فيها مشاكل بس محتاج الزرار بتاعها , لإن الضفيرة أصلا بتيجي مجهزة

بالنسبة للمسند اللي ورا , لازم ظَهر الكنبة كله يتغير علشان المخدع اللي في النص كمان , وعلشان مكان المسند اللي في الظَهر ,,

حاول تدور على عمود الاتزان ده استعمال علشان في التوكيل ممكن يبقى صعب تلاقيه لإنه نادرا مابيحصله حاجة يعني .. والجلب والاكس وكده كل ده موضوع جديد مش مشكلة ..

بالنسبة للمرايات , موجودين في التوكيل بس غاليين يعني .. 1500 جنيه الواحدة تقريبا .. برده حاول تدور عليهم استعمال بس خالي بالك علشان معظم بتوع الاستعمال بيجيبوا عربية دركسيون يمين فـال مراية مش هتبقى زواياها مظبوطة عالدركسيون الشمال بتاعنا .. دور على عربية دركسيون شمال ..

أي حاجة في السوبرصالون ممكن تركب , فيش فيها مشاكل ..

تحياتي
كريم فرحات ..

ممكن اعرف يعني ايه عمود اتزان و ايه فوايده وسعره كام و شكرا

المشاركة الأصلية كتبت بواسطة ahmed.tv

قبل ما حضرتك تكتب وتسالنى انا كنت متصل النهاردة وسالت

بخصوص وحدة الاضاءة وجراب النظارة لسه مش موجودة

وممكن حضرتك تتصل باى فرع لمودرن وتابع معايا وتسالهم عليها فى قطع الغيار

ولو موجودة قولى وبلغنا وانا من ناحيتى ساعتها ححاول اشو حد يعملنا خصم عليها

وبخصوص الاكسسورات الجديدة على يوم 15 /4 لسه

حيكون فيها انذار جديد بطريقة جديدة مفاجاءة للناس مع انه حيكون غالى بس امكانياته هايلة جدااا, ومقدرش اقول حاجة عنه غير كدا , عشان لو حد سالنى

ولسه فى زينون وفوجات واحاجت كتيرة وجديدة واسعارها حتكون مناسبة واقل من اى مرة للاعضاء باذن الله

زى ما نجحنا فى الزن عليهم فى موضوع وحدة الرفع والسنسور كدا فى تخفيضه

فباذن الله لو فى اى اخبار من نفسى حبلغكم على طول

تحياتى

متشكر اوي يا احمد علي تعبك و مجهودك ده رغم الظروف اللي انت بتمر بيها .. ربنا يبارك فيك يا حبيبي و يديك كمان و كمان