الموضوع: مين راح الشغل النهاردة؟؟ (مساحة للفضفضة)

المشاركة الأصلية كتبت بواسطة alaa_dash

بيقولوا ان الامن قبض على مجموعة من اعضاء مجموعة الاضراب في الفيس بوك و منهم بنت ؟!!!!!!!!!(جابوهم ازاي)
ربنا يستر
بالمناسبة لمتابعة اخر اخبار الاضراب
http://6april08.blogspot.com/

انت مش عارف جابوهم ازاى 000 زى ما هيجيبوا بتوع نايل موتورز يا باشا ههههههههههههههههههههههههه
طبعا الامن بقى له مدة يراقب التحركات فى المنتديات والمدونات وخلافة وبيركز على الجماعة بتوع الكلام 000 اقصد الشعارات الفارغة بدون عمل زى بتوع كفاية 0000000000 اما الاراء التى نادت بأن يكون الاضراب بدلا منه المقاطعة فهذا احسن راى وافيدهم مش اضراب وخلاص طيب وبعدين ؟

المشاركة الأصلية كتبت بواسطة meza

أيوه البنت دى هى الأدمن بتاع الجروب الخاص بالإضراب

شىء متوقع من بلد لا تحترم حرية المواطن ...... بس متخافوش فى محامين كتير مكرسين جهودهم عشان يدافعوا عن أى حد إتقبض عليه بسبب الإضراب.

والله الواحد مكنش فاكر ان وراة رجالة كدة 000 بس برضك لازم نكون عمليين اكثر من ذلك فالاضراب شىء جيد ولكن الافضل منه مقاطعة التجار وهذا افضل من اى شىء اخر ، ومن المحتمل ان يندس فعلاً بين الناس من هو يرغب فى خراب البلاد والعباد وهذا كلام ليس خيال بل حقيقة ، وان كنت اعلم بأن الجهات الامنية مش هتوافق على اضراب بشكل رسمى وهذا هو العيب الذى تقع فيه الحكومة ومش عايزة تتعلم ابداً

الشىء الذي يسعدني جدا ان معظم الداعين لهذا الاضراب من الشباب و الذي يسعدني اكثر انهم طلبة او من حديثي التخرج بدليل ان جامعة القاهرة نسبة الحضور بها متدنية و الذين تغيبوا عن العمل من الشباب بالاضافة الى ان جامعة حلوان بها اعتصام و ان كان لا يتجاوز الالفين طالب ..اما موظفي الحكومة فهم ممن عاصروا عهودا كانت الكلمة عليها جمارك باهظة الثمن وواضح انهم ما زالوا متأثرين بها و يعملون لها بعض الحساب الا من ادرك بأن حقه لن يأتي اليه الا اذا سعى هو نحوه مثل عمال غزل المحلة و موظفي الضرايب العقارية ...

المشاركة الأصلية كتبت بواسطة ahmedateya

شفتوا الجو برة عمل ازاي؟
ده حتى الجو عمل اضراب

بمناسبة الجو في حاجة بتتقال بس هيه تضحك شوية ..قال انه كان فيه تدريبات للجيش في الصحراء و كانت بالذخيرة الحية عشان يقلبوا الجو و الناس تتلم شوية :o
الناس فاكرة ان الحكومة لها سلطان عل الجو كمان :)