العلاقة بين سير التكييف وسير الكاتينة

**mohsen** · 07-04-2008 12:56 PM

اشكرك على صراحتك وامانتك

**mohsen** · 09-04-2008 01:16 PM

المشاركة الأصلية كتبت بواسطة MMamdouh

ارفع العربية من ناحية العجلة اللى قدام يمين
فك العجلة
فك الكارتيرة اللى مغطية السيور
رخى شداد سير التكييف اللى فى ضهر البكرة اللى فى النص بين طمبورة الكرنك و الكباس
فك السير
ركب السير الجديد
شد الشداد مرة تانية لحد ما السير يتحرك 1 سم فقط لما تزقة بصباعك

ركب كل حاجة فكيتها بالترتين العكسى السابق ذكرة

MMamdouh

استاذنا محمد ممدوح

*انا خلعت السير علشان اجيب زيه بالظبط ولقيت ان بكرة الشداد فيها بوش بسيط لما تزقها من يمينها وشمالها لجوة وبرة.
*الشىء الواضح اوى ان العربية من غير سير التكييف اصبحت طيارة نفاثة ومجرد لمس دواسة البنزين بتطير واى غيار بيقبل معاك زى من انت عايز و بقى مفيش اى صوت للعربية ولا فى السلانسيه ولا فى اخر اى غيار.
*هل ممكن يكون ان سير التكييف التالف والبوش بتاع بكرة الشداد مع الكباس قبل وبعد ماتم تصليحه بيأثرواعلى دوران طنبورة الكرنك لهذه الدرجة؟
*هل البوش بتاع بكرة الشداد ده طبيعى ولا لازم اغيرها مع السير وهل بتتباع جديدة؟

**MMamdouh** · 09-04-2008 02:24 PM

سرعة العربية طبيعى لانك شلت من حمل الموتور... كان ليا واحد صاحبى بيفك سير التكييف طول فصل الشتاء... و دة ملوش دعوة بحالة السير او الشداد

ممكن يكون البوش كبير فى الشداد فا اما تخللى حد يكشف علية او غيرة على طول لانى معتقدش انة غالى... انت كدة كدة عرفت البوش عندك قد ايه... و انت بتجيب السير خاللى الباع يجلك شداد و شوف فرق البوش بين الجديد و بين اللى عندك كبير ولا لا... لو كبير اشترية و انت واقف و ريح بالك

MMamdouh