اقتباس المشاركة الأصلية كتبت بواسطة dr-mohamed مشاهدة المشاركة
يا ريت حزب شيلوا شفيق علشان البلوفر مش شيك يستريحوا شوية
واظن كفاءة شفيق ونجاحاته وهو وزير طيران اتناقشت في موضوعات كتير هنا لم نخرج منها في النهاية الا ان البلوفر مش شيك
طيب طالما بقت احزاب بقى واحنا فى ديمقراطيه :
حزب (شيلوا شفيق علشان البلوفر مش شيك) من اول الثوره ثابت على كلامه والحمد لله الى بيحصل طهقوا من الكلام فيه..
حزب (سيبوا الراجل يشتغل بقى حرام عليكم) اضافه لانجازاته السابقه زى ...
من اول ما الثوره بدات عمالين تكبروا وتشككوا فى كل حاجه شويه تشتموا فى الثوار الى فى التحرير وشويه كفايه كدا يا خوانا وشويه مع وائل غنيم وشويه ضده وشويه هيحصل مذابح لو المظاهرات استمرت وشويه مبروك عليكم الحكم العسكرى وشويه الاحتلال داخل البلد وشويه اسرائيل وسفن امريكا !!!!!!!!!!! ...
مفيش ولا كلمه من الى عمالين تقولوها من اول الثوره الا ما بتطلع العكس وكلامكم كان كله غلط ودائما المتظاهرين الى كانوا عايزينه كان الصح وبرضه مصرين تعيدوا نفس كلامكم فى كل موقف


الجديد بقى دفاعهم عن وزير الداخليه الجديد بأى شكل وبرضه شوفنا حديثه ورد فعل الناس...
والاجدد بقى دفاعهم عن مدير امن دمنهو بأى شكل حتى بيكذبوا الى بيقول الراجل غير كلامه لما اتقاله فى تصوير وداينا شوفنا النتيجه...
والاجدد تانى شفيق يمنع برنامج عمرو الليثى ويمنع الاخوان من الظهرو فى التلفزيون المصرى ويكشف عن وجهه القامع للحريات والديمقراطيه ويعمل زى الاطفال فى حركه محمود سعد ويقولوا ايه دا محمود سعد بيعمل كدا عشان راتبه نزل لمليون ونص .....
الاجدد ان اغلب الاعضاء زهقوا من كلام حزب (سيبوا الراجل يشتغل بقى حرام عليكم) الى بيتكلم عن شروق الشمس من المغرب وياريت نتعمل استطلاع كدا ونشوف اى حزب الناس زهقت من كلامه الاعمى