شى لا يصدقه عقل : البلطجية حرقوا (المحــرقة)

**Egyzizo** · 02-03-2011 01:47 AM

باختصار ، مهنتى ينتج عنها نفايات خطـــرة ومتعاقد مع مكان حكومى للتعامل مع هذه النفايات لأنه لا يمكن القاؤها فى صندوق القمامة العادى ولابد من معالجتها ، الوحدة التى تقوم بذلك اسمها (المحرقة).

يوم السبت الماضى ذهبت إلى المحرقة لتسليم النفايات الخطرة التى تجمعت عندى على مدى أسبوعين ففوجئت بالمحرقة مهشمة ومحترقة ، ورفضوا استلام النفايات لأن هناك بلطجية قاموا فى جنح الظلام بتدمير المحرقة ..

طيب يا ولاد ستين فى سبعين هى المحرقة دى قسم شرطة واللا مجلس محلى علشان تدمروها؟؟

أعمل ايه أنا دلوقتى فى البلاوى السودة اللى فى شنطة العربية ، أوديها فين بس يا ربى.[/color]

**mr_vampire** · 02-03-2011 01:50 AM

روح اي نقطة عسكرية واعمل بلاغ واتخلص من المواد ده لو خطيرة بالشكل ده يعني

**FunnyMickey** · 02-03-2011 02:02 AM

عبيها في ازايز ستلا وموسي
وسيبها علي الارض
ومتخافش
يومين وتعالي شيل جثث البلطجيه
واهو تبقي خلصت من زبالتين في بق واحد
:)

**Egyzizo** · 02-03-2011 02:47 AM

حلوة فكرتك يا ميكى .. ده كده هيعملوا دماغ جهنمممممممم .. ههه

للأسف لابد علشان النفايات تخش أى محرقة ان يكون فيه تعاقد معاها وإلا ترفض دخولها .. بالإضافة إلى أن المحرقة التانية فى محافظة تانية ..

مع إنى كنت ناوى أتغير بعد 25 يناير ، بس هأفوت المرة دى وهاضطر أدفع رشوة فى محرقة تانية علشان يفوتوا التهمة اللى فى شنطة العربية ويتعاموا عن موضوع العقد ..

وربنا يسهل ويصلحوا المحرقة بتاعتنا وإلا هتبقى كارثة لأن مش أنا بس اللى رجعونى ، فتخيلوا لو الوضع استمر أسبوعين تلاتة هيحصل ايه ..
أكيد أكيد فيه ضعاف نفوس هيتخلصوا منها فى صناديق القمامة العادية وهيقولوا عملنا اللى علينا وهم اللى مش راضيين يعدموها، وده للأسف خطر جداً.

**aly_hosny** · 02-03-2011 02:58 AM

المشاركة الأصلية كتبت بواسطة egyzizo

حلوة فكرتك يا ميكى .. ده كده هيعملوا دماغ جهنمممممممم .. ههه

للأسف لابد علشان النفايات تخش أى محرقة ان يكون فيه تعاقد معاها وإلا ترفض دخولها .. بالإضافة إلى أن المحرقة التانية فى محافظة تانية ..

مع إنى كنت ناوى أتغير بعد 25 يناير ، بس هأفوت المرة دى وهاضطر أدفع رشوة فى محرقة تانية علشان يفوتوا التهمة اللى فى شنطة العربية ويتعاموا عن موضوع العقد ..

وربنا يسهل ويصلحوا المحرقة بتاعتنا وإلا هتبقى كارثة لأن مش أنا بس اللى رجعونى ، فتخيلوا لو الوضع استمر أسبوعين تلاتة هيحصل ايه ..
أكيد أكيد فيه ضعاف نفوس هيتخلصوا منها فى صناديق القمامة العادية وهيقولوا عملنا اللى علينا وهم اللى مش راضيين يعدموها، وده للأسف خطر جداً.

رشوة لو انت بتعمل حاجة غلط
او عايز حاجة مش حقك
انما انت مفيش في ايدك اي حاجة
وبتعمل كدا عشان تفيد الناس مش تضرهم

**فتح الباب** · 02-03-2011 03:09 AM

وبما انك طرحت الموضوع عام فأسمحلى والساده الزملاء نفكر سويا كى نتخلص من هذه المواد كل مننا بفكره علنا نصل لرأى سليم .
اما عن المواد فهى لو سر مهنه مثلا فنحن نحترم هذا اما لو ليست سر فتفضل بتوضيح المواد عن ماذا تتمثل . شكرا

**Egyzizo** · 02-03-2011 03:44 AM

لأ يا افندم مش سر مهنة ولا حاجة ..
هى نفايات بيولوجية تحمل ميكروبات مسببة لأمراض خطيرة وغير خطيرة.

**أحمد كمال** · 02-03-2011 04:12 AM

المشاركة الأصلية كتبت بواسطة egyzizo

لأ يا افندم مش سر مهنة ولا حاجة ..
هى نفايات بيولوجية تحمل ميكروبات مسببة لأمراض خطيرة وغير خطيرة.

اعذرني عالتطفل

دي مخلفات معمل تحاليل؟

-

الموضوع: شى لا يصدقه عقل : البلطجية حرقوا (المحــرقة)

LinkBack

أدوات الموضوع

عرض

شى لا يصدقه عقل : البلطجية حرقوا (المحــرقة) - انشر الموضوع فى :

-

-

-

المواضيع المتشابهه

نعمل ايه مع البلطجية ؟؟؟

بالصور..2000 مصرى "غاضب" يتظاهرون أمام السفارة الجزائرية..و حرقوا العلم الجزائرى

شىء لا يصدقه عقل وربنا يسترها معانا

الكلمات الدلالية لهذا الموضوع

المفضلات

المفضلات

ضوابط المشاركة