طيب طالما قاعدين يقشروا بصل وسايبينها والعه
يبقي الحكومه تفتحلنا تراخيص السلاح بالفيش والتشبيه
وان اللي حيرخص ميكونش عليه اي احكام جنائيه
عرض للطباعة
طيب طالما قاعدين يقشروا بصل وسايبينها والعه
يبقي الحكومه تفتحلنا تراخيص السلاح بالفيش والتشبيه
وان اللي حيرخص ميكونش عليه اي احكام جنائيه
متفق معاك تماما
شفت الموضوع ده ومرضتش اعق عليه
ظابط ايه ده الى خاف من الركاب
يعنى الموضوع ده قبل 25 يناير كان بيحصل والركاب كانت بتنزل تتعارك مع الظابط كان الظابط بيمشى ويسيبهم
عارف لو الركاب دى سمعت ان الشرطه رجعت تانى والى يغلط بيتحاسب حتخاف تقول بم مع اى ظابط طول مهو بيتكلم على حق
لكن عشان هما عارفين ومتأكدين انهم لو مسكو الجزمه وضربو الظابط مش حيعمل حاجه
لازم القوانين ترجع تتنفز زى زمان والى ماشى عكسى يتحاسب والى ماسك سلاح يتحاسب والى يغلط يتحاسب
صدقنى بعد كام يوم الدنا حترجع زى زمان
امال ايه الحل حنفضل كده الشرطه خايفه والهمج والصيع طايحن فى الشوارع
طبعا مش حينفع يا محمد ده مش حل وانا عارف ان ده مش رأيك بس ده من غيظك وانت شايف الناس كل واحد ماسك سلاح دلوقتى والبقاء للاقوى
بس انا واحد من الناس لو الوضع استمر على كده كتير حشترى سلاح وادافع عن نفسى وعن اهل بيتى
انا مش حستنى لما اتضرب انا او واحد من اهل بيتى رصاصه ودمى يروح هدر
عارف جرائم الخطف والقتل زادت اد ايه الايام الى فاتت ولو رحت للجيش يقولك انا اعمل ايه دى مش شغلتى ولو رحت للشرطه يقولك اعملك ايه روح اتصرف واعمل الى انت عاوزه
البلطجية دول تربيتهم وخدمهم في ال dirty work
زي الانتخابات وخلافه من وسائل الضغط لتحقيق المصالح الدنيئة زي خالتي فرنسا مثلا
وبعد ماوقع جهاز الشرطة لانه كان واقف في الجانب الغلط -جانب الديكتاتور -ومستمريء الوضع وليس في جانب الحق زعلان ومقموص ان هيبته اتهزت واول المستفيدين البلطجية تربيتهم
فسايب البلطجية علشان عاوز يرجع بطريقته القديمة لسة مش واخد باله من التغيير
ربنا يهدي رجال الشرطة للحق ويؤدوا عملهم في خدمة الشعب والقضاء علي البلطجة
الحل هو :-
احنا عندنا ما لا يقل عن مليوم جندي امن مركزي والبركة في مبارك كان عاملهم ظهره لاكن طلعوا اول من هرب
نجيب المليون ده وكل مجموعه او فرقه تنزل محافظة ويكون رئيسها واحد من كبار الجيش لواء مثلا وكل مجموعه تندرج تحت منها مجموعه اخري تحت قيادة عقيد مثلا وهكذا ويتوزعوا على المدن وكذلك القرى في كل محافظة ليعم الامن ومنعول ابو الشرطة اللي لسه هما بيلعبوا لعبة العادلي الزباله ابن الت................يت
الى ان ينتخب رئيس وتشكل حكومة جديدة وتنزل تعليمات جديدة للشرطة واللي مش عاجبه يقعد في البيت .
وجهة نظر ،،،،،
النهارده بالصدفة حضرت مناقشة مع واحد عقيد مبجل من الشرطة ... واليكم مقتطقات من الأجوبة التى كان يرد بها علينا واستنتجوا الأسئلة كانت ايه:
- مين قال ان احنا انسحبنا من البلد وسبناها ... احنا موجودين على طول واللى هربوا بتوع الأمن المركزى فقط
- هو الجيش عمل لكم ايه وحمى ايه وحماكم من مين ؟؟؟؟
- الجيش كسب اللعبة وعمل عكس اللى احنا عملناه ... ولو كان الجيش مكاننا من الأول ... كنا احنا عملنا عكسهم .... أصل انتم مش فاهمين حاجة
- الجيش حمى التليفزيون ؟؟ هه ؟؟ دول بتوع التليفزيون حرامية ومع---- (كلمة قبيحة)
- مفيش حد مات أيام 25، 26، 27 - والخارجين عن القانون هم اللى قتلوا المتظاهرين
كان نفسى أعمل معاه زى بتوع المعادى
من رأييى انهم مفروض يتعمل لهم reformat لأنهم شكلهم معمول لهم غسيل مخ بميه وسخة
الكلام ده صح طبعا
وزود عليه ان 50% من السلاح والزخيره الى مع البلطجيه دلوقتى هيا الى ادهالهم من الاقسام عشان يطلقوهم على الشعب يوم 25 و28
الحل الجزرى من وجهه نظرى هو ان وزير الداخليه لازم يتغير ويجى واحد يشهد له بالاحترام والضمير وليس الكفأه فقط
مهو العادلى كان كفأه بس كان ظالم
لازم الوزير يتغير لان بقالنا شهر والموضوع بيزيد كل يوم عن التانى