ايوه بقي انا كنت فاكر نفسي الوحيد اللي بقول كده
يا رجل دا بعد اللي انا شايفه دا خايف لو اسرائيل دخلت الجيش يتعامل معاها بالحنيه دي تبقي مصيبه
عرض للطباعة
معاك حق جدا و الموضوع يقلق قوي بس فعلا لسة كنت بفكر الدنيا دي ترجع تاني ازاي؟
لسة حاصلة خناقة دلوقتي تحت الشركة عندي و كان فيه عسكري مرور ولا ظابط مكنتش واخد بالي قوي دور وشه و مشي لحد مالناس ما خلصت الخناقة رجع تاني مكانو
كلام حضرتك بيثبت اللي انا قلته
حضرتك بتقول الظابط صايع...هو حضرتك نعرفه ولا سمعت الناس بتقول كده؟
الظابط قتل واحد؟ حضرتك شفته بيقتل واحد بعنيك ولا برده سمعت و طلع الكلام غلط؟
الناس الي كانت ماشية في الشارع عملت زي حضرتك بالظبط...سمعت واحد بيهيص و يقول ظابط بلطجي موت سواق ميكروباص غلبان و بدون تفكير كانت علي وشك انها تقتل الظابط...و كلام حضرتك بيبرر اللي الناس عملته
انت لو اتضربت بالرصاص من ظابط عاوز الناس تسكت
مع ان اللي اعرفه ان الناس لو شافت شخص عادي (مش ظابط) بيقتل واحد في الشارع...التصرف الطبيعي ان الناس تمسكه و تسلمه للشرطة او للجيش...لكن يتنفذ فيه حكم اعدام في ساعتها و بالطريقة دي...يبقي احنا عايشين في غابة...افرض ان الظابط كان مات و طلع ان السواق اصابته بسيطة...دمه في رقبة من؟ ولا ده عشان ظابط يبقي كلب و راح...في داهية؟....اللي يخوف مش الحادثة في حد ذاتها...اللي يخوف انك تلاقي ناس متعلمة مثقفة بتبرر اللي حصل و بتعتبره رد فعل عادي
رد حضرتك و موافقتك الضمنية علي ما حدث هو اللي مخوفني من الايام الجاية و الكلام اللي حضرتك قلته بيمثل رأي ناس كتير جدا
------------------------
علي فكرة الظابط ده ممكن يكون ابن ستين في سبعين و ممكن يكون ظابط عادي...انا لا يعنيني في شئ سلوكة انا اللي يعنيني رد فعل الناس و لاحظوا ان الظابط ده في الوقت ده كان في اجازة مرضي عشان كتفه مخلوع و كان راكب معاه اخوه 12 سنة...هل في حد معاه اخوه الصغير و كتفه مخلوع هاينزل يضرب سواق ميكروباص بالنار في راسه كده من غير سبب؟!
كويس قوي الكلام الي حضرتك شفته بعينك ده...يا ريت تنشره في كل حته عشان في ناس كتير مش فاهمة اللي حصل و فاكرة ان الظباط قاعدين في بيوتهم باوامر من قيادتهم عشان احنا نحس باهميتهم
قول لكل الناس اللي بتبرر اللي حصل في المعادي ان في ظباط اتقتلوا عشان رفضوا يسيبوا اماكنهم و الي سابوا امكانهم كانوا هايتقتلوا برده لو ما كانوش هربوا...بس خلي بالك عشان ممكن ناس تتهمك انك من اعداء الثورة او انك ظابط او اقربائك ظباط
من البداية علشان محدش يقول دفاع عن الظابط المتهم
الاتي دعوة لعدم التسرع في اصدار الاحكام
شوف كدة الشهود قالوا ايه امام النيابة:
واصلت نيابة البساتين الاثنين تحقيقاتها في واقعة ضابط الشرطة صلاح أشرف السجيني المتهم بالشروع في قتل سائق ميكروباص بعد إطلاق النار عليه في ميدان الجزائر بالمعادي، واستمع محمد عبد المنعم رئيس النيابة الى أقوال 3 شهود عيان، جاءت شهادة أحدهما أن السائق المصاب استفز الضابط المتهم وحاول تجاوزه بالسيارة التي يقودها، وقام بسبه وتهديده بمطواه بحسب أقواله في التحقيقات.
وقال الشاهد الثاني إنه سمع صوت إطلاق النار، وعندما أسرع لروية ما حدث، وجد عدد من المواطنين يعتدون على الضابط، وشاهد السائق غارقا في دمائه، فشارك في نقله إلى مستشفى اليوم الواحد لاسعافه.
ونفى الشاهد الثالث رواية الشاهد الأول، وقال إن السائق لم يرتكب أي فعل من شأنه استفزاز الضابط، لكن الضابط قام بسبه، وعندما قال له السائق لا تسبني بأمي، أطلق الضابط رصاصة من مسدسه، وأصاب السائق، مما أثار غضب المواطنين الذين أمسكوا به وانهالوا عليه بالضرب.. أجرى التحقيقات صلاح جلال مدير النيابة وعمر عبد الرحمن وكيل النيابة.
http://www.almasryalyoum.com/news/%D...A7%D8%A6%D9%82
شاهد بيؤكد شهادة الضابط وشاهد بيؤكد شهادة السائق وشاهد مشافش حاجة
انت مش موجود اصلا وقلت على الظابط صايع ويستاهل القتل
نهدا شوية ولا نتسرع في اصدار الاحكام لمصلحة اي طرف
في حالة انفلات أمني بنسبة كبيرة جدا و على مستوى واسع
و مش عارف أمتى هتنتهي و الحياة تعود للأول
ربنا يستر
والله معاك حق
وشهاده الظابط الى قالها فى التلفزيون انه السائق استفزه وضرب عليه نار وقال ايه يا عينى بعد مضربه بالنار كان عاوز ينقذه
كتر الف خيره بصراحه
وهو لو كل واحد استفذ ظابط حيموته ؟؟؟؟؟؟؟؟؟؟
ازاى يا دكتور ده انهى قانون
وايوه انا قولت على الظابط صايع ومازلت عند رأى
وده مينفيش ان السواق غلط بس حتته الشاب ده الى ماسك سلاح وبيتقال عليه ظابط يمشى يموت كل واحد يستفزه ؟؟
وعلى فكره الحركه دى خلت البلطجيه شوكتهم تقوى اكتر لان الظابط ده شوه صوره الظباط ادام الناس اكتر