حتبقى مجزره :00020140:
عرض للطباعة
شنوري بيتكلم صح أكيد
ماهو طالما الجيش مش هيحمي الأشخاص..والشرطة مش موجودة
يبقا لو مش معانا سلاح لحماية نفسنا أو لحماية أهلنا
يبقا المطلوب مننا بقا إننا نمــــــــــوت في صمت
ياأبو نور
الموضوع لسه صعب جدااا .. الأرياف عندنا الوضع فيها مخيف لدرجة كبيرة
تجارة المخدرات والأسلحة عندنا بقت عيني عينك
والصيع كتيرررر
طيب أحمي نفسي إزاي..طالما رجال الشرطة البواسل مش موجودين؟؟؟
=================================
وبالنسبة للحل
أنا شايف -زي مالشباب قالت- الي مش عاوز ينزل من الظباط..يبقا يغووور في داهية
ويتفتح باب تطوع..وتدريب لمدة 6 شهور ويتم تخريج دفعة إستثنائية من الظباط
أو
يتم إنتداب ظباط من الحربية ... للشرطة الفترة الي جاية دي
انا شايف ان الفراغ الامني ده مقصود يا جماعة
وليه اكتر من هدف اولها بيربوا الناس عشان يقولو حقي برقبتي زي المعتوه مدير امن دمهنور اللي بيقولهم الناس بتعيط وهو منشكح اوي
انا مش فاهم فين الاعداد الرهيبة بتاعة الشرطة يعنى هما يقفوا جنود بواسل قدام المظاهرات
ويبقو قطط قدام البلطجية ويقولو ملناش دعوة
والله انا بستغرب لما ناس بدافع عنهم وتقول لازم نساعدهم عشان يرجعوا نساعد ايه وزفت ايه
دول لو عايزين يرجعو هيرجعو لاكن محدش عارف ايه في دماغ الناس الوسخة دى وكل من جمعة حوار مع حد من الشرطة بعد الثورة هيفهم ان معظمهم لسة ناس وسخة مش هتتغير
وناس هتقول طب والحل
والله انا شفت راي هنا وعجبني ان يتم الابقاء على الناس المحترمة فقط في هذا الجهاز
ويتم طلب دفعات من خريجي الحقوق بشروط معينة ويتم التحاقهم يباكديمية الشرطة لمدة 6 شهور فقط
وبكدة اي حد في الجهاز هيقول مش نازل يبقى يروح يقعد جمب امه وهنلاقي ناس تانية بفكر جديد ومخ نضيف
هما فعلا زى مقولتوا مش فالحين غير فى العجرفة وتفييم العربيات
بالزمة دول ينفعوا يبقوا رجالة وكمان ظباط
لنا الله
الحل الوحيد ان الجيش يبطل مياعة و مسخرة و طبطبة و يعلن الأحكام العرفية و يشد البلد شدة محترمة لحد ما يلموا ال 11,000 سجين الهاربانيين و الأمن يرجع للشارع تانى و أى حد ينزل بعض الساعة 12 يتاخد علطول محاكمة عسكرية و يشوفوا الناس دى بتنيل أية
بدل حظر التجول المايع اللى ملوش أى معنى و الناس كلها مالية الشوارع عادى
و كمان الجيش يمنع منعا باتا لأى مظاهرات فئوية بالقوة
و ده الحل الوحيد اللى هيرجع سيادة القانون و بعدين لما يبقوا يتنيلوا يعملوا أنتخابات رئاسية و شعب و شورى و الأمن يستتب الناس تبقى تنزل بقى تتظاهر و تعمل أعتصامات و يتفسحوا فى التحرير براحتهم
و الله ما لاقى حاجة اقولها
بس شكلنا حانرجع اللجان الشعبية تانى 24 ساعة و اللى يتمسك يتقتل ضرب و نخلص
انا مــــش عــــارف ليــــه لا يتـــــم
تسليـــــح واحـــــد من كل شــارع
مشهود له باداء الخدمة العسكرية
وحســـــن السيـــــر والســــــــلوك
لدعم الجبهة الشعبية لكل منطقة
والقيــــام بالســـلاح الرادع فى حالات الطـــوارئ
علشان الشرطة اللى بتدلع بعد ما لبسوا الطرح
مهو لو الوضع استمر كده يبقى مفيش حل غير حنشيل سلاح غصب عنهم مهو البلطجيه والصيع شايلين مسدسات ميرى وماشين بيها فى الشارع ومحدش بيكلمهم
لكن موضوع يفتحو الترخيص ده انسى استحاله يعملو كده يبقو بيقولو للشعب خلصو على بعض وخلصو على البطجيه
وهما مش عاوزين كده هما عاوزين البلطجيه هما الى يخلصو علينا
يعنى الى يخليهم يفتحو الترخيص يرفدو الظباط الى بيقولو انهم خايفين ينزو
والى خايف يروح
[color="rgb(255, 140, 0)"]لازم حل مش حينفع نقف نتفرج
انا شايف الحل الجزرى تغير وزير الداخليه لان نيته بانت
وطالما هو مش عارف يحكم البلد يسيبها
وساعتها لما يجى وزير جديد محترم حيعمل الى انت بتقول عليه وحيرفد العناصر البايظه دى كلها ويعمل من الباقى رجاله بصحيح
بس انا شايف الجيش ابتدى يحط ايده فى الميه البارده من موضوع الامن الداخلى ده وده الى شجع البلطجيه على الى بيعملوه
هو الجيش عمال يطلع فى تصريحات ومفيش قرار واحد اخده فى موضوع الامن الداخلى للبلد
اظن هو شغله الامن الخارجى ولكن لازم يحط حد للامن الداخلى او يغير الوزير
[/color]