مرور مدينة نصر (القاهرة الجديدة) و تجربة رائعة

**محمد عز** · 22-04-2008 02:02 PM

ما شاء الله ، والله فرحتينى

**nobody** · 22-04-2008 02:11 PM

المشاركة الأصلية كتبت بواسطة modux

يا جماعة انا ساكن في عمارات اعبور علي صلاح سالم انا ابقي تبع مرور اللي في مساكن شيراتون ولا تبع مرور مدينة نصر اللي بتحكو عليه ده ؟

انا ساكن برضه في عمارات العبور وطلعتها من مرور مدينة نصر

**amrhussein123** · 22-05-2008 12:25 PM

علي فكره يا جماعه ده نفس الي حصل معايا باظبط

والجميل كمان ان الظابط الي واقف هزر معايا

كان قدامي بنت بعربيه مرسيدي وانا معايا الكتكوته ال ١٢٧

البنت عرفت تعدي زي الفل ـ ما شاء الله ـ قام الظابط قالي الي قدامك عدت ومعاها مرسيدس ورينا انت بقي هتعمل ايه بالزلموكه بتاعتك

قلتله عهدي ان شاء الله قام ضحك ـ تخيلوا ـ لا ومش كده وبس راح بص في ورقي وقالي امشي يا بتوع تجاره يا فشله

انا بصراحة استغربت وقلتله عرفت منين

قام ضحك تاني ـ تخيلوا ـ وقالي ورقك قدامي
يلا بقي عدي

طبعا اختبار تافه والحمد لله

عديته زي الفل

بس عشان الحق برضه كان ف شاي والحورات ديه بس ربنا يعلم اني مدفعتش حاجه

كمان اللطيف اني مدخلتش امتحان الكمبيوتر

واستلمت رخصتي بالهنا والشفا

بس حصل هناك موقف بايخ شويه اني وانا داخل الاختبار واحده ست معاها تيوتا خبتطني

ولاقيتها بتستلم الرخصه معايا

ربنا يستر

**elpasha009** · 22-05-2008 05:04 PM

أنا لسه جاي من هناك إمبارح.البواب بتاع العمارة عندنا كان عاوز يطلع رخصة وقالي علشان أروح معاه بالعربية علشان يسوق عليها.تخيلوا يا جماعة والله العظيم وصلت الساعة 10 مشيت 11 والرخصة معانا والله العظيم قمة الإنظباط وفاضي جداااااااااااااااا والناس هناك شغالة زي الفل ومحترمين جداااااااا ولابسين يونيفورم موحد:)

**AhmedGen2** · 22-05-2008 05:10 PM

ايوة يا جماعة انا برضه عملت الرخصة هناك فى أقل من ساعة والامتحان كان تافه بالظبط زى ما صاحب الموضوع بيقول لدرجة إنى كنت عمال ادور او متربص لأى حد عاوز شاى او بتاع بس محدش طلب حاجة قلت ازاى مينفعش وانا خارج لاقيت عسكرى اديته 20 جنيه كدة فى الخباثة ^^

**islamnabil** · 23-05-2008 12:48 AM

المشاركة الأصلية كتبت بواسطة IslamGen2

ايوة يا جماعة انا برضه عملت الرخصة هناك فى أقل من ساعة والامتحان كان تافه بالظبط زى ما صاحب الموضوع بيقول لدرجة إنى كنت عمال ادور او متربص لأى حد عاوز شاى او بتاع بس محدش طلب حاجة قلت ازاى مينفعش وانا خارج لاقيت عسكرى اديته 20 جنيه كدة فى الخباثة ^^

يا سبحان الله
بعني لما نلاقي حاجة كويسة نبوظها ونعود العساكر على الرشوة :arghh:

ربنا يهدي الجميع

**اوان الورد** · 23-05-2008 01:53 AM

المشاركة الأصلية كتبت بواسطة haima

حد يقرصه ياجماعة علشان يصحى

بجد مقدرتش امسك نفسي من الضحك .. بس بجد يا جماعة المرور ده جامد فعلا ماشاء الله لاقوة الا بالله أحسن نحسدهم

ولا حاجة ... وانا طلعت منه رخصتي وفعلا الخدمة هناك اقل ما توصف به انها هاااااااااااايلة .. ربنا يزيد ويبارك قولوا ماشاء الله

**ASD peugeot** · 23-05-2008 03:10 AM

طبعا انتم عارفين اني من القليوبيه يعني انصح اي حد يبعد عن اوحش مرور و اعفن مرور في مصر المعامله سيئه للغايه تأخير وخلاص لازم تدفع فلوس ولازم واسطه وشغلانه عشان تطلع رخصه خاصه لو مهنيه عايز ليك 1000 جنيه بحالهم
الحمد لله العبد لله دفع كلهم 65 جنيه بس و امتحنت اشارات واختبار سواقه معقد بس انجحت برده بالعند فيهم وكان انجاز اتحقق علي ارض الواقع المطين بطين وهما كانوا 5 جنيه بس للراجل اللي اديني الرخصه بس وقلت عادي لاني كنت مبسوط من الفرحه

**AhmedGen2** · 23-05-2008 03:14 AM

المشاركة الأصلية كتبت بواسطة islamnabil

يا سبحان الله
بعني لما نلاقي حاجة كويسة نبوظها ونعود العساكر على الرشوة :arghh:

ربنا يهدي الجميع

على فكرة دة كان واحد من العساكر الغلابة مش ظابط ولا حاجة ..

**islamnabil** · 25-05-2008 02:32 PM

المشاركة الأصلية كتبت بواسطة IslamGen2

على فكرة دة كان واحد من العساكر الغلابة مش ظابط ولا حاجة ..

طالما انت ماكانش في نيتك الرشوة يبقى تمام

الموضوع: مرور مدينة نصر (القاهرة الجديدة) و تجربة رائعة

LinkBack

أدوات الموضوع

عرض

-

-

-

-

-

المواضيع المتشابهه

عايز اروح مواصلات من مرور مدينة نصر الى مرور 6اكنوبر

توقف الحركة بشرق القاهرة-استغاثة لمدير مرور القاهرة

تجربة رائعة مع عز العرب

جهاز مدينة القاهرة الجديدة

زيارة لوحدة مرور القاهرة الجديدة.

الكلمات الدلالية لهذا الموضوع

المفضلات

المفضلات

ضوابط المشاركة