الموضوع: البرادعي يقود ائتلافا للفوز بالأغلبية البرلمانية وحماية مكتسبات الثورة

المشاركة الأصلية كتبت بواسطة dr-mohamed

لن اناقش باقي رايك وان كان يستحق المناقشة لكن استوقفتني هذه الجملة
والسؤال هل تري انه لو اجريت انتخابات حرة نزيهة في مصر ستعبر عن الديمقراطية وبالتالي نحت نتثقف بثقافة الديمقراطية وبها اساسيات الديمقراطية ام لا ؟؟؟؟؟؟

ثقافة الديمقراطية:

احترام راي الاقلية وليس تسلط الاغلبية
احترام خصوصية الاقليات العرقية والدينية
الاستماع للرأي المخالف واحترامه
عدم التأثر بالعائلية والقبلية وتقديم الكفاءات
عدم التعصب للرأي او محاولة فرضه بالترهيب
احترام حقوق الانسان

اساسيات الديمقراطية:

الحكم بالدستور الذي يشارك الشعب في وضعه والاتفاق عليه
فصل السلطات واهمها
استقلال القضاء واحترام احكامه وسيادة القانون حتى على الحاكم (العدالة)
مجلس نيابي معبر عن الشعب يشرع ويراقب الحاكم ويحاسبه
اللامركزية الادارية
حرية التعبير وحرية الصحافة والاعلام
حرية تكوين الاحزاب
حرية النقابات العمالية والمهنية
نظام اقتصادي رأسمالي يراعي العدالة الاجتماعية
حرية التملك
شعب متعلم ومثقف
حرية ونزاهة الانتخابات والقبول بنتائجها (سيادة الشعب)
تجريم استخدام اي اغراءات مادية للتاثير على الناخبين
................................
هذه لمحات عن ثقافة واسس الديمقراطية في اي دولة عموما
وبما ان مصر عانت من حكم ديكتاتوري طوال عهودها الى ن قامت ثورة 25 يناير فان الاحتكام السريع والمباشر لصناديق الاقتراع قبل نشر ثقافة الديمقراطية وبناء اسسها سيعيدها للديكتاتورية على اسرع قطار
قد يكون الشعب المصري وخصوصا الشباب لديه الثقافة الديمقراطية لكن ينقص البلاد الاسس التي تشكلها مثل استقلال القضاء
ولهذا من المهم جدا والضروري
فتح النقاش السياسي في المنتديات والاعلام في بناء الديمقراطية الحقيقية وهذا يتم بطريق غير مباشر لو فتحنا النقاش في تكوين دستور جديد ومناقشة مواده وتكوين الاحزاب الجديدة واعطاء الفرصة لعرض برامجها على الشعب
نحتاج فترة انتقالية من سنة او سنتين
ولذلك ادعوك لمراجعة فكرة البرادعي واذكرك بقول الحق تبارك وتعالى ( ولايجرمنكم شنئان قوم على أن لاتعدلوا اعدلواهواقرب للتقوى)
البرادعي يستغرب من اصرار الجيش على الانتخابات بعد 5 شهور يرى ذلك خطر على الثورة لان الفترة الانتقالية يجب الا تقل عن سنة فهو يقول اذا اصر الجيش على موقفه فسنكون الفترة الانتقالية بمعرفتنا اي ائتلاف الثورة
والحل
ان يتكون ائتلاف الثورة بكل اطيافه السياسية المتضاربة والمختلفه ويجتمعوا معا ويخوضوا انتخابات رئاسية وبرلمانية ضد فلول الحزب الوطني
وبعد الحصول على الاغلبية يقوموا بتشكيل حكومة مؤقتة ودستور جديد وفترة انتقالية لعرض البرامج والقضاء على فلول الحزب الوطني بطريقة سلمية وبعد هذه الفترة الانتقالية والمرور منها بسلام تعاد الانتخابات مرة اخرى وعندها كل حزب يعمل لوحده ويفوز من يفوز وتستمرالحياه والهدف من كل هذا هو بناء الديمقراطية بطريقة صحيحة وليس حبا في كثرة الانتخابات

المشاركة الأصلية كتبت بواسطة skybird

بداية من اختراق جهاز الداخلية ومعرفة خطة تفريق المظاهرات وبناء خطة مضاده ترهق الشرطة
لو فاكرين يوميات المظاهرات ان اول يوم الشرطة فضلت واقفه من الصبح مستنية المظاهرات لغاية الساعة 3 عصرا لما انشقت الارض عن جموع وحشود من كل اتجاه مما اربك الداخلية وتكرر الامر في الايام اللاحقه لغاية ما استسلموا
حتى الشباب كان عندهم خطط بديلة في حال انقطاع النت او الاتصالات ونتذكر جمعة الغضب تم تنظيمها رغم عدم وجود نت او اتصالات

أللى أعرفه أن كل ده كان خبرات شباب تونس وقالوها لشباب مصر زى موضوع البيبسى وقنابل الغاز
مسمعتش أن حصل أختراق لجهاز الداخليه
بالمناسبه ده سؤال منى مش أستنكار لكلامك أو للمعلومه

المشاركة الأصلية كتبت بواسطة skybird

ثقافة الديمقراطية:

احترام راي الاقلية وليس تسلط الاغلبية
احترام خصوصية الاقليات العرقية والدينية
الاستماع للرأي المخالف واحترامه
عدم التأثر بالعائلية والقبلية وتقديم الكفاءات
عدم التعصب للرأي او محاولة فرضه بالترهيب
احترام حقوق الانسان

اساسيات الديمقراطية:

الحكم بالدستور الذي يشارك الشعب في وضعه والاتفاق عليه
فصل السلطات واهمها
استقلال القضاء واحترام احكامه وسيادة القانون حتى على الحاكم (العدالة)
مجلس نيابي معبر عن الشعب يشرع ويراقب الحاكم ويحاسبه
اللامركزية الادارية
حرية التعبير وحرية الصحافة والاعلام
حرية تكوين الاحزاب
حرية النقابات العمالية والمهنية
نظام اقتصادي رأسمالي يراعي العدالة الاجتماعية
حرية التملك
شعب متعلم ومثقف
حرية ونزاهة الانتخابات والقبول بنتائجها (سيادة الشعب)
تجريم استخدام اي اغراءات مادية للتاثير على الناخبين

وتفتكر بعد اللى قلته ( بعيد عن أساس الموضوع ) ينفع فى مصر نظام برلمانى
أنا كنت بحلم بالنظام ده بس أكتشفت مع نسبة الأميه وللأسف نسبة الجهل والوعى فى مصر يبقى معقوله مجلس الشعب هو الل يحكم البلد
أذا كنا فى المنتدى فئه مثقفه وواعيه بنعمل كده

أنا ليا طلب لو مش منطقى أرموه
ليه بنحاول نقنع بعض بفكر كل واحد فينا ( فى المنتدى ) ونعرف بعض السياسه والديمقراطيه ونختلف ونتشاحن ونخون بعض وسايبين البلد
طب نوجه الكلام ده للناس البسطاء اللى مش فاهمه واحد على ميه من اللى بنتكلم فيه
نوعى الناس بحقوقها وأن الفلوس مش هتنفعهم
نوجه طاقة الكلام ده لناس عايزاه بس مش عارفه أنها عايزاه

عمالين نجادل بعض ونقنع بعض وبقالنا شهر فى الموضوع ده
لا المقتنع غير رأيه ولا الغير مقتنع غير رأيه
طب تفتكروا فاضلنا قد أيه فى الموال ده
بجد أنا عن نفسى زهقت من الدخول فى الحوارات دى

أنا قلت رأئى فى المجلس الأعلى وأجراءاته وفضلت أتكلم فيه ولاحظت أن اللى بتكلم معاهم رافضين وجهة نظرى ( والعكس ) , فضلت أتكلم بمبدأ المناقشه وتوضيح وجهة النظر معاهم وبعد كده أكتشفت أنها مش فارقه ( لا منى ولا منهم ) كل واحد ( وأنا منهم ) مصر على رأيه , ماشى مش مشكله نتكلم فى نقطه تانيه , ألاقى الموضوع نفسه بيتفتح تانى بحوار تانى بس هو نفس المضمون
طب هنتكلم تانى ليه هو أحنا فاضيين قوى للدرجه دى , فيه مواضيع كتيره مهمه ممكن نتناقش فيها بس ليه لازم الأول واحد يقتنع بوجهة نظر التانى علشان نتكلم فى حاجه تانيه

الموضوعاللى أحنا في
مجموعه قالت البرادعى كويس ويمسك
مجموعه قالت لا مش كويس
طب خلاص الفيصل لصندوق الأقتراع
المجموعتين قالوا أيوه هو ده الفيصل بس برضه البرادعى كويس ( للأولى ) وبرضه البرادعى وحش ( للتانيه )

بس فعلا المثل اللى أخره أن النجيله عمرها ما بتخلص حقيقى ( ليا وليهم بمعنى الفكره وليس التشبيه )

المشاركة الأصلية كتبت بواسطة sharafconsult

عمالين نجادل بعض ونقنع بعض وبقالنا شهر فى الموضوع ده
لا المقتنع غير رأيه ولا الغير مقتنع غير رأيه
طب تفتكروا فاضلنا قد أيه فى الموال ده
بجد أنا عن نفسى زهقت من الدخول فى الحوارات دى

أنا قلت رأئى فى المجلس الأعلى وأجراءاته وفضلت أتكلم فيه ولاحظت أن اللى بتكلم معاهم رافضين وجهة نظرى ( والعكس ) , فضلت أتكلم بمبدأ المناقشه وتوضيح وجهة النظر معاهم وبعد كده أكتشفت أنها مش فارقه ( لا منى ولا منهم ) كل واحد ( وأنا منهم ) مصر على رأيه , ماشى مش مشكله نتكلم فى نقطه تانيه , ألاقى الموضوع نفسه بيتفتح تانى بحوار تانى بس هو نفس المضمون

بس فعلا المثل اللى أخره أن النجيله عمرها ما بتخلص حقيقى ( ليا وليهم بمعنى الفكره وليس التشبيه )

المشاركة الأصلية كتبت بواسطة skybird

السياسة متطورة ومن يتحجر في الراي يتخلف سياسيا
وفي عندنا مثل بيقول
ان الوحيد اللي ميغيرش رأيه هو اللي حضرتك تقصده بالجزء المحذوف من مثل النجيله الذي ذكرته في سطرك الاخير

شوف الفرق بين كلامى وكلامك

أنا قلت أنا متمسك برأيى وأنت متمسك برأيك مش مشكله نتناقش فى نقطه تانيه

وشوف أنت قلت أيه على اللى ميغيرش رأيه

والمثل اللى أنا قلته حضرتك قريت اللى بين قوسين ولا لأ

وأنت نسيت أن كل أعضاء المنتدى وأنت منهم متمسكين برأيهم

ولا أنت تقصد اللى مخالفين لرأيك