الموضوع: من يريد على الاقل اقالة حكومة شفيق و حل امن الدولة و استمرارالتظاهر لحين تحقق المطالب

المشاركة الأصلية كتبت بواسطة amado ibrahim

فيه حكم قضاء ادارى بايقاف بيع الغاز لاسرائيل

يعنى معنى كدا أن شفيق لا يحترم القضاء!!!!! يالهوى الناس عايزة تقعده ليه!!!!!

معاكم لحد ما حكومة الفساد ديه تمشى وبعدين انا شخصيا اتعودت على الكلام اللى بيتقال بتاع وقف حال البلد والبلطجيه والوقيعه بين الجيش والشعب وواحده النهارده تقولى عايزين تمشوا شفيق ليه ده راجل زى العسل وكلامه حلو !!!!!! بس الحمد لله شوفت ناس كتير مع نفس موقفى ولاحظت انهم نفس الناس اللى كانت مؤيده للثوره من الاول ونفس الناس اللى الحمد لله لم تبكى بعد سماع خطاب العواطف بتاع مبارك ونفس الناس ديه عايزه تكمل وتواصل المشوار وربنا يقدرنا ونواصل الاطاحه برموز الفساد وبعدين من غير زعل كده نبض الشارع هو ميدان التحرير يوم الجمعه هوه ده اللى حيحدد اذا كان الشعب راضى عن الحكومه ولا لأ واذا كانت مطالب الثوره لسا لم تتحقق ولا خلاص كده يعنى من الاخر ميدان التحرير هو كانه ميزان ورقيب للاحداث فياريت اللى شايف ان الثوره لسا لم تنتهى ينزل ويقول رأيه واللى شايف غير كده رأيه يحترم طبعا وربنا يقدم لمصر كل الخير

عصيان مدنى...دا فى ناس ممكن تدعيلك دعا
بس انا معاك برده و مع الثوار للأخر و لحد كل ما المطالب تتحقق

المشاركة الأصلية كتبت بواسطة SkyBird

حلو الوضوع ده
المكان هنا دافي
بالنسبة لطلب اقالة حكومة شفيق والتغيرات المطلوبة انا شايف ان احنا مفرطين في حقنا اوي
يعني ليه نطلب حكومة تكنوقراط ليه منطلبش بحكومة تمثل الثورة
ايه الطيبه اللي احنا فيها دي
الثوار من حقهم يحكموا البلد مش المجلس العسكري مع احترامي للجيش بس مش دي وظيفته
يعني بيان الشباب رقم 6 باعطاء مهلة للمجلس الرئاسي لغاية الجمعة الجاية علشان اقالة حكومة شفيق والا اعلان الاعتصام تقريبا كان لازم يبقى معاه الطلب التاني هو تكوين حكومة الثورة وهي اللي تدير الانتخابات
اي نعم حسيت من البيان اللي صدر بعد اجتماع شباب الثورة بالجيش النهاردة انه صحوه وتوصيل رسالة للجيش ان الثوار هما اللي حقهم يحكموا بعد ما الجيش حسسنا انه بيتفضل علينا و لا سائل فينا
بس اللهجة عالية والمطالب منخفضة
انا رايي لو حكومة شفيق فضلت بعد الجمعة ولم يتم تنفيذ طلب الشباب
المفروض نصعد الموقف والكل يتفق على حزمة المطالب كاملة
وهي
يفضل المجلس العسكري ومعاه حكومة ثورة تدير الانتخابات
او مجلس رئاسي مدني ومعاه عسكري وحكومة تكنوقراط
تشكيل هيئة تاسيسية لصياغة دستور جديد
فترة انتقالية لمدة سنة
انتخابات تشريعية ورئاسية

واذا لم يوافقوا فليكن العصيان المدني

المكان هنا فعلاً داااااااافي وتحس انه ملاذ آمن بعيد عن المشاحنات والمجادلات.

بس اسمحلي اختلف (من غير جدال :) ) في حكاية حكومة الثورة.

التاريخ بيقول ان في كتير من الثورات بتقلب بفاشية ودكتاتورية.
السبب بسيط ... قائد أو قيادات الثورة بتعتبر كل من يختلف في الرأي عدو للثورة وبعتبار انهم قادة الثورة وضحوا وتعبوا بيبقوا عندهم احساس بالأحقية في الحكم .. بل الاستئثار بالرأي كمان.

الثورة دي ميزتها انها ملهاش قادة بالمعنى التقليدي.
في شوية شباب نسق وعمل تعبئة للشباب على النت. وبعدين انضمت الجماهير وسكان مصر الشعبية للثورة.

الشباب دول عارفين دورهم كويس. هو حماية المطالب ومنع محاولة الالتفات عليها. لكن هما مش عايزين يحكموا ومش المفروض يحكموا. دور الثورة انها تنضف البلد من الفاسدين وتفسح المجال للشرفاء للمشاركة في الحكم.
الشرفاء دول ممكن يكونوا كانوا قاعدين في بيوتهم في عز الثورة، مش مشكلة.
الشرفاء دول ممكن يكونوا من الناس اللي عمرها ما نزلت التحرير بس موافقة تماما على مبادئ الثورة.
ومبادئ الثورة بسيطة ... ديمقراطية ومحاربة الفساد (بل اجتذاذه من جذوره)

ائتلاف شباب الثورة أنا معاه 100%. بالبساطة لأنه بيتكلم باسم كتير من الحركات السياسية اللي فعلا نادت بالمظاهرات ونسقتها وشاركة فيها من أول يوم على الفيس بوك. رغم اعتراضي على أي حد يستخدم اسم الثورة بس الائتلاف فعلا استثناء. وكمان دوره هو الضغط لتحقيق المطالب وبس. أول ما المطالب تتحقق حكون أول من يعترض عليهم في استخدام اسم الثورة أو المطالبة في المشاركة في الحكم.

‫ط§ط¦طھظ„ط§ظپ ط´ط¨ط§ط¨ ط§ظ„ط«ظˆط±ط© | Facebook‬
‫ط§ط¦طھظ„ط§ظپ ط´ط¨ط§ط¨ ط«ظˆط±ط© ط§ظ„ط؛ط¶ط¨ - ط«ظˆط±ط© ظ¢ظ¥ ظٹظ†ط§ظٹط± | Facebook‬

ياباشا انا فى ميدان التحرير كل جمعة للأسف مش بعرف انزا كل يوم