أنا متفق تماما معاك :b4_388:
والمجلس المدني ده بالانتخاب ولا التعيين ؟
لو تعيين مين هايعينه ؟
ولو انتخاب يبقي من باب اولي نعمل انتخابات رئاسية وبرلمانية ونخلص
ولا هي قصة انتخابات ؟
ولا علشان الاخوان والحزب الوطني ممكن يكسبوا لو تمت اللانتخابات دلوقت؟
وايه يضمنا ان لو تم المجلس المدني ده بالانتخابان المجموعة اللى خسرت فيه وعددهم بردو هايبقي بالالاف مينزلوش التحرير هما كمان ويقولوا مش موافقين ونلف الفة من تاني
بغض النظر عن الخبر المنقول و صحة ما بة من عدمة مش هو دة الاساس . الفكرة أن الى فى التحرير مجموعات كثيرة جدا جدا و كل واحد بيقول حاجة يعنى الناس بتوع الشباب بيقولو محصلشى ماشى هو الميدان كلة جهة واحدة الميدان عبارة عن حديقة عامة و الكل بينزل و مفيش توحد و سقف المطالب لن ينتهى و كل مجموعة حا تقول دى مطالبنا بس و المجموعة الاخرى مش مكتفية و عاوزة مطالب اخرى . الميدان بقى ساحة عامة و الدنيا هيصة و مولد و مفيش أى مؤشر يقدر يقول مين مع مين و مين ضد مين . و الايام حا تثبت الكلام دة
يا استاذى يا صاحب الموضوع بلاش العنواين التى تحاول اثارة الاخوة الاعضاء
و ارجو من الاخوة مناقشة الطلبات المذكورة بعقلانية و موضوعية و اظهار ايجابياتها و سلبياتها دون التهكم هكذا تكون الديموقراطية و هى ان تطرح وجهة نظرك و كذلك الاخر و تبقى قوة الحجة هى الفيصل
هو حضرتك مش متابع ما يحدث فى ليبيا المجاورة لما القذافى حب يستخدم الجيش لقمع الثورة عنده فماذا حدث؟ مزيدا من القتلى و مزيدا من الاصرار على الثورة و انقسام فى الجيش
اذن لا يستطيع اى جيش ان يقمع ثورة بلاده من الممكن ان يؤخرها و لكنه لن يجهضها و لا تنسى ان افراد الجيش هما من الشعب اخ و اب و ابن و قريب و لولا قوة موقف الثوار لكان الجيش انضم من الاول الى مبارك و لكن الجيش وقف على الحياد فى انتظار محاولات كل من الطرفين فى فرض كلمته على الاخر
و معذرة اسلوبك فى التهكم على الشهداء غير مقبول و اذا كان النظام السابق بكل مفاسده و ظلمه عاجب حضرتك فهذا شأنك و لكن التريقة بالانضمام الى الشهداء عيب لان الانضمام الى الشهداء شرف لا يضاهيه اى شرف فى هذا الكون
و بمناسبة الشهداء اكبر سبب الان لرفضى حكومة شفيق هو كذبه فى تقديم المسئولين عن دماء الشهداء الى المحاكمة و الى الان لم يقدم احد الى حتى النيابة رغم مرور مدة غير قليلة
اقسم بالله هذا اكثر ما يحزننى ان يقتل اخ او صاحب او ابن او اب او قريب و تذهب دماءه الطاهرة دون عقاب و اذا كانت ارادة الناس حتى عودة النظام القديم نفسه فانا احترم رغبتهم بس لابد اولا من محاسبة من قتل هؤلاء الابرياء بغير ذنب فحتى حبيب العادلى قدم الى المحاكمة بتهم مالية و لم يحاسب على مائات القتلى و الاف الجرحى فهؤلاء من سياخذ بقصاصهم و من من .
حسبى الله و نعم الوكيل
مش مهم الاقتصاد يولع واخر التطورات شركات الشحن في قناة السويسارسلت لكل المواني انهم في اضراب وممتنعين عن العمل الي اجل غير مسمي ومفيشبضاعة بتتصدر ولا تستورد لغاية ما تتنفذ طلباتهم اللى مش عارف ايه هي
كل واحد بيعمل اللى عايزه واللى يحقق مصلحته وتتخرب البلد مش مهم
عايزين نلم بلدنا ونطلع بيها بدل ما تتهد علي دماغنا كلنا
انا طلبت من الادارو تغير العنوان مش عشان العنوان غلط بس عشان الناس ما تتشغلش في نقد العنوان و تسيب الخبر
مجموعة مجهولة بس لو قرأت البيان هتلاقي انهم مقتنعين انهم بيمثلوا الثورة
و مع احترامي لحضرتك ..دلوقتي في ناس (انا مش منهم) عايزة تواصل الاعتصام و المظاهرات لحد ما شفيق و حكومته ترحل...طب لو هم لهم الحق في كده يبقي برده لو طلعت مجموعة تانية تعتصم و تطالب بالمطالب اللي في البيان رقم واحد يبقي المفروض ما نعارضش برده...مش كده؟
حصلت عندي في المستشفي و المدير اتغير عشان التمريض عمل مظاهرة ضده
ان شاء الله يجي يوم احكي لولادي ان اشتركت في الثورة بس رفضت اشترك في تخريب البلد
وبعد شوية نلاقى واحد بيقول على الفيديو
دول مش شباب الثورة ولا شافوا المظاهرات
دول عملا لشفيق
والحكومة
وواكلين
من كنتاكى
ومن جاد
ومن عربية الكبدة بتاعة عم عبدة
انا عايز اشتم بصراحة
اقرا حضرتك الاخبار كويس وزير الداخلية السابق يحقق معه الان وتم حبسه 15 يوم على ذمة هذه القضية
http://www.almasryalyoum.com/news/%D...86%D9%89%C2%BB
العملية عبارة عن شوية فوضى فى فوضى طيب ما بكرة الناس تنزل التحرير و الى مش عاجبة القرارات الجديدة يعتصم هناك و الى مش عاجبة اى حاجة يعتصم نفسى الناس تصحى شوية للى بيحصل دى بقت هيصة و زمبليطة. دة بقى مولد فعلا