ياريت صاحب الموضوع يتقى الله فى كلامه ويختار عنوان مناسب للموضوع
وياريت الاداره تغير العنوان
ياريت صاحب الموضوع يتقى الله فى كلامه ويختار عنوان مناسب للموضوع
وياريت الاداره تغير العنوان
مش ميال لفكرة الغاء المجلس العسكري و استبداله بمجلس رئاسي في الوقت الحالي
صحيح المجلس بطئ في اتخاذ بعض القرارات المحسومة اصلا لكن لم يظهر منهم ما يبرر الانقلاب التام عليهم
+ المجلس قال ان حيسلم السلطة لقيادة مدنية خلال 6 شهور و لم تنقض ال 6 شهور حتي ننقلب عليه
+ منهم ال 4 اشخاص المدنين طب ازاي نتفق عليهم و نختارهم .. كده حنفتح ابواب الاختلاف و التحزبات و المصالح و ده مش في المصلحة
اري اعطاء الفرصة للمجلس العسكري لان الزي العسكري مش اهانة للديموقراطية لكنه شرف و حماية لها
ام باقي المطالب الخاصة باقالة رؤوس و قيادات اجنحة النظام المختلفة في كل مكان فهي منطقية و شرعية و يجب التاكيد علي انه خروج مشرف بكامل الحقوق كموظف
و مثلا لو كان رئيس جامعة و محترم فالثورة بتقول له مشتكرين جدا و نبدء صفحة جديدة بقيادة جديدة و طالما الراجل محترم يبقي يرجع سلك التدريس و يتخلي فقط عن منصبه الاداري و بالتاكيد طالما محترم ستطلبه الكثير من الجامعات الخاصة مثلا و هكذا في باقي المجالات
اما لو ثبت انه شخص فاسد فالاجهزة الرقابية موجودة تحاسب و تبحث في الشكوي و القضايا و البلاغات
المطالبه مجلس رئاسى مش معناه اسقاط للمجلس العسكرى هما عايزين ان المجلس العسكرى بعد 6 شهور يسلم السلطه لمجلس رئاسى
طيب ما انا ممكن اكتب ورقه زيها واقول شباب التحرير بيطالبوا باقاله المشير طنطاوى والغاء القوات المسلحه وضم شهر فبراير وشهر مارس والغاء شهر اكتوبر واوقع بين الجيش والشعب
وبعدين مفيش حد عاقل بكتب على مطالب انها مطالب مجمع عليها الثوار
كل واحد كان بيتكلم كان بيقول انا بتكم عن نفسى مش مفوض من ميدان التحرير
وفعلا فيه شباب كتير بيقولوا بحل المجلس العسكرى بس بيبقى اقتراح ومعلش مينفعش نقول اصلها هتتحول بعد شويه لمطالب ...
انا مش عارف ايه وجه الاستغراب
كل الثورات اللي في الدنيا بتعمل كده والا انتو فاكرين ان كلمة ثورة ده لقب اعلامي
الثورة ان لم تغير كل شئ فاسد له علاقة بالنظام القديم وتتسلم الحكم فليست ثورة
طلب مجلس رئاسي مدني معناه طلب استلام الحكم ووجود عسكري حتى يطمئن الجيش على مكتسباته
دستور جديد وحكومة جديدة امران ضروريان
اما عزل ؤساء تحرير الصحف القومية و حل الحزب الوطني وتغيير المحافظين وحل الحليات فده بديهي جداً
واللي يقول دي مش مطالب الشعب يبقى مش متابع
الشعب يريد اسقاط النظام والنظام يعني مش حسني مبارك لا النظام يعني المنظومة كلها اللي وارده في البيان
جرى لكم ايه يا شباب نايل موتورز انتو لحقتو تنسو مطالب الشعب
امال يعني ايه ثورة وتغيييييييييييييييير
اولا : بعد اذنك يا دكتور محمد السؤال ميكونش كده لان ببساطة ان الجيش عندنا كان ازكى و كان يعلم ان الوضع سيتفاقم اذا تدخل ضد الشعب لذلك هو لزم الحياد و لا ايه تفسير حضرتك لموقف الجيش فى بدايات الثورة
(( الثثوار كانوا بالملايين في الشوارع اما من تتكلم عنهم حضرتك فظهرت شعبيتهم حين دعوا لمليونية الثلاثاء الماضي من اجل اسقاط حكومة شفيق ولم يتشرك سوي الفين فقط ))
ثانيا : ما ينفعش يا دكتور برضه حضرتك تاخد سطر و تسيب سطر و لماذا لم تذكر تجمعات الجمعة اللى قبل الثلاثاء و اللى بعده ثم الملايين اللى حضرتك ذكرتها مش صحيحة حضرتك تعلم ان ليبيا كل سكانها 5 مليون يتركز منهم ما يزيد على المليون فى طرابس و التى يحكم القذافى قبضته عليها الى الان
ثم سؤال قبل ما تنزل الاعداد الكبيرة الم تكن بداية الثورة فقط فى بنى غازى و كانت الاعداد قليلة جدا و لكن بسبب صمودهم بدء انكسار حاجز الخوف عند غيرهم و بدات المتواليات حتى اصبحت فى معظم ليبيا و صدقنى يا دكتور هذه الثورة ناجحة باذن الله لان الثمن غالى و بالتالى المكاسب يتكون عالية و ان احيانا الله انا و حضرتك هنشوف ليبيا بعد تلات الى خمس سنوات كيف ستكون افضل من الخليج مع حكم ديموقراطى عصرى
(( لا يقبل احد التهكم على الشهداء الحقيقييين للثورة المصرية ولم يتهكم عليهم احد فلا تحمل مشاركة الاخ اكثر مما تحتمل وبلاش تبقي حكاية دم الشهداء المبرر لايقاع شهداء جدد كمن قال نفعل كالثورة الفرنسية ونستمر 8 سنوات نقاتل ومن قال وايه المشكلة لما نبقي زي ليبيا ))
يا استاذى مشاركة الاستاذ واضحة وهو لولا الجيش كنا انضمينا الافات الى شهداء الثورة و بالتالى الموضوع لا يحتاج ان حضرتك تدافع عن ما قال
وبخصوص الثورة الفرنسية هاسال حضرتك سؤال و منتظر الاجابة هل حضرتك تعتقد ان اتباع النظام القديم ستستسلم بسهولة للاوضاع الجديدة دون اى جهد و تترك انفسها و اموالها الى الضياع
هل حضرتك رايت اى ثورة سواء فرنسية او بلشفية او الثورة الاسلامية فى ايران او ثورة يوليو فى مصر و قد قامت الثورة و شالت راس الهرم و تركت باقى الهرم يعمل و قالوا كفاية و يالا نروح
اما مطالب الثوار من البداية فكانت واضحة من قبل تنحى مبارك و بعد تنحيه و كان من ضمنها المجلس الرائاسى و ليس كما يدعى البعض ان سقف الطلبات يرتفع
و السبب فى احساس الناس ان الطلبات بتزيد ببساطة ان الجيش يتعامل مع هذه الطلبات بسياسة الخطوة خطوة بمعنى انفذ طلب و انتظر رد الفعل فاذا استمر الاحتجاج انفذ كمان طلب وهاسأل حضرتك سؤالين فى منهى الاهمية و انتطر من حصرتك الاجابة
* لماذا يتم تعديل الدستور مع ان اللجنة المشكلة تستطيع عمل دستور جديد و بالتالى نختصر الوقت و المجهود بدلا من اعادة تعديل الدستور بعد انتخاب رئيس جديد بنفس الصلاحيات القديمة و بعدين اطلب منه ان يتنازل بمحض ارادته عن كثير من صلاحياته الى البرلمان
* المجلس العسكرى اعلن ان حكومة شفيق لن تجرى الانتخابات القادمة اذن فانا لا افهم لماذا لم يتم تغيير حكومة شفيق بحكومة جديدة تكمل الى الانتخابات القادمة و ايه الحكمة من تغيير حوالى 5 حكومات فى ظرف 6 شهور خاصة ان يوجد بعض الكلام الان عن تغيير وزراء الخارجية و الداخلية و العدل و البترول و الخبر ايضا من اليوم السابع التى اتى صاحب الموضوع بخبره منها اذن لماذا التغيير المستمر فى الوزراء و الابقاء على شفيق و بعدين يتم تغييره لو حضرتك فاهمها فهمهالى
اما بخصوص كلام حضرتك بخصوص التحقيق مع السيد وزير الداخلية السابق و سجنه 15 يوم و الله قرار مضحك ازاى اسجن و احد مسجون بيفكرنى بقرار النائب العام بمنع بعض الوزراء و كذلك عائلة الرئيس السابق و هما اصلا خارج مصر على حسب اقاويل الكثير من الناس و ستضح حقيقة ما يحدث و بالنسبة للتحقيق فعلا فلا جديد نفس ما قاله من وقت ما تم التحفظ عليه و مازالت الى الان دماء الشهداء تائهة بين القبائل
كويس قوي ... أنا حاسس ان النقاش في طريق بناء.
الناس اللي بتطالب بتأجيل الانتخبات رايها انها محتاجة وقت تكون احزاب (كلنا عارفين الأحزاب الكرتونية اللي في كتير منها بياخد أوامره من أمن الدولة) وانها تعمل تحالفات وتنزل الشارع وتعمل مؤتمرات شعبية.
يعني من الآخر يبتدوا من الصفر ... لأن المناخ السابق للثورة من تزوير وتضييق أمني كان يجعل من العمل السياسي صعب للغاية. بس طبعا المناخ اتغيير وهما شايفين انهم محتاجين مهلة زمنية للتنظيم وبناء شعبية.
طبعا جماعة الاخوان يحسب ليها انها قدرت تشتغل في ظل الظروف الصعبة بس واجهة اعتقلات وتنكيل شديد على مر السنين.
بس مش كل اللي بيشتغل في العمل السياسي مطلوب منه يستحمل العذاب ده كله.
يمكن بعد المهلة الطبقة المتوسطة اللي عمرها ما شاركة في الانتخبات وفي نفس الوقت استحالة تبيع صوتها تنضم لحزب معين أو تؤيد مرشح معين عن قناعة.
ويمكن برضو اللي كانوا بيبيعوا اصواتهم يجدوا من يثقون فيه ويدوا اصواتهم ليه من غير ما حد يشتري اصواتهم
مدى عملية الكلام ده؟ الله أعلم ... بس يستحق المحاولة.
بالنسبة لشراء الأصوات، ما بتحصلش في كل دول العالم. أنا عمري ما سمعت عنها إلا في مصر.
في أمريكا بتحصل حاجة أسوء ... هو شراء المرشحين من قبل اللوبيات.
بس للأمانة محدش بيشتري أصوات الناخبين :)
برده كلام جميل بس تعالى كده علشان يتم عمل أحزاب لازم تغيير القانون وده هياخد وقت كمان هوا حزب ايه اللى هيقدر يعمل شعبية فى ستة أشهر (بعد تأسيس الحزب) وخصوصا ان برامج معظم الأحزاب هتكون متقاربة واللى هينتخب هينتخب على أقوال وليس أفعال. كمان في حاجة مهمة ان انتخابات البلاد (القرى والمراكز) (غير المدن الكبرى) بتبقى وهتستمر على انها تنافس عائلات كبرى موضوع ملوش دعوة بالسياسة خالص. كمان الخوف يا سيدى ان بعد الستة اشهر او السنة اللى عايزين يعملوا احزاب يلاقوا نفسهم معملوش ارضية فيطلبوا تأجيل تانى وده طبعا متوقع بنسبة 100% . كمان اللى عملوا ثورة 25 يناير لم يكونوا فى حزب واحد يعنى موضوع الاحزاب مش هيغير فى حاجة وممكن برده عن طريق الفيس بوك انهم يعملوا قايمة ويرشحوها. وأخيرا موضوع التأجيل ده ليس المقصود به مجلس الشعب ولكن مقصود به انتخابات الرئاسة !!