حرااااااااااااااااااااااا م كفاية كده قوي المظاهرات هتقلب بعبط :(
حرااااااااااااااااااااااا م كفاية كده قوي المظاهرات هتقلب بعبط :(
قبل ما أرد، اصحح كلمة ... ده مش مطلب ... ده اقتراح من الائتلاف
ده اقتراحم هما وأنا مش في محل الدفاع عنه.اقتباس:
هذا الموقف الذي سنعرضه هو رؤية الائتلاف السياسية التي نراها مناسبة لإدارة المرحلة القادمة، وهي متفق عليها من فترة طويلة ولانزال نراها الأصوب والأصلح، ونظرا لأن الائتلاف يرى أن المرحلة الحالية هي الأخطر في عمر الثورة وترجمة ما حدث سياسيا هو ما سيتم صياغته في المرحلة الانتقالية وعليه نرى أن المرحلة الانتقالية يجب أن تبدأ بإصدار مرسوم من المجلس العسكري بإصدار قانون لتنظيم الأحزاب السياسية مما يضمن حرية تأسيس الأحزاب وعملها وتشكيل حكومة جديدة بالتوازي تأخذ صفة الحكومة الانتقالية وليس تسيير الأعمال، على أن يتولى المجلس العسكري إدارة شئون البلاد حتى الموعد الذي حدده لنفسه سلفا، ويعقب ذلك تولي مجلس رئاسي إدارة شئون الدولة مع الحكومة الانتقالية على أن يمتد عمله لمدة ستة أشهر أخرى، تتم في نهايته إجراء الانتخابات البرلمانية بطريقة القائمة النسبية المختلطة على أن يتولى المجلس الرئاسي مسئولية إعداد دستور جديد للبلاد يلبي تطلعات الشعب المصري وطموحاته
أنا كل اللي بقوله انهم لم يطالبوا باسقاط المجلس العسكري بل اقترحو مجلس مدني يتولى الحكم بعد الست أشهر اللي حددها المجلس العسكري لنفسه.
وفي اقتراح اقترحه آخرون بان تكون الانتخابات الرئاسية الأول ... وبعديها بست أشهر انتخابات برلمانية.
كلها اقتراحات مش اكتر.
المعتصمين معتصمين عشان كذا مطلب ... اهمها اقالة شفيق ... مش عشان مجلس عسكري ولا مدني
اسمحلي ارد على سؤالك الأخير فقط :)
والرد هيبقى بسؤال :)
حضرتك ترضى ان مجلس الشعب اللي جاي يبقى نصه اخوان ونصه حزب وطني؟
السلام عليكم
هل لو مظاهرات او اعتصامات ميدان التحرير انفض وخلض ومعدش في حد ينادي مثلا رحيل حكومة احمد شفيق هل ده حينهي المظاهرات والاحتجاجات الفئوية؟
بالطبع لا لان الي بيحرك المظاهرات والاحتجاجات الفئوية هو الشعور بالظلم مع كسر حاجز الخوف وإنهائها محتاج حاجة من اتتنين انهاء الظلم وده عمرة محيحصل طول الناس معندهش ثقة في الحكومة أو أعادة حاجز الخوف اي الرجوع الي حكم الدكتاتور والعصا
سؤال علي الماشي هو ميننفعش نعترض على أي رأي من غير مصطلحات زي هبل وعبط وطبلة
وايه المشكلة ؟
مش الشعب اللي هاينتخبهم في انتخابات حرة نزيهة ؟
تزعلني في ايه ؟؟؟؟؟؟؟؟؟؟
بلاش فزاعة الاخوان دي تاني الاول كان بيستعملها النظام ودلوقت بيستعملها من ليس لهم شعبية في الشارع لكسب الوقت لاكتساب شعبية ليست لهم
الاخوان كونوا شعبيتهم على مدار اكثر من 70 سنة صعب في 6 شهور حد يبقي له شعبية زيهم
والوطني كان به اعضاء محبوبين دجا في دوائرهم بدليل انهم كانوا حين لا يرشحهم الحزب كانوا يدخلون مستقلين ويقوم الحزب بكل المحاولات لاسقطاهم وبرغم ذلك ينجحوا ضد مرشحي الحزب بسبب شعبيتهم فيعود الحزب ليترجاهم ينضموا له هل لو نجح هؤلاءنرفضلانهم كانوا في الحزب الوطني ؟
بتؤمن بالديمقراطية تبقي للكل
وصندوق الانتخابات يبقي الفيصل امام الكل
وفيالنهاية انا لا اخوان ولا وطنيولا تبع البرادعي ولا الوفد ولا الغد ولا ولا لكن اللى هاينجح موافق من دلوقت يتولي حكم البلد ال4 سنين القادمين ما دام اختيار غالبية الشعب
احنا خايفين نواجه الحقيقة المرة و بنحاول نهرب منها الا وهي ان الي اتغير في مصر هو مبارك و اعوانه اما الني ليسا زاي ما هي لو الناس اتغيرت فعلا و عرفت مصلحتها يبقي انت خايف ليه ان الاخوان او الحزب ياخودها؟؟؟؟لكن احنا عارفين ان ليسا في ملاين حتبيع صوتها ب 100 ج و بكيلو لحمة العيب مش في المرشح العيب في الحينتخبو مش عايزين ديمقراطية و اذا نجح الوطني ولاخوان بدون تزوير يبقي دي ارادة الشعب مش هو ديه الديمقراطية؟لازم نعالج الناس مش نئجل الانتخابات
هوا أنا كاتب الكلام بالعربى ولا بالهيروغليفى ولا انتوا مش لاقيين حاجة تقولوها فبتقولوا أى كلام؟؟ هوا فين التريقة على الشهداء ؟ هوا أنا لما أقول ان لولا الجيش كان هناك الألاف انضموا للشهداء يبقى انا بتريق عليهم ؟؟!! يا أخى اتقى الله؟ لو انا أصلا بتريق عليهم ماكنتش وصفتهم بالشهداء؟ هوا الشهيد ده حاجة بسيطة دا بيدخل الجنة بدون حساب؟ يا جماعة انتوا مصدقين نفسكوا؟ وهوا أنا جيبت سيرة إجهاض ثورة أنا بقول ان الجيش قام بعمل مشرف بوضع يده على الحكم لحماية الثورة ومنع حمام دماء وده من تلقاء نفسه و محدش له الفضل فى كده؟ ايه اللى جاب الكلام اللى انت قولته للى أنا قولته؟ ويا سيدى شفيق ماله ومال تقديم المجرمين قاتلى شهداء الثورة للمحاكمة ده شيئ فى ايد النائب العام والتحقيق لازم ياخد وقته لأن السرعة هتؤدى الى تقديم كباش فداء لإرضاء مطالب الشعب بدون محاسبة المسئول الحقيقى عما حدث؟ وهوا مين يرضى ان اى مصرى اعزل لم يرتكب جرم يتم اطلاق النار عليه بدم بارد وبدون رحمة؟ كلنا عايزين المخطئ ياخد جزاءه بس بالعقل علشان محدش يتظلم. يا ريت كلامى المرة دى يكون واضح ومفهوم!!!
كويس قوي ان حضرتك قلت بلاش فزاعة الاخوان ... أنا شخصيا معنديش مانع الاخوان يكسبوا عدد مقاعد على قدر شعبيتهم ... حتى ولو نص المقاعد.
وكويس قوي ان حضرتك قلت انتخابات حرة ونزيهة ومقلتش انتخابات غير مزورة.
الانتخابات اللي جاية هتبقى غير مزورة ... بس مش نزيهة :)
لأن الحزب الوطني هيشتري الأصوات ويشتغل على القبائلية والعصبية
واعتقد شراء الأصوات شيء غير نزيه.
باختصار أنا معنديش مانع الاخوان يبقوا نص المجلس لأنهم مش هيشتروا أصوات.
والأصوات اللي هيأخدوها هتبقى معبرة عن شعبيتهم.
بس عندي مانع ان الحزب ياخد نص المجلس لأنهم هيشتروا الأصوات.
والأصوات اللي هيأخدوها هتبقى مش معبرة عن شعبيتهم.
وليه منقولش غياب وعي سياسي ووعي بكل حاجه تقريبا ......
وليه منقولش ان الناس مش فاهمه ان مش احلي حاجه في الدنيا هي اللحمه وال 50 جنيه ؟؟؟ظ
معاك ان ده واقع دلوقتي بس دورنا احنا مع المثقفين مع الحملات ان احنا نصحح الحاجات دي ....
الموضوع ده هياخد وقت و من هنا جيه اقتراح تاجيل الانتخابات ....
الاهزاب تكتر و يبقي ليها شكل فعلي .....
يقدر الغلبان يشوف في التلفزيون واحد بيقولوا كلام جديد بيوعدوا بحاجات تفتحله مخه ...
مع دورنا ان احنا نفهمه دلوقتي احنا والمثقفين يعني ايه الوعود دي ومين الصادق و مين المعروف بوساخته ...
نعرفه انه لو رفض ال 50 جنيه و حتيه اللحمه دلوقتي ممكن قوي بعديها بفتره يبقي يشتري 2 كيلو لحمه و يبقي معاه 100 جنيه؟؟؟؟
ليه فقدنا الامل بربنا ان احنا نتغير للاحسن ؟؟؟ ..... ليه مش عايزين نتعب شويه عشان نصلح؟؟؟؟
ليه مصرين نستسلم للامر الواقع؟؟؟؟ ليه بنحبط نفسنا بادينا عشان خايفين من بكره ؟؟؟؟
لو كل بلد فكرت كده كان زمان اوروبا بترعي غنم ...
يا جماعه خلو املكوا في ربنا كبير ...اجتهدوووووووو
بلاش مقوله هو ده الحال هنعمل ايه ....
وساعتها يا سيدي لو كل واحد عمل اللي عليه و برده وصلنا لنفس الوساخه القديمه .
يبقي السلام عليكم هاخد شهادتي و اروح ل ((شعب)) محترم اعيش معاه ...مش ((بلد )) محترمه ...