الموضوع: تحذير لعملاء اتصالات - مرسل بصفتي الشخصية

فيه زميل عالمنتدى جاله النهاردة رسالة من واحد ظريف بتقول له ابعت مش عارف ايه لرقم 4040 للاشتراك في عرض الرسائل المجانية

اولا اي رسالة مش جاية من اسم مرسل (زي etisalat مثلا) و جاية من رقم عادي تبقى مش رسالة رسمية و لا يعتد بها

ثانيا 4040 ده الرقم اللي بتبعت له عشان تشترك في خدمة البلاكبيري

يعني هيلبسك انك يتخصم منك 100 جنيه لو بعتت رسالة مكتوب فيها 10 (اشتراك شهري .... كل شهر كمان مش دلوقتي بس) او 4 جنيه و نص لو بعتت رسالة فاضية (اشتراك يومي ..... كل يوم كمان) ......

يعني مقلب سخيف من انسان سخيف و هايف و كل همه انه يلبس الناس

زي الاسخف منه اللي عمل نفس المقلب في عملاء فودافون و قال فوروارد الرسالة دي ل 10 عملا تاخد مش عارف ايه مجانا


يا ريت تنشروا التحذير ده منعا للاذى لأي حد

و لو حد بالغلط بعت الرسالة ..... يبعت رسالة تانية مكتوب فيها 1 لرقم 4040 عشان الغاء الخدمة بس طبعا مش هيقدر يسترد اللي اتخصم قبل كده


[caution]التحذير ده بصفتي الشخصية كعضو بالمنتدى و ليست بصفتي الرسمية [/caution]