الموضوع: مشروع زراعي - المزرعه-

محدش يمتلك معلومات او عنده سؤال خالص!!!

ألسلام عليكم, أنا يا أخى مجال عملى ودراستى الit , لكنى والله فكرت كتير جديا أنى أغير المجال و أعمل مشروع زراعى, أنا فى الاصل من قرية بالقليوبية و عندى حوالى فدان و نص أرض زراعية و منزل صغير بالبلد, لكنى مقيم حاليا فى القاهرة, بس بنزل كل أسبوع, فكرت فى أنشاء مزرعة أبقار لأنتاج اللبن و مزرعة أغنام, ومصنع علف صغير بجوار حاجات تانيه صغيرة (منحل و أرانب و طيور), و سألت كتير من ناس فى المجال و الصراحة حيرونى, ناس تقول بيخسر و مبيجبش همه, وناس تقول كويس, لو عندك معلومات يا ريت تفيدنى

المشاركة الأصلية كتبت بواسطة khaled_rafea

ألسلام عليكم, أنا يا أخى مجال عملى ودراستى الit , لكنى والله فكرت كتير جديا أنى أغير المجال و أعمل مشروع زراعى, أنا فى الاصل من قرية بالقليوبية و عندى حوالى فدان و نص أرض زراعية و منزل صغير بالبلد, لكنى مقيم حاليا فى القاهرة, بس بنزل كل أسبوع, فكرت فى أنشاء مزرعة أبقار لأنتاج اللبن و مزرعة أغنام, ومصنع علف صغير بجوار حاجات تانيه صغيرة (منحل و أرانب و طيور), و سألت كتير من ناس فى المجال و الصراحة حيرونى, ناس تقول بيخسر و مبيجبش همه, وناس تقول كويس, لو عندك معلومات يا ريت تفيدنى

اخيرا :)

انا سألت واتأكدت من معلومات حول مزرعه العجول . . . وهي انها هتفشل لو حضرتك معندكش ارض بتجبلك اكل ليهم . . لان حسب ما فهمت وبدون تفاصيل في احتكار من التجار الكبار واصحاب المزارع الكبار للعلف واكل العجول بانواعه . . فا لما بيطلع واحد بيحاول يعمل مزرعه متوسطه مثلا ويتاجر بيضربوه في السوق . . .
ولأنجاح مشروع زي ده لازم يتوفرلك مصدر علف حر للمزرعه كلها . . . . سواء بامتلاك ارض او حد تتعاقد معاه يكون يمتلك ارض يوفرلك حصادها بسعرها الطبيعي

في مناطق في مصر فيها التجار المحتكرين لتجاره اللحوم مش مسيطرين زي مثلا غرب مصر سيوه مثلا هناك البرسيم رخيص جدا وفي مزارع هناك بس الدوله الجميله بتاعتنا بضغط من تجار كبار ومحتكري اللحوم منعت خروج اي لحوم حيه او مدبوحه من هناك مع ان كيلوا اللحمه البلدي هناك سمعت من فتره قريبه 24 جنيه . . .


ياريت حضرتك تقلي معلومات حول لو معايا 10 فدادين زراعتهم ليها مردود اقتصادي كبير ولا متوسط ولا قليل . . واي تفاصيل حول الامر تملكها

طيب الأول ال10 فدادين دول صالحين للزراعة ولا لسه حتستصلحهم, و أنواع المحاصيل اللى بتتزرع فى المنطقة بتاعتهم أيه, والزراعة لوحدها مش مربحة بدرجة كبيرة, لازم يكون فيه مشاريع جانبية

الاراضي هستصلحها . . امكانيه الزراعه فيها جيده ملوحتها قليله يمكن زراعه خضار وفاكهه . . . مش مربحه بدرجه كبيره
يعني مثلا انا هقوم لحضرتك وانت تقول معلوماتي صح ولا غلط
فدان الطماطم تكلفه زراعته في حدود 3 الاف جنيه ده بدون طبعا تمن معدات الري والحاجات ديه اول مره
بينتج متوسط 30 الف طن
الكيلو بيتباع جمله لو مثلا ربع جنيه هيكون 7500 في 3 شهور ونص تقريبا
يعني ربحيه الفدان حوال 4 الاف في 3.5 شهر

طيب حضرتك حاسب التكلفة شامله الأيدى العاملة و الأسمدة و التقاوى و النقل ؟ كمان موضوع 30 الف طن دى مش كتير شوية ؟ انا مش قادر أفيدك كويس , بس وجهة نظرى أن أى مشروع زراعى لازم يبقى فيه أكتفاء ذاتى ( يبقى شامل كذا حاجة علشان اللى يخسر حاجة تانيه تشيله)