الموضوع: سؤال برئ

المشاركة الأصلية كتبت بواسطة misoalex

على فكره حضرتك فاهم طلبات الثوره غلط
وفاهم الى انت بتقول عليه اتنفذ برضه غلط

راجع طلبات الثوره
وراجع ايه الى اتعمل منها عشان مفيش حاجه اتعملت غير استقاله الرئيس وحل البرلمان

الباقى كله ترقيع فى ترقيع
حكومه ايه الى اتحلت
وفساد ايه الى اتظر فيه بعد 30 يوم من الثوره ولسه فيه ناس متمسكتش ولسه فيه ناس فى الحكم بدون زكر اسماء
ده العمليه اتطبخت واستوت والناس بتاكلها وبالهنا والشفا

يا أستاذ ميسو الطلبات كانت واضحة من أول يوم يبقى فاهم غلط ازاى؟ الطلبات كل يوم بعد ما تتنفذ تتغير؟ كمان الناس اللى متمسكتش فين الشكاوى المعززة بمستندات ضدهم يعنى انت تفتكر واحد زى صفوت الشريف هيتمسك بسهولة؟ ماهو ماينفعش يطلع ظابط يلمهم فى بوكس ويجيبهم. وأعتقد لو فى إيد النائب العام حاجة قوية مكانش سابهم. كمان طيب ما تيجى كدة تشوف حكومة نظيف وحكومة شفيق ونشوف كام وزير اتغيروا؟

المشاركة الأصلية كتبت بواسطة heshamzaky

خلى بالك من كلامك .أنا مش مغمى عليا أنت لا تعرف عنى أى معلومة علشان تحكم عليا

على فكره انا بقول مغمى عنيك مش مغمى عليك عشان تفرق فى التعبير كتير

انا بقول حضرتك مغمى عنيك عن الحقيقه الى حضرتك شايفها
حضرتك بتتكلم عن الانفلات الامنى وانا رديت عليك اكترمن مره وحضرتك مردتش عليا وبتغير الموضوع وبتسألنى عن حاجات لا حتقدم ولا حتأخر

وانا فعلا معرفش حضرتك بس اعرف مشاركات حضرتك والكلام الى حضرتك كاتبه او بترد عليا بيه

وعلى العموم اسف لو زعلت من المناقشه مع انى مغلطش فيك بس يظهر ان الحق بقى يزعل الناس

المشاركة الأصلية كتبت بواسطة mahmoud saloum

يا أستاذ ميسو الطلبات كانت واضحة من أول يوم يبقى فاهم غلط ازاى؟ الطلبات كل يوم بعد ما تتنفذ تتغير؟ كمان الناس اللى متمسكتش فين الشكاوى المعززة بمستندات ضدهم يعنى انت تفتكر واحد زى صفوت الشريف هيتمسك بسهولة؟ ماهو ماينفعش يطلع ظابط يلمهم فى بوكس ويجيبهم. وأعتقد لو فى إيد النائب العام حاجة قوية مكانش سابهم. كمان طيب ما تيجى كدة تشوف حكومة نظيف وحكومة شفيق ونشوف كام وزير اتغيروا؟

بص سيبك من كل الطلبات الى كانت مكتوبه سواء فى ورق ولا فى التلفزيون ولا على النت ولا الى كتبوها على عماره بحالها بالبنط العريض عشان الناس ومبارك يشوفها


حاخد جمله واحدف فقط

الشعب يريد اسقاط النظام

طيب ايه النظام الى الشعب مش عاوزه

النظام ده نظام هرمى على رأسه الرئيس الى هو مبارك
وتحتيه بقى قول زى منت عاوز مجلس شعب مزور وزراء زى منت عارف محافظين برضه زى منت عارف وغيره

طيب ايه الى حصل الى حصل ان الرئيس اخد الكلام زى ما الناس الى مش عاجبها الثوره وقالك بس كده نشيل الحكومه
ازاى ياعم الحكومه جزء من النظام واحنا عاوزين نشيل النظام الى هو اصلا انت
ويارتها الحكومه كمان اشالت ده شال نصها وخلى نصها الفاسد من الاول زى مهو وجاب ناس متتخيرش عن الاولانين حاجه

طيب فى الاخر الرئيس اتشال وباقى النظام والحكومه الى هو جابها زى مهى
يبقى كده الثوره نجحت ؟؟؟؟؟؟؟؟؟
النظام وقع ؟؟؟؟؟؟

الحكومه رئيسها زى مهو وعمال كل يومين يشيل واحد ويحط واحد
ياعم احنا عاوزين نشيل النظام كله الحكومه بالمحافظين بمجلس الشعب بدستور جديد ايوه دستور جديد مش تعديل كام ماده
وطبعا زى من شايف

بالظبط زى لعبه شطرنج خسرانه من الاول وبرضه صاحبها بيلعب طيب مهى خسرانه وهيتلعب دور تانى اضيع وقتى ووقت الناس الى فى الشارع واوقف حال البلد لييييييه

الناس زعلانه عشان الشعب بيطالب بأقاله الحكومه طيب تمسك فى مين فى الشعب الى عاوز يقيل الحكومه ويجيب حكومه نضيفه ولا تمسك فى اللى مش عاوز الحكومه تمشى ؟؟؟

انهى الاسهل تحل حكومه وتجيب ناس جديده فى يومين ولا توقف حال البلد كلها والاعتصامات تزيد والبلطجه تطلع عشان الحكومه سايباهم يعملو رعب للشعب ولا ولا ولا
بزمتك انهى الاسهل تحل الحكومه ولا تمشى الناس من التحرير ؟؟؟؟؟؟

المشاركة الأصلية كتبت بواسطة heshamzaky

طيب أية رايك حتى لو الحكومة دى أقيلت الناس برضو حا تطلع بمطالب جديدة تماما و برضو مش حا يمشو سقف المطالب لن يكون لة حدود

طيب نتوقع الوحش ليه ما احنا قولنا قبل كده لو مبارك مشى اسرائل وامريكا حنلاقيهم عندنا

اولا سيبك من الناس الانتهازيه الى طلعو يظيطو فى الظيطه وعاوزين مدير يتشال وعاوزين مرتب يزيد 5000 جنيه وغيره من مطالب ملهاش مبرر واللى كانت فيه ايد خفيه بتحرك اغلبهم والباقى مشى ورا سياسه القطيع

طيب هو مين الناس الى فى التحرير بتطالب بالمطالب دى مش اهلى واهلك واقاربى واصحابى واصحابك (بغض النظر عن الاحزاب الى عوزين يركبو الموجه ومتنفضلهم لحد دلوقتى والحمد لله )
طيب عاوزين نتفق ان مفيش طلبات جديده للى فى التحرير من قيام الثوره لحد دلوقت وهى اسقاط النظام ومحاكمه الفاسدين
وكل الطلبات اصغير بعد كده حتلقيها اتحلت
والى يعمل مظاهره بعد كده يتضرب بانار يا سيدى

بلاش نتوقع الوحش انتو عاوزينا نصبر على حكومه شفيق الى هى وحشه طيب منجيب حكومه جديده من الشعب ونصبر عليها
ساعتا محدش حيستجرى يفتح بقه هما بيطلبو من الجيش الطلبات مش من كشك عم عبده
يعنى هو مش لعب عيال
وياريت نتفق برضه ان مطالب الثوره متحققتش منها غير 2 زى مقولت قبل كده

بس صدقنى اكبر مطلب واحسن مطلب بعد رحيل الرئيس هو رحيل حكومه الرئيس وتعين حكومه من الشعب تحس بالناس

عارف ساعتها الى عنده طلب حيطلبه من الحكومه الجديده مش من الجيش وكده يبقى انت شيلت عبئ كبير من على الجيش

لكن بالشكل ده انت كل حاجه تطلبها من الجيش
ابسط حاجه لو بأمر الله اتعينت حكومه محترمه حيجى وزير داخليه يحتوى الموقف ويلم البلطجيه والصيع مش طالقهم علينا يربونا

المشاركة الأصلية كتبت بواسطة heshamzaky

و هو مستقبل البلد كل يوم مظاهرات ووقوف فى التحرير و مطالب لا تنتهى مين قال أن الناس كلها موافقة على الكلام دة و أن دة مستقبل البلد. دة ضياع البلد لو بالمنظر دة و الفكر دة ممكن يتم ترجمتة على أنة اهواء شخصية لمؤيدين ترشيح شخص ما لتولى السلطة او ظهور حزب معين أمام الاضواء و تلميعة . مش ممكن الناس تفكر برضو كدة و مش عيب أن الواحد يدور على اكل عيشة دة الى بتنتخبة لو مش حا يحسن احوالك يبقى مالهوش لازمة و هل الناس كلها مليونرات و عندها فلوس و مش فارقة معاها تشتغل و لا ما تشتغلشى علشان مطالب ممكن تتوصف بأنها فئوية و ذلك لاستمرار المظاهرات و الفوضى فى البلد كلها

بعد اذنك يا استاذى هل تعتقد ان الحرية تعطى مجانا بلا ثمن , فيه ناس دفعت دمها تمن لحرية شعبها فهل حضرتك ترى انه لا يمكننا ان نتحمل نحن بعض الضيق فى الرزق حتى نعبر ببلدنا باذن الله الى الافضل
يا استاذى من حقك ان تبحث عن لقمة عيشك و لكن شوف حضرتك الجانب الايجابى للثورة الذى جعل كثير من الشركات و الدول ابدت تفاؤلها تجاه مصر فى حالة تحولها الى ديموقراطية حقيقية لان المستثمر لن يخاف من مقاسمة الحكام و اصحاب الحظوة لأمواله و سيعمل فى جو من القواعد و القوانين العادلة له و للشعب
وبالتالى الديموقراطية الحقة ستؤدى الى زيادة الاستثمارات و المشاريع و بالتالى زيادة الدخل لكثير من الاسر
يا استاذى الاتهام ان مظاهرات التحرير سبب الفوضى غير حقيقى و اسالك بالله هل متظاهرى التحرير منعوا الشرطة من محاكمة اعضاءها الفاسدين و العودة الى وظيفتهم الاساسية و هى حماية المواطنين و هم يقبضوا رواتبهم من الشعب مقابل هذا العمل
استاذى العزيز تحميل متظاهرى ميدان التحرير مسئولية المظاهرات الفئوية فيه تجنى عليهم , الم تكن المظاهرات و الاعتصامات الفئوية متواجد بكثرة امام مجلس الشعب و امام رياسة الوزراء من قبل الثورة و شارع القصر العينى شاهد عليها
اذن لو فضينا ميدان التحرير ده ملوش اى تاثير على المظاهرات الفئوية التواجدة قبلا