انا نفسى اعرف ايه تعريفك للأنجازات .......
يعنى ايه انجاز ؟؟؟؟؟؟
مفيش اى حاجة من اللى انت عمال تقول عليها انجازات تعتبر انجاز ولو انجاز لا تنسب ولا لشفيق ولا حكومته
للأسف ناس كتير فاكرة انى لما احقق مع حد متقدم فيه بلاغ بالسرقة او الفساد ...... ده كده انجاز
لما التحقيق مع فاسد و حرامى و قاتل يبقى انجاز ...... امال اللى عمله مهاتير محمد فى ماليزيا ده ..... اعجاز من كوكب أخر ؟؟؟؟؟؟!!!!!!
يبقى كمان استقالة احمد عز من الحزب الوطنى ...... تعتبر انجاز لمبارك ؟؟؟؟؟؟!!!!!
او اقالة حكومة الحرامية ..... انجاز هى كمان لمبارك ؟؟؟؟!!!!
للأسف احنا حريفة فى خلط الأوراق ......
بعيدا عن شفيق عشان محدش يزعل .......
قبل 25 يناير ......
النظام الفاسد مسيطر على كل حاجة فى البلد بقبضة من حديد و نار
مفيش حد يجروء يفتح بقه ..... وان فتح اهو بيهو هو سيبه يهو هو ..... ولو زودها ارميه ورا الشمس
بعد 25 يناير ........
ثورة عظيمة ..... اطاحت برأس نظام فاسد حتى النخاع و بعض حراميته
ثورة شهداء ...... تصدو لأرهاب امن الدولة و بلطجيتهم
بقايا النظام الفاسد مستخبيين ......
المجلس العسكرى .... اللى حيذكر له التاريخ انه وقف بجانب الثورة و نصرها......اعلن لا احد فوق القانون
الناس بدأت تتشجع ...... الورق بيطلع ...... البلاغات بتنهال على مكتب النائب العام
الفاسدين بيتحقق معاهم .... ما ده اللى مفروض يحصل ...... مش متقدم فيهم بلاغات مدعومة بأدلة
ايه بقى دور شفيق و حكومته فى كل ده ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!! !!
ماسمعناش عن وزير فيهوم ..... لمابقى وزير مسك فساد فى وزارته (من ايام زمان) و بلغ النائب العام مثلا
ماسمعناش عن شفيق ...... مسك فساد فى الدولة (من ايام زمان) و بلغ النائب العام مثلا
او لغوا قانون من القوانين سيئة السمعة مثلا
او راجعوا المرتبات الضخمة او المصاريف الوهمية للحكومة و الوزارات
الوحيد اللى عمل كده ...... اللواء اللى مسك التلفزيون
عشان نقول الراجل عمل انجاز فى حاجة ......
كل اللى انته بتحاول تسوقه على اساس انه انجاز لشفيق و حكومته ما هو الا انجاز للثورة و الناس اللى اتشجعت و قدمت البلاغات و رجال النيابة اللى بيحققوا فيها ...... شاء من شاء او ابا من ابا
بس قبل ما تقول ..... بقى هى دى الديموقراطية اللى بتنادوا ......
احب اقولك الموضوع ده مافيهوش اراء ..... عارف ليه ؟؟؟؟
عشان دى ............ حقيقة علمية
المفضلات