طبه الكارونه

**lody74** · 01-03-2011 08:06 PM

انا معايا تيروس 2008 , و مع صيانه 40 الف في التوكيل يتطلب تغيير زيت الكارونه, لكنهم لم يغيروه حيث قالوا لي ان الطبه لو اتفكت سنها هيبوظ و مش هتنفع تركب تاني و ماعندناش طبب جديده , و دلوقتي العربيه عامله 60 الف , فهل هناك حل لذلك و هل هناك خطر على الكارونه من التأخر في تغيير الزيت في موعده .

**x_gomgom** · 02-03-2011 01:42 AM

شوف يا سيدي الفاضل الكارونه عامه (انا نش معايا تريوس بس كنت راكب خلفي -بولونيز و نيفا ) فيها طبتين (و يطلق عليهم طبه الانكيه ) واحده واطيه و دي بتبقي للتفريغ و الاخري عاليه و بتكون لتعبئه الكرونه بالزيت....
موضوع انك تمشي فوق عدد الكيلومترات المتاح للزيت الكارونه هو غير مستحب تماماً لان في تصاميم لبعض انواع الترووس التفاضليه لنظام الدفع الخلفي حساسه جداً للزيت (من حيث اللزوجه و الشوائب)....
حضرتك على حسب ما فهمت من كلامك ان الفني خايف يفك (وانا شايف انه خايف يتغاشم على المسمار او مش عارف يفكه) بحجه ان الطبه ممكن تفوت في الحاله دي ممكن تطلع على اي بنزينه محترمه و تطلب تغيير زيت الكارونه (في بنزينه شيل اللي في شارع دمشق) و عامه الطبه متفوتش غير من حاجتين يا اما الاداه المستخدمه في الفك مقاسها غبر صحيح فبتخلي المسمار يفوت يا اما بيتغاشم عليها في الربط او الفك....
يا رب اكون افدت

**mohamed_rhem** · 02-03-2011 03:01 PM

طبعا شيل اللي في شارع دمشق احسن بنزينة

لانها جنب بتوع قطع الغيار ولو احتاجت طبه حتلاها

علاوه علي ان السن لو في حاجه بيتمشط ولو مفوت خالص بيحطوا عليه فتله

فلا تقلق الموضوع سهل ومتعودين عليه

**Mostafa_Sherif** · 04-03-2011 09:13 PM

مين اللي قلك كدا في التوكيل ؟؟
المفروض تغير زيت الكوارين في صيانة 40 ضروري..
أنت كدا لو جرى حاجة للكرونة مش هيكون عليها ضمان عشان مغيرتش الزيت في معاده ...
لازم ترجعلهم ضروري في الموضوع ده..

**lody74** · 07-03-2011 07:37 PM

طيب ممكن اعرف ما هو افضل نوع زيت تروس ، وما هو عدد الليترات التي تحتاجها كارونه التيروس .

**x_gomgom** · 08-03-2011 12:02 AM

المعلومات دي موجوده اكيد في كاتالوج السياره و يفبدك بيها اكتر احد ملاكها بس تقريباً والله و رسوله اعلم ممكن تاخد كيلو و ربع زيت و غالباً هيبقي زيت 90 (دي درجه كثافه الزيت و في 140).....
يا رب اكون افدت