مشكله فى الكارونه

**alsharkawe** · 06-12-2011 11:52 AM

انا عندي صوت نقره بسمعها فى الكارونه عند التحرك بالسياره من وضع الثبات واحيانا بسمعها لما اسحب بالعربيه او فى المطباط ورحت لصنيعي كان شغال فى النصر فى الكارونه و الراجل قال لي كبر دماغك الموضوع ده عادي الكارونه مفيهاش حاجه ولا بتون وملهاش صوت خالص الموضوع عندك ان في بوش بسيط بين الاكس والترس الى راكب عليه فى الكارونه وهي كلفك حوالى الف جنيه تغيير 2 اكس والترس نفسه الى راكب عليه و متسمعش كلام حد يشتغلك ويقولك نحل الكارونه واشتغلات ملهاش لزمه و انا طبعا افضلي ان اقولك نحل الكارونه وطبعا هاخد منك مصنعيه بس انا بقول الى يمليه عليه ضمير مع العلم ات العربيه دوجان شاهين موديل 1992 و الموتور 1600 سي سي افيدوني يا اهل الخبره و الى عنده شاهين هل الموضوع ده عنده ولا اه.

**HOSAMSAMSOON** · 06-12-2011 07:51 PM

[frame="9 10"]كان الله فى العون
بس كلام الفنى صح
ممكن تراجع على الصلايب يمكن يكون فيهم البوش او فى كرسى النصف
بس بالنسبة للكارونة هوة كلامة صح
من غير صوت ونة مفيش قلق
لو انتا فى القاهرة ممكن اوصفلك ورشة فنى فى الكارونة و تشيك هناك و كمان ورشة تانية خراط متخصص فى عمود الكردان يراجع المجموعة كلها
و الله الموفق[/frame]

**HOSAMSAMSOON** · 09-12-2011 05:08 PM

المشاركة الأصلية كتبت بواسطة alsharkawe

اولا اشكركم على التعاون وسرعة الرد و انا كشفت على الصلايب بتاعة عمود الكردان وقالى الراجل الصلايب تماما ومفيهاش حاجه و لكن صوة النقره دي موجد فى الشاهين ولا اه اصلي بصراحة منزعج من القصه دى وخايف تعملها معا وخاصتا اني بروح بيها الشغل من الشرقيه الى المعادي كل يوم وعايز اعرف لقدر الله اقصى حاجه ممكن يعملها العيب ده ان كان عيب.

[frame="9 10"]يعنى الصلايب سليمة
خلاص
كلام الفنى الاولانى صح
كبر دماغك من الصوت لحد مايجيب اخرة بس تابع دايما منسوب زيت الكارونة
يعنى كل مرة تغير زيت الموتور خلى الفنى يراجع على منسوب و لون و لزوجة زيت الكارونة و بالمرة زيت الفتيس كمان
و امنع الحرق او التخميس بالعربية و الحركة المفاجئة من السكون و دايما استعمل الدبرياج مع الفرامل لفصل الموتور عن الكارونة و اقلال الجهاد على التروس بسبب استعمل الفرامل و ايقاف العجل فى نفس الوقت الى الموتور بيدفع العربية عن طريق مجموعة الدفع و الكارونة
و بعد كدة الى عايزة ربنا حيكون[/frame]