الموضوع: ها اية اخبار اللستة النهائية بتاعة الطلبات خلصت و لا لسة ؟

كل يوم الواحد بيسمع عن مفاجئات من تعذيب ونهب بطريقة لم أكن احلم بها

أنا ساعات لما بأسمع اللي كان بيحصل في أمن الدولة بأفتذكر فيلم فريد شوقي بتاع أمير الإنتقام لما كان مدفون في السجن

مش عارف الناس دول كانوا بيعملوا الجرايم دي ليه ووصلوا للمرحلة الرهيييييييييييبة دي إزاي

والله حاجة مرعبة بتتضح لينا كل يوم

وعلشان كده انا عن رأيي إنه مطالبنا لسه ما خلصتش ويمكن ما تخلصش قريب لأن المصيبة فعلا كانت رهيييييييييبة والمسئوليات اللي جاية أكثر عظمة

المشاركة الأصلية كتبت بواسطة cayman69300

و الله و ما اعبد انا بحب البلد
و لو مش بحبها كانت اعصابى هتبقى فى تلاجة
و انا لما الرئيس اتنحى فرحت بس مش علشان نفسى
لا لا لا لا
علشان اولادى يبقى حظهم احسن من حظى و مستقبلهم ان شاء الله افضل
ادى الحكاية
و عايزين نعوض اللى فات يا جماعة
شفيق مش ابن خال ست ام ابويا
دة راجل عادى موظف فى الحكومة و انا شايف انة صريح و منضبط
و الحاجة الاخيرة
ما هى اللستة النهائية للمطالب
لكن مش كل 16 واحد يطلع يقول لستة و بعد يومين يطلع 16 غيرهم للستة تانية
و نقضيها ستشارات لحد ما نخلص الـ 85 مليون عدد سكان مصر و نعيد من الاول
يا جماعة الكلام دة فعلا بيزهق
لستة نهائية و لاولى الامر القبول او الرفض و ساعتها يبقى احنا ناخد اتجاه مضاد
و شكرا

استاذى ماحدش يقدر يحكم على حبك لبلدك و مفيش شك فى كده بس فيه اوقات الحب ده بيولد الخوف من القادم و هو مطلوب بس الخوف الزيادة من رياح التغيير بيولد رغبة عكسية فى عدم التغيير و الخوف منه لان الطبيعى ان للتغيير ثمن مثل حالة الفوضى الان رغم انها موجودة من زمان بس اصبح فىه تركيز عليها و بالتالى زودت حالة الخوف عند الناس
يا استاذى بعد اذنك بكل لو حضرتك نظرت للطلبات اللى بتتطلب و فكرت فيها بأمعان هتلاقى نفسك بتقول ديه طلبات لصالحى و صالح اولادى و من اجل ان تكون مصر فى المكانة التى تستحقها و هى ليس بالطلبات الصعبة و لكن التباطئ فى التنفيذ بيحسس الناس ان الموضوع بيزيد عن حده
الا ايه اخبار راتب رئيس الجمهورية اللى حضرتك اقترحت انه يكون 12 مليون فى السنة يا باشا ده انتا خليته قد راتب رئيس امريكا حوالى خمس مرات

المشاركة الأصلية كتبت بواسطة ahmedjumpo

استاذى ماحدش يقدر يحكم على حبك لبلدك و مفيش شك فى كده بس فيه اوقات الحب ده بيولد الخوف من القادم و هو مطلوب بس الخوف الزيادة من رياح التغيير بيولد رغبة عكسية فى عدم التغيير و الخوف منه لان الطبيعى ان للتغيير ثمن مثل حالة الفوضى الان رغم انها موجودة من زمان بس اصبح فىه تركيز عليها و بالتالى زودت حالة الخوف عند الناس
يا استاذى بعد اذنك بكل لو حضرتك نظرت للطلبات اللى بتتطلب و فكرت فيها بأمعان هتلاقى نفسك بتقول ديه طلبات لصالحى و صالح اولادى و من اجل ان تكون مصر فى المكانة التى تستحقها و هى ليس بالطلبات الصعبة و لكن التباطئ فى التنفيذ بيحسس الناس ان الموضوع بيزيد عن حده
الا ايه اخبار راتب رئيس الجمهورية اللى حضرتك اقترحت انه يكون 12 مليون فى السنة يا باشا ده انتا خليته قد راتب رئيس امريكا حوالى خمس مرات

اقولك لية
علشان ميبقاش عنده عذر انة يختلس و يرتشى
و بكدة لو مد ايدة على ربع جنية يتعلق على باب جامع و يتضرب بالبلغ

المشاركة الأصلية كتبت بواسطة cayman69300

اقولك لية
علشان ميبقاش عنده عذر انة يختلس و يرتشى
و بكدة لو مد ايدة على ربع جنية يتعلق على باب جامع و يتضرب بالبلغ

يا استاذى فى مثل جميل بيقول المال السايب بيعلم السرقة
و بالتالى لو راتبه 100 مليون و امامه فرصة يسرق مليار مش هيمنعه حاجة لان الانسان طماع بطبعه اما لو راتبه مليون واحد فى السنة و خليت عليه و على غيره جهات رقابية و محاسبة على التصرفات المالية هيفكر مليون مرة قبل ما يمد ايده على جنيه
الرقابة و المحاسبة هى الحل

المشاركة الأصلية كتبت بواسطة donzi

ياريت تقرا مشاركة صاحب الموضوع تاني و تشوف ردودي كانت على ايه بالضبط لأن الاستاذ صاحب الموضوع هوا اللي بدأ بالتهكم و الاتهام من رأس الموضوع كمان مش بس من المشاركة دي و اعتقد ان من حقي ارد هلى التهكمات دي لأنها بتمسني

غير كدا انا قلت جملة شرطية يعني لو حضرتك مش عارف كزا كزا كزا يبقى حضرتك اللي مش واعي ولا فاهم يعني ماتهمتوش بعدم الفهم بدون سبب

موضوع القلة بقى ماليش دعوة بيه




مش معنى ان حضرتك بتنتقد مجموعة من الاشخاص ليهم رائي محدد يبقى تقول انا مش بوجه كلامي بشكل شخصي و مش معنى كدة انك تقول رائيك فيهم و في افكارهم و ماتتقبلش ردهم عليك

و لو مش متقبل الردود يبقى من باب اولى ان حضرتك اللي ماتفتحش موضوع تهكمي على مجموعة من الناس و تطلب منهم يحتفظوا برائيهم لنفسهم

اوك
فى حاجة تانية ؟

المشاركة الأصلية كتبت بواسطة hobiko

أنا مش قادر أفهم ..... إيه المشكلة في المطالب


مشكلتكم الوحيدة في الدنيا ...... إن المطالب عمالة تزيد


أنا قلتها قبل كدة ..... انتو بتحسسني إن مطالب المتظاهرين شقة و عربية و رحلة لدبي مثلاً لكل واحد فيهم


انتو ليه مش قادرين تشوفو أو تسمعوا ؟؟؟؟؟؟؟؟؟؟؟؟؟؟؟


الناس بتقول عايزين وزارة بعيدة عن نظام مبارك


في حد مختلف فيكو على ممدوح مرعي أو أبو الغيط أو محمود وجدي ؟؟؟؟؟؟؟؟؟


بعيداً عن شفيق ..........


حد فيكو مختلف معاية على عدم صحة تصدير الغاز لإسرائيل بالأسعار المتدنية دي ؟؟؟؟؟؟؟؟؟


طب ليه أجيب وزير كان عضو في مجلس إدارة الشركة المصدرة للغاز لإسرائيل ؟؟؟؟؟؟؟؟؟؟؟؟؟!!!!!!!!!!!!!!!!


يعني خلاص مفيش حد كويس من مئات القضاه المحترمين ......... ينفع وزير عدل


يعني خلاص مفيش حد كويس من مئات السفراء المحترمين ........ ينفع وزير خارجية


يعني خلاص مفيش حد كويس من الشرطة ........ أنا معاكو دي صعبة شوية ...... بس ندور تاني يمكن نلاقي


ليه الإصرار على دول ؟؟؟؟؟؟؟؟!!!!!!!!!!!!!!


طيب حد فيكم مش مع معاقبة قتلت متظاهري التحرير ؟؟؟؟؟؟؟؟؟؟!!!!!!!!


محدش يقنعني إن الداخلية بجلالة قدرها مش عارفة مين إلي فتح النار على المتظاهرين ؟؟؟؟؟؟ ولا إيه ؟؟؟؟؟


مثال : النيابة استدعت وائل الكومي ...... ولا راح ولا جة و مخبياه الداخلية في مديرية الأمن لحد إنهردة


إيه سر الإبقاء على رؤساء الصحف القومية ........ القاصي و الداني عارف أد إيه دول منافقين و زبالة


الشباب طالب إيه تاني .............؟؟؟؟؟؟؟؟؟؟؟؟؟


دستور جديد ...... تعمله لجنة تاسيسية محترمة من كل أطياف الوطن
طب ما هو ده موجود في تعديل المواد الدستورية اللي هيتطرح للإستفتاء خلال أسابيع
يبقى المطلب ده خلص

مجلس رئاسي لإدارة شؤون البلاد ...... حتى دي الشباب إقترح على المجلس إلعسكري لو مش عاجبه في اوبشن تاني
طيب مين اللي هيختار أعضاء المجلس الرئاسي
و ما هو مش هينفع نبدأ الحقبة الجديدة بمجلس مفروض على الشعب
و في وضع زي اللي البلد فيه..كلام الجيش بنسبة كبيرة هو اللي يمشي
و بالتالي أرى بقاء المجلس الأعلى هو الحاكم لحين انتخاب رئيس جديد

نخلي الإنتخابات الرئاسية الأول و بعد كدة نعمل دستور جديد و بعد كدة إنتخابات برلمانية ...... الطرح دة نفسه واحد ذي عمرو موسى قاله
أخطر ما يمكن فعله هو انتخابات رئاسية قبل البرلمانية
شوف حضرتك اللينك ده
http://www.shorouknews.com/.......Data.aspx?ID=400908
أو ممكن تشوف حلقة المستشار طارق البشري على دريم أمس

لو عملنا إنتخابات مجلس شعب من غير تطهير للداخلية أو إعادة هيكلة أمن الدولة و محاسبة صفوت الشريف و زكريا عزمي و فتحي سرور و من غير ما ندي فرصة للاحزاب و القوى السياسية تنظم نفسها معناه اننا بنجيب تاني الحزب الواطي و الاخوان
متفق مع حضرتك تماماً في النقطة دي
إن لابد من رجوع الأمن بكامل قوته و تطهيره قدر الإمكان قبل الإنتخابات
و لكن يعني إيه الأحزاب مش جاهزة..طب هتبقى جاهزة امتى
هي مش كانت لسة في انتخابات من 3 شهور تقريباً
و بعدين يكفى الأحزاب مرشح واحد لترشح أحد أعضائها للرئاسة
وفيه رد على النقطة دي برضه في اللينك السابق و في حلقة المستشار طارق البشري على دريم أمس

فقط لا غير



إيه المشكلة في كل الكلام دة ؟؟؟؟؟

مفيهوش مشكلة خالص
دة مذعلكم في إيه ؟؟؟؟؟
عن نفسي مش مزعلني..المهم رضاك يا فندم :)

بعيد عن خلافاتنا و بعيد عن اننا عايزين نعمل ابطال و اننا عايزين نركب الثورة و الكلام دة ...... إيه رأيكم في الكلام دة