الموضوع: ها اية اخبار اللستة النهائية بتاعة الطلبات خلصت و لا لسة ؟

المشاركة الأصلية كتبت بواسطة donzi

شكرا

العفو
اى خدمة يا اختى يا مصرية
و كلامى بجد لا يحمل اى نوع من التريقة او التهكم

المشاركة الأصلية كتبت بواسطة Donzi

اولا مين قال لحضرتك ان مفيش حاجة زي كدة بتتعمل و حاجات تانية غيرها كتير لتخليد ذكرى الشهداء دول ولا كل واحد لازم يمشي يقول انا دفعت كزا و شاركت بكزا عشان اعمل و اسوي للشهداء ؟؟؟ اعتقد ان هي دي فنجرة البوق

ثانيا موتهم مش هايروح هدر لما المطالب اللي ماتوا عشانها و الحقوق اللي طالبوا بيها ترجع و البلد توصل للي هما كان نفسهم فيه مش بكام كولدير ميه على ابواب الجوامع

لو حضرتك بتسمي استرجاع حقوق البلد و الناس اللي بتسسرق و بتموت من الجوع و الفقر و بتتقتل عشان صوتها مايطلعش شحتفة على الماضي يبقى حضرتك اللي مش واعي و مش عارف احنا اصلا بنعمل ايه و بنعمله ليه

وياريت تطول وتطول ليه محسسنى ان الرجالة دى مش مصريين كل واحد نزل ميدان التحرير ونزل مظاهرات ضد كل ظالم لا شرعية له يبقى راجل ومصرى على حق وكل واحد قاعد فى البيت على الكى بورد كل ما عليه انه يقول كلام لا عقل له يبقى مكانه مع السابق امثال مبارك وحشيته

ولا عزاء ولا كرامة ولا اى شئ انسانى لاعضاء الحزب الغير وطنى

المشاركة الأصلية كتبت بواسطة hobiko

أنا مش قادر أفهم ..... إيه المشكلة في المطالب


مشكلتكم الوحيدة في الدنيا ...... إن المطالب عمالة تزيد


أنا قلتها قبل كدة ..... انتو بتحسسني إن مطالب المتظاهرين شقة و عربية و رحلة لدبي مثلاً لكل واحد فيهم


انتو ليه مش قادرين تشوفو أو تسمعوا ؟؟؟؟؟؟؟؟؟؟؟؟؟؟؟


الناس بتقول عايزين وزارة بعيدة عن نظام مبارك


في حد مختلف فيكو على ممدوح مرعي أو أبو الغيط أو محمود وجدي ؟؟؟؟؟؟؟؟؟


بعيداً عن شفيق ..........


حد فيكو مختلف معاية على عدم صحة تصدير الغاز لإسرائيل بالأسعار المتدنية دي ؟؟؟؟؟؟؟؟؟


طب ليه أجيب وزير كان عضو في مجلس إدارة الشركة المصدرة للغاز لإسرائيل ؟؟؟؟؟؟؟؟؟؟؟؟؟!!!!!!!!!!!!!!!!


يعني خلاص مفيش حد كويس من مئات القضاه المحترمين ......... ينفع وزير عدل


يعني خلاص مفيش حد كويس من مئات السفراء المحترمين ........ ينفع وزير خارجية


يعني خلاص مفيش حد كويس من الشرطة ........ أنا معاكو دي صعبة شوية ...... بس ندور تاني يمكن نلاقي


ليه الإصرار على دول ؟؟؟؟؟؟؟؟!!!!!!!!!!!!!!


طيب حد فيكم مش مع معاقبة قتلت متظاهري التحرير ؟؟؟؟؟؟؟؟؟؟!!!!!!!!


محدش يقنعني إن الداخلية بجلالة قدرها مش عارفة مين إلي فتح النار على المتظاهرين ؟؟؟؟؟؟ ولا إيه ؟؟؟؟؟


مثال : النيابة استدعت وائل الكومي ...... ولا راح ولا جة و مخبياه الداخلية في مديرية الأمن لحد إنهردة


إيه سر الإبقاء على رؤساء الصحف القومية ........ القاصي و الداني عارف أد إيه دول منافقين و زبالة


الشباب طالب إيه تاني .............؟؟؟؟؟؟؟؟؟؟؟؟؟


دستور جديد ...... تعمله لجنة تاسيسية محترمة من كل أطياف الوطن


مجلس رئاسي لإدارة شؤون البلاد ...... حتى دي الشباب إقترح على المجلس إلعسكري لو مش عاجبه في اوبشن تاني


نخلي الإنتخابات الرئاسية الأول و بعد كدة نعمل دستور جديد و بعد كدة إنتخابات برلمانية ...... الطرح دة نفسه واحد ذي عمرو موسى قاله


لو عملنا إنتخابات مجلس شعب من غير تطهير للداخلية أو إعادة هيكلة أمن الدولة و محاسبة صفوت الشريف و زكريا عزمي و فتحي سرور و من غير ما ندي فرصة للاحزاب و القوى السياسية تنظم نفسها معناه اننا بنجيب تاني الحزب الواطي و الاخوان


فقط لا غير



إيه المشكلة في كل الكلام دة ؟؟؟؟؟


دة مذعلكم في إيه ؟؟؟؟؟


بعيد عن خلافاتنا و بعيد عن اننا عايزين نعمل ابطال و اننا عايزين نركب الثورة و الكلام دة ...... إيه رأيكم في الكلام دة

الله ينور

المشاركة الأصلية كتبت بواسطة wael17

من المغالطات الكبري اتهام اي واحد من المعرضين للمظاهرات انه ضد الثورة و ضد تطهير البلاد من الفاسدين

رد حضرتك علي صاحب الموضوع يظهر انك تريد تطهير البلاد بينما هو يريد استمرار الفساد و هذا غير صحيح

الخلاف في الاسلوب...تطهير البلاد يمكن ان يتم بطريقة تدريجية و تحت سيادة القانون بمعني ان من يثبت فساده يعزل و يعاقب و هذا يحتاج وقت و ليس باسلوب اخذ الصالح بالطالح بحجة ان دي ثورة و لازم الكل يتشال سواء فاسد او غير فاسد

الحمد لله انا شايف اننا رغم خسارتنا لرئبس وزراء محترم مثل احمد شفيق بس استقالته لن تذهب هدر و بدأ الصامتون يتكلمون و اتوقع ان شاء الله انتهاء المظاهرات قريبا لان من ينادون باستمرارها بدأوا يشعرون ان الناس لن تصمت طويلا علي ما يحدث

بعد اذنك يا استاذى جملة تطهير البلاد تلخيص كبير لكل طلبات الثورة و من قبل الثورة و مش معنى ان الزميل قالها يبقى اى فيها اتهام لاى شخص انه ضدها بل هى توضيح و تلخيص و مع ذلك هل تستطيع ان تنكر ان هناك بعض الناس كانوا مستفيدين من النظام السابق و لا يريدون هذا التطهير
حضرتك بتقول ان التطهير يكون تدريجى و اسمحلى اختلف معاك ازاى يكون تدريجى هل نعطى الفرصة للفاسد ان يحرق و يخفى ما يدينه ام نعطيه فرصة يهرب فلوسه و يهرب هو كمان او نعطيه فرصة ان يتلون و يلبس ثوب الثورة و يخش انتخابات تانى و ينجح و يرجع لقديمه
طبعا انا معاك ان كله بالقانون و لكن اليس هنالك رموز فساد معلومة للجميع مثل صفوت الشريف و زكريا عزمى و غيرهم ايصعب انى افرض عليهم مثلا الاقامة الجبرية نظرا لخطورتهم فى هذه المرحلة و حتى لا يقوموا باتلاف مستندات الفساد
حصرتك بتقول خسرنا رئيس الوزراء السابق الفريق احمد شفيق طيب بعد اذنك ممكن تقول ايه اللى خسرناه برحيله و هل ممكن تقولنا ايه مميزاته و ارجوك ارجوك بلاش موضوع حرب اكتوبر اللى كل ما واحد يمسك البلد و تكلمه يقولك حرب اكتوبر و كأنه كان بيحارب لوحده مش جيش كامل لا يقل عن نصف مليون و خلفه شعب كان كل مجهودة موجه لهذه الحرب
عارف موضوع حرب اكتوبر عامل بالضبط زى مصر فى عهد عبد الناصر لما الضباط الاحرار تولوا كل مناصب البلد علشان هما اللى قاموا بثورة يوليو و كانت النتيجة النكسة
يا استاذى هل رأيت لقاءات الفريق احمد شفيق و كيف انه لا يستطيع ان يقدم حلول او جداول زمنية لاى مشكلة و لما حد يساله على حاجة عنده اجابة من اثنين
يا معرفش
يا اما سؤالك اجابته عند المجلس العسكرى
بالله عليك هل هذا رئيس الوزراء الذى يستطيع ان يتعامل مع الداخل و يتعامل مع الدول الاجنبية و يتفاوض على مشاكل بلده و هو كما ترى فى اجابته عدم تيقن بالاضافة الى سهولة استفزازه
لاحظ انى كلمتك عن عمله تعالى لمواقفه التى كانت تعتبر ان الثورة ديه مجرد حركة و شوية ناس عايزة بونبونى و هايد بارك و كلام جعله هو اللى بايده ضيع اى رصيد له عند الشباب فبالتالى ازاى يكون امام العالم متحدث عن الثورة
اخيرا يا استاذى مين هما الصامتون اللى قالوا لحضرتك هدد الناس ان احنا هيبقالنا وقفة معاهم لو مبطلوش يطالبوا بحقنا
هل حضرتك تعتقد ان الصامتون بيعارضوا ان البلد تبقى ديموقراطية و يختاروا اللى يحكمهم دون خوف من تعذيب او اهانة
و لا بيعارضوا ان ملياراتهم اللى نهبت ترجع و اللى سرقهم يتحاسب
ولا بيعارضوا ان اجورهم تزيد و تعليم اولادهم يتحسن
و لا بيعارضوا ان اولادهم تتخرج من جامعاتهم يلاقوا الوظيفة و السكن بدل ما بينتحروا علشان يسيبوا بلدهم
و لا بيعارضوا ان العلاج يكون متاح فى كل المستشفيات دون امتهان لكرامتهم
و لا بيعارضوا ان لما يحتاجوا الشرطة يلاقيها على طول فى خدمتهم و بتحترمهم
و لا بيعارضوا انهم لما يروحوا اى مصالح حكومية ميدفعوش رشاوى و اكراميات
و لا بيعارضوا ان اكلهم و شربهم يكون نظيف علشان ميجلهومش فشل كلوى او سرطان
و لا بيعارضوا ان لما يخرجوا بره مصر يتعاملوا افضل معاملة بدل معاملة العبيد
و لا بيعارضوا و لا بيعارضوا
ارجوك دع الصامتين يتكلموا بأنفسهم و شوف هيقولوا ايه وبلاش نظلم اللى بيدوروا على حقوقهم و حقوقنا و نقول واقفين حال البلد لان احنا لم نكن يوما ماليزيا او سنغافورة
حال البلد واقف من زمان و ابحث يا استاذى و شوف حجم الدين الداخلى فقط و الذى يقترب من 900 مليار جنيه غير الديون الخارجية هل كان مسئول عنه اللى فى ميدان التحرير