شفيق في مواجهة لجنة الحكماء على التلفزيون الليلة مباشر الساعة 9

**SkyBird** · 03-03-2011 02:52 AM

احمد شفيق
قلت لكم قبل كده ان شفيق اخره يبقى ناظر مدرسة وكثير عليه لانه بطئ التفكير ومغفل جداً
الراجل مش عارف اي حاجه في اي حاجه في البلد حتى امن الدولة مش عنه حاجة ومش عارف لو اتصلحت وظيفتها هتبقى ايه ولا عنده حلول ولا رؤية مستقبلية ولا بطاطس

علاء الاسواني
راجل راجل راجل ولم يسمح لشفيق بالتطاول عليه حتى لما شفيق يقوله "انت مش فاهم"كان بيرد عليه "لا انا فاهم انت اللي مش فاهم" هههههههههه

عمرو حمزاوي
صدمني وكنت فاكر انه ارجل من كده كان عامل زي التلميذ الجبان قدام شفيق وفي الفضائيات اسد

الدكتور كمال ابو المجد
فاقد للوعي وكان بيتكلم عن الكائنات الخرافية المربعة في ما وراء الطبيعة الحرة المتجمده

نجيب ساويرس
شجاع سياسي هادئ

حمدي قنديل
كلام قليل بس جاب لب الحلقة كلها لما قال "استغرب انك لم تستقيل" يعني لو عندك شرف وشفيق لم يرد بكلمه

نقطة خطيرة حد يصححها لي لو سمعتها غلط
شفيق بيقول وهو بيزعق ومتنرفز انا اللي ركبت الطيارات وحاربت وحسني مبارك خد نجاحي

هو شفيق عايز ياخذ لقب"صاحب الضربة الجوية الحقيقي"

**elrasy** · 03-03-2011 02:55 AM

الحوار عجبى جدا
وخصوصا علاء الاسوانى لانة كان واضح فى اهم مطلبين
1- ازاى واحد من الحزب الوطنى اللى الثورة اسقتطها هى اللى هتحقق مطالب الثورة
2- ازاى الناس اللى قتلوا الشهداء مفيش اى اجراء معاهم لغاية دلوقتى والموضوع طول اوى

**chato_eg** · 03-03-2011 03:03 AM

المشاركة الأصلية كتبت بواسطة skybird

عمرو حمزاوي
صدمني وكنت فاكر انه ارجل من كده كان عامل زي التلميذ الجبان قدام شفيق وفي الفضائيات اسد

أختلف معك....عمرو حمزاوى كان على نفس الخط زى علاء الأسوانى...بس علاء الأسوانى كان منفعل و ده أفقده قوته....بمعنى بالرغم من إنى موافق تماما و جملة و تفصيلا على كل كلامه إلا أنه لم يجب أن يسمح لمشاعره ( و التى أحترم و أبجل أسبابها تماما ) باقتياده كما حدث

**fepsceasar** · 03-03-2011 03:16 AM

المشاركة الأصلية كتبت بواسطة skybird

احمد شفيق
قلت لكم قبل كده ان شفيق اخره يبقى ناظر مدرسة وكثير عليه لانه بطئ التفكير ومغفل جداً
الراجل مش عارف اي حاجه في اي حاجه في البلد حتى امن الدولة مش عنه حاجة ومش عارف لو اتصلحت وظيفتها هتبقى ايه ولا عنده حلول ولا رؤية مستقبلية ولا بطاطس

علاء الاسواني
راجل راجل راجل ولم يسمح لشفيق بالتطاول عليه حتى لما شفيق يقوله "انت مش فاهم"كان بيرد عليه "لا انا فاهم انت اللي مش فاهم" هههههههههه

عمرو حمزاوي
صدمني وكنت فاكر انه ارجل من كده كان عامل زي التلميذ الجبان قدام شفيق وفي الفضائيات اسد

الدكتور كمال ابو المجد
فاقد للوعي وكان بيتكلم عن الكائنات الخرافية المربعة في ما وراء الطبيعة الحرة المتجمده

نجيب ساويرس
شجاع سياسي هادئ

حمدي قنديل
كلام قليل بس جاب لب الحلقة كلها لما قال "استغرب انك لم تستقيل" يعني لو عندك شرف وشفيق لم يرد بكلمه

نقطة خطيرة حد يصححها لي لو سمعتها غلط
شفيق بيقول وهو بيزعق ومتنرفز انا اللي ركبت الطيارات وحاربت وحسني مبارك خد نجاحي

هو شفيق عايز ياخذ لقب"صاحب الضربة الجوية الحقيقي"

متهيالى قال مبارك استفاد من انجازاتى

**factorialx** · 03-03-2011 03:23 AM

يا جماعه هي الإنتخابات بالرقم القومي و لا بالبطاقه الإنتخابية

**eman_2404** · 03-03-2011 03:58 AM

بعد استماعى للبرنامج النهاردة ومع كامل احترامى للدكتور احمد شفيق بس هو لازم يرحل
فهذا ليس وقته فهو شخصية احترمها جدا وكنت اسمع عن ترشيحه لرئاسة الوزراء منذ زمن ... وكان اللى بيطالب بيها الشعب مش النظام ....بس المرحلة دى مش مرحلته وانا مازلت استغرب هو ليه بيطلع فى التلفزيونات والبرامج وليه بيروح لغاية عندهم وليه بيتعب نفسه مع انه - بحكم منصبه - ممكن يعملوا اللقاء عنده فى مكتبه ليه بيوافق يقعد فى حوار مع ناس منهم المعارضين ...
الراجل ده ليه كفاءة فى عمله وده شئ كويس ومحدش ينكر ده والظلم حرام بس الراجل ده حهيتظلم لو استمر فى الوزارة ... لأن مفيش حد مديله فرصه عشان يشتغل ويبان عمله .

عايز اقول حاجة بلاش التجريح فى الناس واللى عايز يعترض على الدكتور احمد شفيق ..رأيه .. ويعترض براحته ... كل واحد عايز مصلحة البلد انا شايفها باستمرار الوزارة حضرتك شايفها فى اقالة شفيق ،،،مش من حقك تقول عليا خاين و مش من حقى اقول عليك عايز تخرب البلد
كل واحد شايف مصلحة البلد بطريقة بس يارب الكل لما يتكلم يكون فاهم ان دلوقتى غير زمان رأيك وصوتك بيأثروا بجد فى مصلحة البلد

المشكله ان الواحد لما يكون مقتنع بشخص بيقبل منه كل الكلام ولو رافضه لو قال ايه برضه مش هيعجبه
لما يقول الدكتور احمد شفيق ان الاقتصاد بينهار انا شايفه ان المفروض يقولوا مش يخبى علينا احنا كلنا لازم نعرف الحقيقة ،،ياما دفنا راسنا فى الرمل

لكن اللى ضده شايف انه بيخوفنا بيرهبنا عشان نقعد فى بيوتنا انا شايفه انه ده مهم لينا اننا نعرف عشان الصورة واحنا بنتكلم تكون واضحة

كلمة اخيرة للكاتب الدكتور علاء الاسوانى مع احترامى الشديييييييييييييييد لحضرتك سؤالك الاول كان رائع وكان يبدو ان الحوار سيكون مبشر ولكن لم يعجبنى مهاجمتك الدائمة للدكتور شفيق انت لم تكن تحواره انت كنت تهاجمه
لم افهم بسببك معظم الحوار كنت تسأل ولم تكن تترك الآخر يجيب
فى رأسك فكره عن احمد شفيق انه شخص لايستحق منصبه فطبيعى انك لم تقبل منه اجابه كنت اتمنى ان اسمع حوار وليس خناقة

ولكل واحد معجب بشخص لا تعجب به لدرجة الا ترى اخطاءه اذا أخطأ قل انه اخطأ وربنا يستر

**د.أبونضال** · 03-03-2011 05:53 AM

البرنامج يعاد الآن

**ahmed-moga** · 03-03-2011 07:07 AM

المشاركة الأصلية كتبت بواسطة tlrsiap

أهلا باللجنة الالكترونية , نفس الكلمتين اللي بيتقالوا على الفيس بوك بالحرف
:)))))))))))

ههههههههههههههههه لأ والمفبركاتي بتاع الأهرام ناشر الخبر وبيأكد علي وجود هذه اللجنه وحاطط خبر بيقول انه تم حل هذه اللجنه علشان يضحك علينا وندي الأمان علشان موقفهم ووجودهم بقي باين وواضح للجميع

**korkor** · 03-03-2011 07:54 AM

المشاركة الأصلية كتبت بواسطة misoalex

حاجه واحده بس عاوز افهمها هو الراجل ده كده كده ماشى بيتكلم ليه بصفه مستقبليه وكأنه واحد قاعد سنين وبيخطط على هذا الاساس

هى دى مش حاجه تقلق

لا علشان هو راجل محترم ومحترف واحنا مش متعودين على الاحترام والاحتراف فى العمل متعودين انك لما تبقى عارف انك ماشى بعد شهر تكبر دماغك وتبلطج ماهى ماعدتش فارقه والكلام ده انا ماحستيش بى غير لما اشتغلت مع اجانب , عندى فى الشغل مدير اجنبى كل المشروع عارف انه ماشى من 3 شهور والراجل بيشتغل ويخطط ولا كانه قاعد 10 سنين هو ده الاحترام والاحتراف واللى قالق حضرتك ده المفروض انه يخليك تحترمه بغض النظر انت مختلف معاه وعاوزه يقعد ولا يمشى .